لمعان قزاز عريان

( لمعان قزاز عريان )
من قبل ما يؤون الأوان
كنتي هنا
محبوسه فيا
من زمـان
عاشق ونفسه
يختلي بمعشوق
من غير ملايكه
أو فضا مخنوق
ينفك قيدك جوه مني
وادوق
طعم الألم في مشهد
الحرمان
ولاني فوق كل العيون
انا كنت طاير باحضنك
وبواسي جرحك
وابتدي
بيكي الجنون
فمتخجليش من دمعتك
قدام عيوني
دانا الوحيد
اللي بتنزل
دمعتك
من بين جفوني
مش أي بنت
حضنتها
ف حروف قصايدي
ولا أي حد
عنيه تطول
تفاح غصوني
مسجون
ف إحساسك هنا
من ألف عام
مدبوح على شطك أنا
فارس شهيد
وألوف بتنهش ضحكتك
وانا الوحيد
اللي بموت علشان
ما أكون لعنيكي عيد
فسيبي قلبي
برعشته
ينزف ف حضنك
ماتخافيش
إن قلبي مات ف عنيكي
أنا فيكي هعيش
متقطعيش كل القصايد بعد مني
سيبي الأصيل
والفالصو عمره مفيش
ده جنيه دهب وفريحه صاغ براني
واهو كله عند الجارسونات
بقشيش
سيبي النبيذ
لابن المزاج العالي
واكم بتلطش خمرة البراطيش
ميغركيش لمعان
قزاز
عريان
ده طوبه واحده
تدشدشه تدشديش
في النور بيلمع للعيون
ويبان
لكنه مش زي الدهب
هيعيش !

محمد عبد المنعم الحناطى
كلمات ممتميزه
بس الصراحه معجبنيش فى القصيده الا النهلايه بتعتها كانت فعلا جامده
عموما القصيده لازم نتكلم فيها وش ل وش
يا شاعرنا الكبير
تقبل فائق احترامى وتقديرى
دمت بكل خير
الى لقاء قريب

الأستاذ المبدع محمد كلماتك معبره جدا و جميلة حقا و لكن أتفق مع أخي عمرو شاهين في أن النهاية أجمل أبيات القصيدة " ف النور بيلمع للعيون لكن مش زي الدهب هيعش " الله فعلا علي هذه الصورة دام قلمك سيدي , يسعدني أن أري رأيك في قصتي المشاركة في المسابقة " ربع كيلو لحمة " تقبل مروري و تحياتي استاذي
http//www.Kotab.Y-writers.Com

الأستاذ المبدع محمد كلماتك معبره جدا و جميلة حقا و لكن أتفق مع أخي عمرو شاهين في أن النهاية أجمل أبيات القصيدة " ف النور بيلمع للعيون لكن مش زي الدهب هيعش " الله فعلا علي هذه الصورة دام قلمك سيدي , يسعدني أن أري رأيك في قصتي المشاركة في المسابقة " ربع كيلو لحمة " تقبل مروري و تحياتي استاذي
http//www.Kotab.Y-writers.Com

الرائع ضياء الدين البربري أشكرك على مرورك

الشاعرة الرائعة عزة الزرقاني يسعدني دائما مرورك وربنا ما يحرمنا منك

عمرو شاهين يسعدني انه يعجبك حتى لو بيت واحد

الشاعرة أميرة البدري شفتي انها رومانسية عشان نضارتك رومانسية ورائعة أم انا غلبااااااااااااااااان

اخي شريف العجوز اتفاقك مع صديقي عمرو شاهين يسعدني

وداد الهواري .. انتي اللي مسموحلك تقولي كل اللي انتي عايزاه .. متشكر على مرورك يافنانة يا مبدعة

اخى الحبيب الشاعر الرائع المتألق دائما
الاستاذ محم الحناطى

تحياتى وتقديرى
اولا اعتذر للتاخير فى الاطلاع على تلك القصيدة الرائعة
واستمتاعى بقراءتها اكثر من مرة فانت شاعر جميل مالكشى حل ايضا
ثانيا اتفق مع استاذنا عبد الله جمعه انها قصيدة غنائية لابد ان تخرج منها
اغنية رائعة يتغنى بها مطربا له وزن
دمت بكل خير ودام ابداعك الرائع وتقبل مرورى وشكرا