اسمعى

اسمعى
لو تعقليها
تفهميها
هتلاقيها
حسبة سهلة
مش عويصة
وبهدوء
مش عايزة
هيصة
اسمعى
سكتنا واحدة
صدّقي
دنيتنا واحدة
شىء باحسه
لما اشوفك
لما بس
انطق حروفك
وف عينيكى الخجلانين
انا بالقى صورتى
وف ايديكى الدفيانين
انا بانسى حيرتى
وانتى ليه
محتارة حبة
خايفة ليه
من حبى حبة
دى الحياة
حوالينا حابة
ابقى ليكى
وتبقى ليا
اجرى ليكى
وتجرى ليا
اسمعيني...
مش خسارة
ثانية تانية
وثانية تالتة
تضيع بلاش
تمشى وحدك
وامشى وحدى
والحنين
ما يضمناش
خايفة ليه
ماتقربى
ليه بسرعة
بتهربى
ف الغرام
ابقي اسألى عنتر وعبلة
عملوا أيه
أسألى ليلى وقيس
أسألى جولييت وروميو
عمرهم
ما خافوا لحظة
مهما كات
الناس ملاحظة
كانت الأشواق
بتجرى من عينيهم
كانت الأيام
بتتكلم عليهم
برضه خايفة
طب خلاص
لما خوفك ينتهى
يمكن يكون
قلبى خلاص
.......
حب غيرك
...مستحيل
أقصد يكون
قلبى خلاص
نبضه انتهى م الأشتياق