مسابقة جديدة

[b] الشاعر طارق منيب
تحياتى...ألف مبروك مقدماً..لأننى واثق أنك ستنال الجوز الأرانب رغماً عن أنف الشاعر عادل عوض سند..
فؤاد نصرالدين /الأسكندرية

عادل عوض سند كتب:

أم القوافي كتب:

عادل عوض سند كتب:

والنبى ياراجل
ايش عرفك ان الارانب بتساعد على زيادة الطول ؟؟
طب دى فرصه نأكل سبت لأم القوافى وسبت لعبد الله جمعه
اما انت فيلزمك مزرعه .
هههههههههههههههههههههههههههههههههههههههههههههههه
طبعاّ انا إخصائى إستفزاز ام القوافى
كلها دقايق وتلاقيها داخله بهم طافح
وعبد الله بيلطم ويقول :
انا كان مالى وماله ؟
هع هع هع هع هع هع هع هع

شكلي انا اللي هاخد جايزة أسوأ عمل لأني هكتبه في عادل سند

دي أرانب يا بابا

ههههههههههههههههههههههههههههههههه



اهواك واتمنى لو انساك....

وانسى روحي وياك ..

.وان ضاعت يبقى فداك ...لو تنساني

وانساك واتريني بنسى جفاك

واشتاق لعذابي معاك

والقى دموعي فاكراك وارجع تاني

في لقاك الدنيا تجيني معاك

ورضاها يبقى رضاك

وساعتها يهون في هواك طول حرماني


..............................



شيفاك واتريني شايفة هناك..

دي ودانك والا قفاك

وسنانك هي معاك ... وأنت تداري

وقفاك عضـّه أرنوب وياك

والعضّة علاج لعشاك وانت الجاني

واخداك على عيبك وانت فداك

حتة جبنة ووراك بط سوداني

وتخاف لــ العضّـة تجيني هلاك

تهضم ما تلاقي سواك .. وانت الفاني

:
:

كح كحو كح كح كحوووو حكوووووو

طبعا كحة اثناء القاء القصيدة يعني العملية بايظة في الكتابة والالقاء

مين يكسب بقى ؟؟؟


ههههههههههههههههههههههههه

................................................

لا حول الله دخلتى فى حاره سد ..
وغلاوتك ما حد ياكل الارانب ألا انا . وحا ابعتلك الفرو تعمليه
جوانتى علشان تلطمى بيه ..
ست الحبايب يا حبيبه
يا اغلى من روحى ودمى
يا حنيّنه وكلّك طيبه
يارب خلّيكى يا امى

ام القوافى دى مصيبه
وجايه بتزود همى
{ معلمه وفاتحه زريبه }
ونفسها تسيّح دمى
هررررررر .. كهع كهع كهع كهع كهع
خخخخخخخخخخخخخخخخخخخخخخع

