سؤال محتاج إجابة ... أحمد سعيد موسى

يا سؤال ف القلب حاير
نفسي ألقى لك إجابه
يعني إيه معنى الغرام؟
ولا إيه معنى الصبابه؟

يعني اداري جوه قلب
القلب حبِّك!!
ولا اقول وانطق واعيش
احلم بقربِك!!
ولاّّّّّ أحيا لِك سنيني
واوهبك شوقي وحنيني!
وابكي طول الليل ف بعدِك
واحلم اني أبقى وعدِك
واكتب المراسيل عشان
تنطق بشوقي

ولاّّّّّ اسيب حبِّك بيجري
من سكات داخل عروقي !

ولاّّّّّ أرسم قلب طالع
منه سهم
عليه حروفك!

ولاّّّّّّ اخرّّّّّّج قلبي منّّّي
لجل احطُّه
بين كفوفك!

ولاّّ اسبلِّّّّك عيوني!
ولاّّّّ اقولك إنتي
ساكنه
بين جفوني!

ولاّّّّ اكتَّّّر ف الهدايا
ولاَّّّّ اقول انّك منايا
ولاّّّ إي
أصل الحكايه؟!
ولاّّّّ انا
غلطان لأني
بدأت افكَر
م البدايه!

يعني إي طيّب قوليلي ؟
يعني أسهر ليكي ليلي !!
ولاّّّّ أرحل وانسى حبك !
ولاّّّّّ اعيش تايه دليلي !!

فهميني المعنى إيه !
ولاّّّ هوا الحب
عيبه للغلابه ؟!

يا سؤال ف القلب حاير
نفسي ألقى لك إجابه
يعني إيه معنى الغرام؟
ولّا إيه معنى الصبابه ؟


شعر / أحمد سعيد موسي

الابن الشاعر الجميل
احمد موسى
نص رائع بكل المقاييس . وإن كانت هذه بدايات
إذن نحن ما زلنا نحبو .
جميل والله يا احمد لإنك كتبت بوعى كامل وأخرجت
ما بمخزونك من تركيبات جمليه أضافت البهاء لهذا
النص المكتوب بحرفية شاعر متمكن .
وانت كتبت فى بداية النص :

بعد إذن إخوتي في المنتدى سأظل فترة أرفع من قديمي كي يحظى برأيكم ونقدكم
وأرجو النقد البناء ...

وهنا ارى من واجبى ان انوه الى شيء اراه قد تكرر اكثر من مره
فى النص مما جعلنى اكتب رأيى هذا ..
كررت كلمة { ولاّ } مرات كثيره ورأيتها قد أضعفت النص قليلاّ
ارجو ان تأخذ كلامى من وجهة الغيره الحميده على اعمالك حيث
انك شاعر جيد وافكارك جيده واحب ان تكون اعمالك على اكمل وجه
كل الود والتقدير ايها الشاعر الجميل ...