قصيدة " كراكيب الروح " للشاعر أشرف عزمى

الاستاذ / اشرف عزمى
قصيده روعه وغايه فى الجمال
حواريه مع النفس والروح ليس لها مثيل
تعكس واقع نعيش فيه
أختياراك للمفردات روعه
مزيد من التقدم
تقبل مرورى

رائع استاذ اشرف عزمى

قصيده جميله ورائعه

أشكرك استاذة عزة
مرورك يشرفنى مع دوام التوفيق

الرائع الاستاذ عاطف الجندى
اشكرك جدا
الوطن على عاتقنا
ولنا ان نحمله شئنا ام ابينا بكل ما فيه
سعدت بمرورك

اميرة البدرى
الف شكر اسعدتنى كلماتك ومرورك
لكى كل التقدير

الاستاذ عادل عوض سند
تحية محبة لاهتمامك
وانا سعدت بكم اكثر
واتمنى ان تجمعنا لقاءات مثمرة

أشكرك جدا يا نورهان

نايم ..
وبفتش جوه الروح
على كراكيب متشاله
فوق رف مكسر
جوه دولاب مقفول
ضايع مفتاحه
وحروف عماله بتلعب
جوه فى قلبى
بتلف تدور فى ضياع
ولقيتنى قايم
أشَطف كل الزهقان
وألملم
طراطيف كلام
إتبعتر منى
فعصت ف عينى
طوحت الراس
كسرت الأفكار الملعونه
وبلعت حروفى
ورجعت أدوب
فى الفرشه
............
.......
وبفتش ..
جوه الروح
وألاقى هناك
أحزان مركونه
وجروح عماله بتنزف
واليوم بيعدى
والفكر مدوب نفسه
جوه مواقع
مليانه أباحه
وكيف بيعلى دماغ
بتشعشع ضلمه
تطفى كل ضمير
بيحاول يصحى
وبلاقى عتامه هناك
تخنق
وبتسرق كل الأفكار
شطيت
وحريقة تقوم فى الفرشه
.............
.........
وبفتش ..
جوه الروح
وبلاقى ضياع و زحام جوايا
زحام على لقمة عيش
طوابير
وأنا واقف مستنى الدور
والعمر بيهرب
ولا مرة نصفنى
أى طابور
وإدانى الفرصة
أكون إنسان موجود
.............
ولقيت الروح
وخدانى وشده إيديه
لبحر غوييييييييييط
مرعوب م الخوف
على بكره
مرعوب من نظره
يرقص جواها عفار
وألاقى سواد
فوق راسى
وألاقى الأرض
تدب نيران
ماتت كام وردة
وصحيت روح
هتصحى أروحنا
................
.........
وبفتش ..
جوه الروح
عن أنفاس مكسوره
والدم يسيب أصحابه
ويسقى فى الجدران
ودموع فحرلها قنايه
جوه خدود ممصوصه
وتل هموم
ما تشيله جبال
بس الروح
.. شيلاه

أخي اشرف المبدع قصيدة رائعة
وجميلة ومتكاملة
نص للمعايشة العمبقة لما يمر بنا ونراه في اليقظة رأيته في المنام في كراكيب الروح
نص يحمل الوجع والوطن في آن وكأن الوطن أصبح هو عين الوجع
ولكنه أيضا هو عين اللذة والآنتصار مستقبلا
تحياتي لأصالتك وإبداعك وشخصك

استاذ الطنطاوى
كلماتك أسرت قلبى
وأشكرك على ردك الرائع
اسعدنى مرورك

بجد الله عليك فعلا أبداع متميز وأنا مشعارفة أزاى مدخلتش عليها لأنها فعلا تستحق الدجول والتصفيق فعلا الروح مليانة كراكيب كتير وفى أجزاء كتير عجبتنى لو دورنا مثلا هنلاقى


جوه فى قلبى
بتلف تدور فى ضياع
ولقيتنى قايم
أشَطف كل الزهقان
وألملم
طراطيف كلام
إتبعتر منى
حلو أوى تعبير أشطف كل الزهقات وكلام اتعتر منى


وكيف بيعلى دماغ
بتشعشع ضلمه
تطفى كل ضمير
بيحاول يصحى
وبلاقى عتامه هناك
تخنق
وبتسرق كل الأفكار
شطيت
وحريقة تقوم فى الفرشه

حلو جدا عادة النور هو اللى بيشعشع لكن أنت عملت الجديد فى التعبير العكسى فى الضلمة


ولقيت الروح
وخدانى وشده إيديه
لبحر غوييييييييييط
مرعوب م الخوف
على بكره
مرعوب من نظره
يرقص جواها عفار
وألاقى سواد
فوق راسى
وألاقى الأرض
تدب نيران
ماتت كام وردة
وصحيت روح
هتصحى أروحنا
من أروع التشبيهات هذة الجزئيةيرقص جواها عفار وماتت كام وردة تعبيرات تنم عن مبدع حقيقى


جوه الروح
عن أنفاس مكسوره
والدم يسيب أصحابه
ويسقى فى الجدران
ودموع فحرلها قنايه
جوه خدود ممصوصه
وتل هموم
ما تشيله جبال
وهذا تعبير أروع أحيك بشدة على الخاتمة وهذا العمل المتميز

استاذة رشا
اسعدنى تحليلك الذى ينم عن مبدعة
تشرفت بيكى وبتعليقك
دمتى بالخير
واتمنى أن تقرأى قصيدة وطن لى
ومستنى رايك

استاذ سامح
شكرا جدا على الرباعية الجميلة دى
دزام التوفيق
اسعدنى مرورك