فنجال القهوة

فنجال القهوة

وبنة تقيل

عامل وش بألفين وش

وشايل حملة

زمهدود حيلة

م المشوار

ويا الخطوة يعافر خطوة

علشان يوصل

رافض أنى أكون عكازة

يظهر وشة جوة مراياتى

بيضحك لية

ويكلمنى

جوة مسار حبات البن

حبه ف حبة

متشعلقة متشعلقة ف الوش بتقلة

تنادى علية

زى سراب الفرحة ف قلبى

بعد غياب

قبل ما تغرق

ف الفنجال

شوفت محاورة

فيها مناورة

ويا الشفطة التانية

بدوقة

زاد تقلة

ف حواف الدايرة

أجوف جوة فراغ الكون

رافض أنى أكون جواه

وف تجويفة كشر لية

وأنا عاشقاه

ويا سكون

أخر حرفة

ف المسافات

طرف طرف

جوه علامة أستفهام

فيها الرفض

أنة يكون

فى مسار الشفط

زى بقية

البنى أدمين

هلكوا وماتوا

لم سكاتو

الباقى الصاحى

الرافض واعى

أنه يكون

ف مسار الشفط

رغم انى كييف بُن

ومتحيز للقهوة

الا ان كلامك يمشى على فناجين الدنيا يا استاذة رشا

اسعدنى مطالعة نصك الجميل

الابنه الغاليه الشاعره
رشا فؤاد
نقله واعيه وتميز متفرد اظهر فلسفه رشا فؤاد
فى هذه القصيده استخدمتِ الرمز فأحار القاريء
الى ان يصل الى النهايه المفارقه .. الرفض ..
خالص امنياتى بالتوفيق ومزيد من التقدم ..

.

الاستاذه رشا فؤاد
فعلا
فنجال شعر تقيل
ابداعه زياده
يعدل المزاج ويقلب المواجع
قفزه واسعه
اتمنى ان استطيع ان اقفزها
دمتى مبدعه ورائعه
تقبلى فائق احترامى وتقديرى
دمتى بكل خير

بصراحة أحلى فنجان قهوة شربته في حياتي .

كم أنتى جميليه عزة فى ردودك وكلماتك وتعبيراتك البديعة وأذا كنت أنا بتقدم وفدة بسبب حبكو لية

أستاذ أيمن عمر تعليقك متميز ينم عن وعيك ببواطن المعنى فى القصيدة وهشترك فى المنتدى متزعلش حضرتك والله أنا ملخومة عشان بجهز لديوانة الأول

الأب الجميل أستاذى الفاضل عادل سند كم أنا محظوظة بلقاءك فى القاهرة أيها المبدع حتى فى شكرك لأحباءك الوالدة وخالى طارق ومنير بيسلموا عليك سلالالالالالالالامممممم طويل جدا وجميل وحنون زى حضرتك

أستاذى زينات القليوبى تعليقك على كلماتى أيا كان شرف لم أكن أحلم بة فتحقق أكثر من الحلم وهو شكرك وتقديرك لكلماتى أيتها الجميلة وبقول جميلة عشان ماما قالتلى عليك حلوة أوىىىى

الرائع والمبدع أستاذ عاطف الجندى كم أنا سعيدة بكلماتك تابلوهات مرة واحدة أتمنى تشرفيكم دائما كتلميذة لكم

ورد حببتى والله انتى زى العسل وكلامك سكر أعمل فيك أية أحلى بيك قهوتى المرة

أستاذ عمرو شاهين حلوة كلمة قفزة أتمنى أن أكون عند حسن ظنكم وأعرف كل مرة أنط الحبل

الرائعة والمبدعة أستاذة وداد الهوارى رغم تعلقك المتميز على أعمالى لكن هذة المرة أشعر أن العمل أحدث معك حالة أبداع من خلال تعليقك اليوم بس أقدر أقول أنى عجبتك عن حق

خالى منير الفنجال عجبك مظبوط بس مزى كلامك الجميل أنت وصلت خلاص وبكرة أفكرك هنجمك يا خال

فعلا يا عزة عندك حق وداه كان أحساسى بية وعشان كدة دخلتة المنتدى

[quote="عادل عوض سند"]

الابنه الغاليه الشاعره
رشا فؤاد
نقله واعيه وتميز متفرد اظهر فلسفه رشا فؤاد
فى هذه القصيده استخدمتِ الرمز فأحار القاريء
الى ان يصل الى النهايه المفارقه .. الرفض ..
خالص امنياتى بالتوفيق ومزيد من التقدم ..

.[/quot

اااااااااسفه لكى عزه لانى اختلف مع الشاعر عادل عوض سند وليته يعدل معى

ويعوض عليه برائيه فى رائى ويكون سند لى ولكى

لا اقول فلسفه *بل اقل بلاغه ورده لاجمل ورده

ريمى الصعيد

الأستاذة الفاضلة ريمى الصعيدى شكرا على كلماتك الرقيقة التى تنم عن وعى وأهتمام بهذا العمل المتواضع وأتمنى تشريفك دائما على أعملى وأن أراك فى يوم ما