البوم الذكريات

موضوع: البوم الذكريات الأحد نوفمبر 15, 2009 6:19 pm

لما طال الليل عليا والسنين سرقت حياتى
قولت اعيد الماضى واسرح وياه البوم ذكرياتى
وفضلت اقلب فى الصور وانا قلبى مليان بالشجن
واضحك وابكى فى وحدتى واصرخ واقول يااااااه عالزمن
كل اللى كنت بحبهم كل اللى كنت بعزهم
حبه صور هما اللى فاضلين منهم
ليل طويل ياليل طويل عالقلب اللى انكسر
حتى الزمن الجميل ماخلاص مالهوش اسر
----------
بين سكون الليل وهمى..افتكرت ابويا وامى
اللى راحو من زمان
بعد منهم اعيش لوحدى..استلقى يادنيا وعدى
مالليالى ومالزمان
فين حضنك فين فين يااما
وليالى زمان واللمه
ضاع الاحساس والرحمه
---------
واللى ذاد جوايا حيرتى..لما شفت بعينى صورتى
قولت اه منها السنين
الزمان غير ملامحى..اه يانارى واه ياجارحى
مين يرجع عمرى مين
اه يانى واه اه يانى
ده عينيا ماهيش عارفانى
غرقان فى بحور احزانى
---------
وابتديت اسرح شويه..وافتكرت حبيب عينيا
قولت ياه عالدنيا ياه
اللى ياما رسملى بكره..لما يبقى فى لحظه ذكره
يبقى ايه معنى الحياه
الغالى خلاص راح منى
وياريت الناس رحمنى
عايز ايه يازمان فهمنى
----------
كل ليل مع نفسى احكى..افتح الالبوم وابكى
ابكى واصرخ من سكات
فين حبايبى يادنيا فينهم..مش بقيلى حاجه منهم
غير شويه ذكريات
القلب حزين متجرح
ولا قوله اه بتريح
مابقاش فى شئ بيفرح
----------
خبى دمعى ياعينى خبى..ماتزيديش النار فى قلبى
قلبى مش ناقص عذاب
ده العذاب اللى انكتبلى..لا محش شافو قبلى
ينكتب فى ميتين كتاب
بين دمعه ياناس والتانيه
مارتحتش يوم ولا ثانيه
وصبحت وحيد فى الدنيا
----------
كل ماهده شويه وانسا..هاتلاقينى بحن لسه
وافتكر كل اللى فات
الزمان خد عمرى كله..خد حلاوته وسابلى مره
كان محوشلى الاهات
ايام وسنين عديتها
وبحور احزان عديتها
وفى قلبى الاه خبتها
----------
بين دموعى ياناس ويأسى..قلبى داب وسألت نفسى
ميت سؤال مالهوش جواب
واما بده النوم ياخدنى..نمت والالبوم فى حضنى
يمكن اهرب مالعذاب
عالماضى بكيت والذكره
وياخوفى ياناس من بكره
مش عارف ايه اللى هايجره

الشاعر الجميل سامح الكومى
روعه بجد وفكره جميله جدا
توهتنى من جمالها
واتفرجت معاك على البوم ذكرياتك
واستمتعت كتير بكلامك وتعبيراتك
وان شاء الله هيكون بكره احلى واحلى
جوه البوم الذكريات
تقبلى مودتى وتقدير

ربنا يخليكى يارب
ويخلى كلامك الجميل ده بجد
انتى احساسك باين فى كل حاجه كده
وشعاره مميزه وانسانه عندها ذوق فنى
جميل
وانا فى اسعد لحظات حياتى لما بشوف
ردك على صفحتى

الاستاذ الشاعر
سامح الكومى
البوم من الذكريات اعاد لى سنوات مضت
ففتحت البومى فوجدته مشابهاّ لألبومك .
قصيده لو ضُغطت قليلاّ لصارت اغنيه جميله
عمل جميل مشكور عليه .
وتقبل منى كل الود ...

قصيدة جميله ياسامح

وفيها ذكريات لأجمل واغلى الحبايب

للحاضر واللى غايب

بس هو دا حال الدنيا

ح نعمل ايه

نحن نريد

والله يفعل ما يريد

دمت بكل خير وحب

الشاعر الغنائي الجميل " سامح الكومي "
روحك الغنائية لا تفارقك حتى حين تذهب إلى الكتابة في الدراما الشعرية ...
حتى موسيقاك على الرغم من الشكوى موسيقى غنائية ..
فركوبك تفعيلة الرمل يجعل المعاني تتراقص في لوحة غنائية رائعة
فقط هربت منك التفعيلة في بعض المواطن منها :

حتى الزمن الجميل ماخلاص مالهوش اسر

وكذلك محاولتك الالتزام بالقافية جاء على حساب الرسم الإملائي فكلمة " اسر " هي " أثر "

أنا مع أخي عادل عوض سند في ضغطها وتحويلها إلى أغنية ستكون من أروع الأغاني ذات الشجن العالي

تحياتي

شكرآ ليك جدا يااستاذ عادل
على كلامك الرقيق ده
بس مش كنتى اتمنالك ان يكون البومك
يشبه البومى