انا موافقة ان المسابقة تكون على احسن عمل فكاهي

بكدة هروح اكتب فيك معلقة

والا اقولك كفاية عليك اللي انا كتبته فيك

ههههههههههههههههههههههههههههههههههههه

[b] حوار مع جوز الأرانب

اليوم وأنا طالع أطمئن عى جوز الأرانب بتوع المسابقة الجديدة فى عشتهم على السطوح..صرخ أرنب فى وجهى قائلاً : ـــــ حرام عليك يا عم فؤاد اللى بتعمله فينا ...
فجعت فقلت له : ــــقيه إيه يا أرنوب يا جميل أنت..
رد على :ــــ بقى أنت يا راجل يا طيب عاوز تضحى بينا أنا وأخويا وتوزعنا جوايز على الفائزين فى المنتدى
اندهشت وسألته : ـــ وأزاى عرفت ؟
قال : ـــ البلد كلها بتتكلم عن المسابقة الجديدة اللى جوايزها (جوز أرانب )
ابتسمت له وأنا أقول: ــتبقى المسابقة نجحت والحمدلله..
رد أحد الأرانب بحزن: ـــ وما ذنبا أحنا
يألته : ـــذنبكما فى ايه؟
قال : ـــ أنت مالقيتش اللى الناس دول وتتبرع بينا لهم...
قلت : ـــ مالهم الناس دول.. دول أحسن ناس فى البلد؟؟دول شعراء وأدباء دول يا حبيبى أحفاد حافظ إبراهيم ،وأحمد شوقى،والعقاد ،وطه حسين,ونجيب محفوظ ..وكمان بيرم وجاهين ،وأخوات سيد حجاب والأبنودى، وأما دنقل..و...
قاطعنى الأرنب: ــــ بلاش فلسفة وحياة أبوك (نصرالدين) دول يا عم فؤاد أحفاد ( دراكولا )..
صرخت فى وجهه : ــ يا نهار أبوك أسود
قال الأرنب الثانى : ــيا عم فؤاد أنت ماقرأتش اللى كتبوه وما شفتش صورهم المجنونه فى المنتدى
قال أرنب : ـــأولاًالمدير العام عادل الجندى عاوز يا كلنابالملوخية ومافكرش يوم يبعت لنا حزمة برسيم..
ثانياً : عادل عوض سند بيسأل أحنا فرنساوى وإلا شانشيللا؟!!
رد الأرنب الآخر: ــقول له ياعم احنا فرنساوى وأجدادنا من فرنسا بعتهم الرئيس ديجول هديه إلى الرئيس عبد الناصر اللى أعطاهم لوزارة الزراعة لنتكاثر عندها ونخلف لكم سلالات كتير...أنا أرنب فرنساوى يا عم عادل يا عوض ..وقال الأرنب لى : حضرتك ماشفتش صورته وهو يبتسم لنا بأسنانه البيضاء الحاده..يا فظيع..
قال : ــوخذ عندك أبو القواقى وأم القوافى والول قوافى نفسهم ياكلوا أرانب..عاوزين يا كلونا ويعزموا كل البلد علينا ما عدا عاطف الجندى وعادل عوض سند ..وكمان عبدااله عبد الصبورآل إيه طمعان فينا يا أخى روح شوف لك فرخة تاكلها ..
قال الأرنب الآخر :ــوالأخ بتاع جنوب سينا الظريف اللطيف جاى من سينا علشان ياكلنا ليه معندهمش أرانب فى الصحراء؟؟
قال الأرنب الثانى :ــ ألحق ألحق حتى البنت بتاعت المغرب البتول العلوى نفسها نروح لها المغرب عشان تاكلنا
قلت لهما : ـــ والله العظيم دول ناس بتحب الأرانب ..
قال : ــوالا طارق منيب مش عارف يفرق بين جوز الأرانب وجوز الجزم..وعاوز يكسب المسابقة ..
قال الآخر : ـــ النصيبة انهم كلهم طمعانين فينا علشان يطولوا ويزداد طولهم اكتر مما هم فيه من طول..بذمتك هى الأرانب بطول الناس ..؟
سألتهما : وما المطلوب منى يا أرانبى يا حلوين ؟
قالا معا : ــ خلى عاطف الجندى قبل ما يبعتنا لأعضاء المنتدى يرسل لنا البرسيم..
قلت فرحاً: ــبس كده.. دا أنا حأخلى عاطف الجندى ياخدكم للغيط بتاعه فى البحيرة ..أصله زارع فدانين برسيم السنه دى ...وسأخليه يحطكم وسط الفدانين دول..علشان تاكلوا وتشبعوا وتاخدوا راحتكم
هلل الأرنبان صائحين :
يعيش عاطف الجندى يعيش
يعيش المنتدى يعيش
يعيش
يعيش
يعيش
مع تحيات فؤاد نصرالدين /السكندرية

b] إلى الشاعر الكبيييير / أبو القوافى
أرجوك ..أجوك ..أغيثنى من أم القوافى..ولك فردة أرنب..
أخوك /فؤاد نصرالدين .....الأسكندرية

فؤاد نصرالدين كتب:

b] إلى الشاعر الكبيييير / أبو القوافى
أرجوك ..أجوك ..أغيثنى من أم القوافى..ولك فردة أرنب..
أخوك /فؤاد نصرالدين .....الأسكندرية

