كله مكتوب ع الورق

ماهو كله مكتوب ع الورق

انا الل بعشق بالقلم
وحابيبى عايشين ع الورق
طول عمرى بعشقهم ولم
تنقذنى واحدة م الغرق
ولو ان قلبى المحترم
يفرح قوى لو ينسرق
او حتى يصرخ م الالم
مايهمنيش لو سيف برق

ماهو كله مكتوب ع الورق

ملقيتشى حد يحبنى
غير قلمى اللى يعزنى
مطاوعنى ولا يو اعترض
ولا عمره مره هزنى
لو قلتله قصة غرام
يكتبها دوغرى بانسجام
وانا البطل انا الهمام
انشالله اغرق واتحرق

ماهو كله مكتوب ع الورق

محبوبى دا لو كان شرس
ما بخافشى منه ولا احترس
اكمن قلمى مروضه
خلاه اليف مش مفترس
وان كان صديق والا عدو
مااخلفشى ابدا موعده
واخسر كتير لاجل اسعده
وانشالله اغرق واتحرق

ماهو كله مكتوب ع الورق

احبابى دايم فى انبساط
بيحبوا قاعدة الانبساط
عايشين فى ليلة بالف ليلة
كتبتها وانا ع البلاط

وكملن ملحلتيش اللضا
لكن بطول كل الفضا
واقول لهم مهما اقضا
خلانة اغرق واتحرق
مايمنيش لو سيف برق

ما هو كله مكتوب ع الورق

تنويه لابد منه

قصيدة ماهو كله مكتوب ع الورق
من ديوان موال فى عز النهار الصادر سنة 1997
وشكرا

شكرا لك أيها القدير فوزى الشربينى
على هذا الجمال
المكتوب على الورق
بها من الجمال الكثير
رغم وجود بعض الأخطاء الكيبوردية لعدم مراجعة العمل بعد كتابته
دمت رائعا و قديرا كما انت

استاذنا الشاعر الكبير اخى العزيز
الاستاذ عاطف الجندى

شكرا على مرورك الكريم الذى اسعدنى كثيرا
واعتذ ر على اخطاء الكيبورد

الله عليك استاذ فوزى

والله انا احترت معاك

ومع جمال كلماتك

مش عالافه أثبت أيه

بصراحه كل كلامك يستحق التثبيت

بس عموما أنت مثبت فى قلوبنا أيها القدير

دمت بكل حب وخير

الاخت العزيز ة الشاعرة الغنائية الانسانة
الاستاذة عزة الزرقانى
مرورك الكريم اسعدنى كثيرا
وسغيد جدا برايك الجميل

وانا يهمنى اكثر الراى والنقد البناء
دمت لن اختنا الغالية

» هات الورق
» مكتوب
» بطلان من الورق
» اغضب وسيب لى الورق
» ليه مكتوب علينا