مسابقة جديدة

طب يا استاذه يا كبار انتوا كبار جيل السمنه البلدى الخ الخ
احنا شباب معصفرين ميغركوش الشكل داحنا عندنا انيما مزمنه
وبعدين هى المسابقه دى مش علشان اسوء عمل
انا معايا شهاده رسميه ماضى عليه 60 مليون مصرى انى اعملى كلام فارغ وواطيه ومش هادفه بتاتا
وكمان شهاده من مدير المنتدى بيقول انى منفعش غير حلاق صحه
يبقى انا اولى بالارانب والملوخيه والعيش والرز كمان
وبعدين يا اساتذه الارانب دى من النوع الزاجل يعنى مدربه
والاستاذ فؤاد شاريهم من عندى
يعنى كده كده رجعينلى تانى وهاكولهم الجوز لوحدى
عموما محدش يعشم نفسه بالارامنب علشان هاكلهم كلهم لوحده
ههههههههههههههههههههههههههههههههههههههههه ( ضحكات متصله شريره )

استاذ عادل عوض سند
استاذ عيد الله عبد الصبور
حذارى الارانب عندها انفلونزا الارانب
( يعنى جت على الارنب يعنى ولا ملهاش نفس تمرض )
والصينى اللى انا كاتبه دى شفره للارانب
علشان ترجع وتنفذ الخطه المتفق عليها
محدش يطمع ف الارانب دول بتوعى
وقد بعزر من جعزر

الى كل المبدعين عندما نكون اعضاء واخوات واحباء فى منتدى نعتبره بيتنا ويوجد به الاخ والاخ الاكبر والابن ووالده ونشترك فى مسابقة يطلق عليها اسؤ عمل عندما قرات زالك انتبانى شعور بالخجل والملل بدلا من ان نحفز كل انسان مبدع ونهديه الى مقومات النجاح جعلنا المسابقة اليوم من اجل تحفيز عدم النظام والاعمال التى لم يكن له اى نوع من الهدف او اعمال خارج الموهبة الفنية غير زالك عندما نعلم النتيجة ويظهر اسم فلان...... انه اسؤ عمل اصبحنا جانين على انسان كاد يظن ان هزا هو السبيل الوحيد له للتعبير عما بداخلة وفجرنا فيه السم بدلا من ان نعينة ونشجعه حتى يتقدم لو ببطء وهزا ليس شعار المنتدى والاعضاء شكرا

أستاذ عاطف الجندى
عفوا
العين ماتعلاش على الحاجب
لا يمكن اتصور اللجنة من غير حضرتك والاستاذ عبدالله جمعه والاستاذ عادل
خلينى انا وفوزيه وعمرو مشتركين
ولو ان معلوماتى من خلال التليفزيون انهم ما بيحبوش الارانب
يبقى كده واضح جدا مين بس اللى هيشترك
شكرا مقدما للدكتور فؤاد

مثل ما قال أستاذي أبو القوافي
اذا كان الموضوع بجد...
يا عم انا مش ناقصة احباط ههههه
و اذا كان مجرد مزحة
الجايزة حتكون من نصيبي
لأنني هكتب فيكم كلكم يا أهل المنتدى
و قوووووول

يا حبيبي يا غايبين
وحشني يا غاليين
لو اغمض وافتح والقيكم جايين
يا حبيبي من يوم ما بعدنا
ولا شئ في الدنيا بيسعدنا
ولا وردة بتزوق بتنا
ولا شمعه بتنور عيدنا
يا حبيبي ايامي فداكم
ينساني الفرح لو انساكم
والله وكمان والله انا صبح وليل بستناكم
يا حبيبي وحشتوني تعالو مطرحكم لسه على حاله
بستنى يا حلويين يا حبيبي يا غاليين
لو اغمض وافتح والقيكم جايين

[b
الأخت البتول العلوى (batoul alaoui )

أتمنى لك الفوز بجوز الأرانب لكن فى حالة فوزك حقيقة بالجائزة كيف نرسل إليك الأرانب ..وياترى نرسلها إلى المغرب بالطائرة ،أم بالباخرة ،أم بالبر..أعتقد عن طريق البر أفضل علشان الأرانب تأخذ راحتها فى الصحراء ..
فؤاد نصرالدين /الأسكندرية..

[b]إلى الشاعر عادل عوض سند
أنت فين ؟...الأرانب تناديك ...
فؤاد نصرالدين /الأسكندرية

[b] الشاعرة /أم القوافى ..تقديراتى
ولماذا لا تكون المسابقة حقيقية..والأرانب حقيقية و واقعية و حية بلحمها ودمها وشعرها ..
وأتمنى أن تفوزى بهما لتعملى وجبة ممتازة تتلموا عليها أنت و أبو القوافى و أبنكما قوافى..
وأرجوك أن ترسلى طبق ملوخية للأستاذ عاطف الجندى وإلا يمنع عننا المنتدى..
أشكرك ..فؤاد نصرالدين / الأسكندرية

عبدالله عبدالصبور كتب:

يا جماعة عمرو شاهين قاصد تطلع قصيدته كده عشان يكسب الجايزه
دا جيل معفرت وأنا عارفه
شاعر رائع بس لما تيجى سيرة الارانب تلاقيه شاعر صينى زى كتابته
وأنا شخصيا مش بانصح بالارانب للاستاذ عادل لانها ثابت علميا مساعدتها فى طول القامة وأظن أكتر من كده تبقى كارثه
أما الاستاذ عبدالله جمعه فياريت يتخلى عن سلاح اللباقة والنعومة وبلاش يتسحب للارانب مش احنا يا استاذ عبدالله اللى يفرقنا جوز أرانب .. لو اتنين ماشى
أما صاحب المنتدى الجميل الجندى كل تركيزه على الملوخية واحنا كلنا ما عندناش مانع ياخد الملوخيه بس !!

بص أخويا عبد الله
أنا مرة كنت ماشي مع زوجتي في سوق الأرانب بصيت لقيت على شمالي زوج أرانب مكتوب عليهم مجانا
وعلى يميني شفت سيارة جاية مسرعة هتاكل زوجتي تتصور عملت إيه ؟
زقِّيت زوجتي ناحية السيارة المسرعة وجريت على الأرانب طبعا
إوعى تفكر في حاجة تانية دول جوز أرانب يابا
الزوجة سهل تتعوض

يبقى انت اللي تلعب غيرها
أظن الرسالة وصلت
هههههههههههههههههههههه

[/b] الأخت البتول العلوى.../ المغرب
كيف صورتى الأرنب وهو موجود عندى فى البيت بالأسكندرية..لديك أجهزة مخابرات ...
فؤاد نصرالدين /الأسكندرية