شاعرتى القديره العملاقه
واستاذتى الفنانه عزه الزرقانى
ميرسى ليكى جدا على الكومنت الجميل ده
وتحياتى ليكى من كل قلبى

استاذى ابو القوافى
كلامك ده اعتز بيي طول عمرى
وشهاده افتخر بها
تحياتى لك

الشاعر الرقيق المشاعر / سامح الكومى

لو تصفحت ألبوم آخر لأى إنسان ستجده طبق الأصل
من ألبومك .. ربما أصعب ..
أتمنى أن يضاف إلى ألبومك .. صورة زفافك ، وصور
أبناءك فى جميع مراحل حياتهم .. حتى صور زفافهم
وأنت وشريكة العمر عواجيز تتصفحان نفس الألبوم للصور ..
كم هو ألبوم غنائى شجى وجميل وفائق الإحساس
قصيدتك هذه ..
دمت مبدعاً
وداد الهـــــــــــوارى
Very Happy

البوم جميل مليىء بالأحزان والصور الرائعة من الماضى الجميل

لك مودتى أستاذ سامح والى الأمام .

Very Happy

الشاعر الكبير عمو سامح الكومى كلمات قصيدتك جميلة جدا الظاهر ان الحزن هو اللى بيطلع الابداع اتمنى ان اسمعها اغنية قريبا بأذن الله Cool

الرائع الغنائى

سامح الكومى

انا مريت على القصيده دى قبل كدا

وكل مره اكتشف جمال وعمق اكتر

فى المعنى والمضمون وف الالبوم

دمت بكل حب

ملحوظه

تثبت القصيده

لروعة الحرف

بشكرك جدا يااستاذه وداد على الامنيه
الغاليه اللى بتتمنهالى
وميرسى ليكى جدا على ردك

ميرسى ليكى جدا يااستاذه ايمان الروبى

وشكرآ على المتابعه الرقيقه دى Very Happy

ياحبيبه قلب عمو سامح
انا كفايه عندى انها عجابتك
وان شاء الله نسمعك انتى كمان
ونفرح بيكى يارب

سامح باشا يا كومي
قصيدة غنائيه أكثر من رائعة
وأنت شاعر شاعر وأشهد لك بذلك
ولكن لو قبلت نصيحة أخ يحبك ويعترف بشاعريتك
فأنصحك أن تتمهل قبل رفع النص لأن شعرك جميل وبديع
ولا أحب أن أرى فيه اختلال في بعض المواطن
ولا تعتمد في شعرك على لحن الملحن اجعل اللحن ثابت
وهنا يكمن الإبداع ....

أرجو أن لا اكون ضيفا ثقيلا
فأنت تعرف كم أحبك ... وأفتقدك

الشاعره العملاقه
استاذتى عزه الزرقانى
بجد ميرسى ليكى جدا
على التثبيت
وعلى المتابعه
وعلى مرورك وكلامك
وحنانك
بجد عندى حق انى اقول
عليكى شاعرتى المفضله

حبيب قلبى يااحمد والله
على فكره انا عمرى مازعل من حد بيحاول
ينصحنى ويدلنى على حاجه مش واخد بالى منها
وكلامك كله على راسى وبحترمه وبحبه جدا
مع انى على طول مقصر معاااااااك بس صدقنى
اكيد انت عارف رأيي فيك وفى قصايدك
وسامحنى والله غصب عنى عدم المتابعه
وعلى فكره انت اخويا يااحمد
مش ضيف تقيل
اخوك سامح الكومى
Very Happy

الشاعر الغنائى الجميل:سامح الكومى
قصيده غنائيه اكتر من جميله والبوم ذكرياتك صعب اوى مليان بالحزن والشجون قربت منه لقيت منه ساعات نفسى يعنى شفت فيه مرايتى تعبنى حزنه بس فوقت وقلت لازم اهنيك على هذا الالبوم
وانشاء الله تكون ايامك اللى جايه كلها سعيده ولما تكون ذكرى تبقى ذكرى جميله تنور كل أيامك
تحياتى لك ولأبداعك

قصيدة جميلة من شاعر مبدع , وفكرة لم يسبقك إليها أحد . تحياتي لك يا أستاذ سامح .

جميله كل مرة احسن من اللى قبلها
رائعه من روائعك

اخى سامح
تسبح بنغمات الموسيقى فتغوص بالشجن الدافىء للنفوس

فتثبت بانفسنا مشاعر واحاسيس الصدق والواقع

اهنيك على قدراتك ولاكن اشارك اساتذتى فى قولهم

اتجهه للاغنيه

الانسه الرقيقه والشاعره الجميله صدفه
ميرسى على الكومنت الجميل اوى ده
والدعوه الغاليه
وتحياتى ليكى على جمال ردك
Very Happy

استاذى منير منيب
تحياتى لك من كل قلبى
وميرسى جدا على مرورك الكريم

» البوم الذكريات
» عطر الذكريات
» سجن الذكريات
» شريط الذكريات
» تؤلمني الذكريات