من غير كلام

لما عنيكى بتقولها
لازم عيونى تكملها
وانا وانتى من تانى نقولها
ومن غير كلام

واخد عيونك بين حضنى
واسمع شفايفك توعدنى
والشوق ياخدنى ويجيبنى
وندوب غـــرام

وشوق الليل يدوب فيكى
وادوب ف حنين
واعيش الحلم ف عيونك
واتمنى اعيش سنين

ف جو حبك الصافى
ونبض قلبك الوافى
بلمسة ايد مع التنهيد
احس بحضنك الدافى

والملم م الهوا شعرك
واكتب ف الغزل شعرك
وانادى حنينى واجيلك
واضمك شوق واحسك

قربى منى ضمى حنينى
ضيعى شوقى بحلم سنينى
لما تشوفك دمعة عينى
بتنزل دايبه ف احلى غرام

ويا ملامح ضحكة بشوفها
مين يقدر لو يوم يعرفها
دى احلى شفايف لو هوصفها
هيتغير طعم الايام


كــــــــلمات
وائل سعد

غنوة جميلة
و أتمنى لك كل تقدم
و ازدهار
الشاعر وائل سعد

الاخ الجميل محمد سالم شكرا لمروك وشكرا لنقدك وتعبيرك الشفاف دومت بالخير

جميله غنائيه جميله الله عليك
تقبل مرورى

المبدعة دائما والتى افخر بها عندما تمر على كتابتى وتنقدنى الشاعرة الجميلة الروح والفؤاد أ. عزة الزرقانى دومتى بالخير والسعادة اشكرك لمروك الدائم

الاخت والشاعرة الجميلة أ, منة الله اشكرك لمرورك الدائم واحيكى واحييى فيكى شفافية احساسك الدال على صفاء فؤادك شكرا لكى

ايا شاعر الاحساس
اذا كان ده كله من غير كلام
كيف يكون شعرك بالكلام
بقول فيك من غير كلام***شاعر احاسيس وعلام
من غير كلام كثيرمعانى***بالمشاعر تذوق تانى
مع تحيات بنت الصعيد ريمى

الاخت الجميلة والشاعرة المبدعة والشفافة ريمى الصعيد شكرا لمرورك ومهمخا كنت فانا اتعلم من مدرستك فى الابداع شكرا لمرورك وانها المرة الاولى وارجو الا تكون الاخيرة تقبلى شكرى

الاخت الجميلة الاميرة الاسم والشكل والخلق اشكرك لمرورك ونقدك دومتى بالخير

الأستاذوائل/
غنوه حلوه بس ليه رأي
بسيط
لو كانت غنوه تبقى محتاجه
منك تقصرها شويه
وكمان شوية صنعه يعني
مطلع وكوبليه ولو عايز
تعمل مرد تاني
وده بييجي من ودانك
إنت
وبعدين في هنا شطرات
قريبه لبعض في المعاني
وده ترهل ويعيب النص زي
(أحس بحضنك الدافي/
أضمك شوق واحسك/
قربي مني ضميني حسيني)

(وأخد عيونك بين حضني/
وأعيش الحلم في عيونك)
والمقطع الي جاي كمان
(ويا ملامح ضحكه باشوفها
مين يقدر لو يوم يعرفها)
مافيش ترابط مابين الشطر
الأول والشطر التاني
غير في كل اللي أنا قولته
حتلاقي مفردات متكرره
بدون حاجة النص ليها
ودي وجهة نظري وإنت
لو مش كويس وشاعر
عمري ماكنت قولتلك ده
مع تحياتي/
السلاموني