تماثيل قزاز

السمك فى النيل بيصرخ
و المطر نازل دموع
و الندا فى الزور بيشرخ
و الطريق ما فيهوش رجوع
الحكايه مش كلام
و لا لت فاضى
الحكايه مش سكن و فراغ و جوع
الحكايه شعب
شايف بكره تانى
بكره متفصل على صوت الحياه
ألف بعد الشر عنك يا حبيبتى
من وجع فى القلب
واصل منتهاه
ألف بعد الشر
من إيد جايه تقتل
ألف بعد الشر
م الليل و الظلام
ظهرنا مقطوم
على الورده اللى ماتت
قلبنا موجوع
على دم الشهيد
بس لسه العزم بيساند قلوبنا
بعد ما الصوت اللى كان مكتوم نطق
بعد ما عرفنا اننا
ما احناش ورق
إحنا أبطال من فولاذ
و العدو .....
تماثيل قزاز

بعد ما عرفنا اننا
ما احناش ورق
إحنا أبطال من فولاذ
و العدو .....
تماثيل قزاز

الله يا استاذ

الله