ال فردة ارنب ال


ابو القوافي مين يا عمو فؤاد

ولا عيلة القوافي كلها تقدر ترجعني عن قراري

وكمان عادل سند بيسند كلامي وهو اللي هيحط ختم النسر على قرار دبحك

واللي انت متعرفهوش بقى ان ابو القوافي راح يسن السكينة عشان يشفي اللحم من العضم

وعبد الله عبد الصبور بيسن الساطور عشان يكسر العضم ونقسمه علينا واحد ياخد الركبة والتاني ياخد الكوارع

وانا هاخد الجمجمة

يعني مش هنخلي فيك فتفوتة تنبـّت من جديد واحد اسمه فؤاد نصر الدين

خلاص عمو فؤاد بح

يعني مذبوح مذبوح يا ولدي

::

بصوا بقى
انا ساكت من زمان
هه
واللى طمعان فى جوز ارانب واللى طمعان فى جوز جزم والارانب نفسها طمعانه ف برسيم
اللى انتوا متعرفهوش
انى انا اللى هاخد الجوز سواء ارانب او جزم
وكمان هاخطف عم شلش بتاع البرسيم معلش يا ابويا عادل دى ارانب مفيهاش هزار
تقولى بتطول
تقولى بتخن مليش فيه
انا صايم من يوم ماعرفت المسابقه دى علشان بحضر معدتىلا للارانب وحافى من امبارح مستنى جوز الجزم

ورحمه ديجول وعبد الناصر فى نوميتهم
لو مجوش جوز الارانب لحد عندى فى قفص احمر ( علشان اهلاوى )
لا ابعت للمنتدى جوز ديابه من عندناياكلوا الارانب وشعراء المنتدى وعم فؤاد و ام القوافى وابوا القوافى والا قوافى نفسه
انا قلت اهه
والعنوان
جنوب سيناء طور سيناء قهوه ليالى الحلميه
وانا قاعد مستنى
وقد اعزر من بعزر
ملحوظه قول للارانب بتوعك يا عم فؤاد انى مجهز لهم حزمه جزر مش برسيم
وتقبلىوا فائق جوعى

ابويا عادل
انا عارف انك زملكاوى
وميرضنيش ازيتك
الفريق الطبى لنادى الزمالك
حزر اللعيبه و الجمهور الزملكاوى من اكل الارانب
اكتشفوا ان الارانب بتجيب اجوان فى شبكه عبد المنصف
ونصح اللعيبه بانهم ياكلوا الملعب والفرق المنافسه بدل الارانب اللى جايباهم ورا
ونصح الجمهور انه ياكل اللعيبه لو خسرت الماتش الجاى
يعنى تاكل ارانب ولا فريقك ينزل للدرجه التانيه
يا ابويا خليك جنب الزمالك الزمالك محتاجلك

هو انتوا مش ف المركز التامن برضوا
عايزين ايه تانى
سلام يا ابويا
وليك عليا لو بقيتوا ف المركز التانى هابعتلك اكله سمك من اللى وصى عليه نور الدين والبحاره التلاته
سمك ولا ارانب
اختار بقى
دمت بكل خير

يا ام القوافى
الاستاذ طارق منيب بيهزر
اصلا المارك الفرنسى اتلغى من زمان
مش كده ولا ايه
استاذ طارق بيجرى رقنا مش اكتر
ابويا عادل
الزمالك يفرسنى
طب قول انبى
تبقى مبلوعه
عموما جوز الجزم برضوا ينفعوا ف الشتا اللى داخل علينا

عمرو شاهين كتب:

يا ام القوافى
الاستاذ طارق منيب بيهزر
اصلا المارك الفرنسى اتلغى من زمان
مش كده ولا ايه
استاذ طارق بيجرى رقنا مش اكتر
ابويا عادل
الزمالك يفرسنى
طب قول انبى
تبقى مبلوعه
عموما جوز الجزم برضوا ينفعوا ف الشتا اللى داخل علينا

يعني طلع شأبك على نونةهههههههههههه