نظرة من عينيكى

نظرة واحدة من عينيكى
لمسة واحدة من ايديكى
همسة حتى الله يخليكى

ده كل منايا

قالوا لى كتير اوصف فيكى
مش لاقى كلام يكفيكى
مفيش كلمة تيجى عليكى

اية الحكاية

رمشك و شعرك وعيونك
صوتك كلامك و خدودك
والله الله يكون فى عونك

ده انتى آية


كنتى انتى دايما ف بالى
راسم لك صورة ف خيالى
ولما شوفتك ادامى

حصل لى ايه


فجأة لقتنى اتغير حالى
وطلعتى اجمل من احلامى
مش عارف اعبر ب كلامى

عملتي لى ايه


خلتينى احس ان الدنيا
بقت فى عينى حاجةتانية
وعيشتينى فى الجنة

اقول تانى ايه


جمالك اصلوا مش عادى
د انا بس بشوفك قصادى
بيجيلى احساس مش عادى

مقدرش اخبيه

يا ريتك بقى تحسى بيا
و تحنى بس شوية عليا
د انا حبى باين فى عنيا

مش مخبيه

الشاعر الجميل محمد رمضان
محاوله جيده وقصيده مليئه بالاحساس
الصادق ولكن هناك خلل فى بعض الاوزان
أرجو منك اخى
ان تتطلع على شعر الزملاء فى المنتدى
وهذا من حرصى على ان يخرج عملك فى احسن صوره
مزيد من التقدم
تقبل مرورى وتقديرى

اخى الجميل محمد رمضان
هذة الخاطرة من اروع ما قرات فى خواطرتك ومن هذة الاعمال الى عجبتنى كثيرا وكثيرا وانا افكتر هذة الخاطرة الجميلة
مستنين منك اكتر واكتر
اخوك
احمد سعد
شاعر غنائى

الاستاذة / اميرة البدري
اشكرك جدا على مرورك العطر
وشكرا على الملاحظة
محمد رمضان

اخى العزيز احمد سعد
اشكرك على الكلام الجميل
مستنيين حاجاتك

اخوك
محمد رمضان

الله عليك يا محمد عمل جميل إلى الأمام دائماً

استاذى منير منيب
الله عليك انت
عشان رديت عليا الرد الجميل دة
والى الامام دة اكيد بتوجيهاتكم المثمرة
ابنك

محمد رمضان

اخى الجميل احمد موسي
اكتر حاجة بحبها فيك
هى ارشادك ونصحك ليا
بجد بتعلم منك
ان شاء الله يمومين كدة واظبطهم
بس بجد انا اليومين دول مش بكتب
كل الحاجات دى قديمة و الله
وانا دلوقتى بنقرا بس عشان اتعلم
وبعدين انا يدوب من الدراسة للشغل ومش فاضى والله
واصبر عليا يومين كدة واكتب حاجة جديدة
ونشوف انا اتقدمت ولا محلك سر
محمد رمضان

الشاعرة الجميلة المبدعة / عزة الزرقانى
مرورك على صفحتى
نور لى طريقي و دنيتى

ان شاء الله هحاول اظبطها عشان تبقى اغنية
اشكرك على كلامك

تلميذك
محمد رمضان