صورة و تعليق الى عمرو شاهين

يا عمرو ليه البصَّه دى
لقزازة ساقعه مروّقه؟
نظرة عينيك الهيمانين
و البسمة راضيه ، مزوَّقه
هو أنت شارب م الحشيش
و فاكرها ويسكى ، أصحى بقى
إلا أحنا فى شهر الصيام
ممنوعه فيه البحلقه
أصحى بقى أصحى بقى ]

أنا مش شاغلني بص فين
اللي شاغلني
إيه اللي حاطه
فوق على كتفه اليمين
طب ميكروفون
واللا علامة في التي شيرت
أصله لابس
لبس رائع
نوع تي شيرت
من اللي ياما مزوَّقين

ميكونش يا صاحبى نشان ؟
و لا جيلاتى معلقه للفشخره
و النعمه دى حاجه غريبه إنما
دمه العسل خلاها حاجه سكَّره
****

لا يا عبده

دى مش ت شيرت

مزوقه

ده اللى باين من عينيه

الحاله عال والدماغ

مفوّقه

دى شيشه يابا للشباب

عاوزين دماغ متروقه

أما العجوز لو يوم

شرب

ها يشبعوه م التريقه

عاطف الجندى كتب:

ميكونش يا صاحبى نشان ؟
و لا جيلاتى معلقه للفشخره
و النعمه دى حاجه غريبه إنما
دمه العسل خلاها حاجه سكَّره
****

برضه يا عاطف مش نشان

عاوزين شوية بحلقه

انا شايفه انه واد جميل

عامل شوية تهيئه

شاب وسيم يعمل كيان

علشان كمان

لما تشوفها بنت حلوه

دوغرى تقول متعلقه

يا نهار ابيض يا هناء
انتي لابسة
فوق عينيكي
ألف نظارة جاليليو
صح والله
ياد يا عاطف
شيشة حمرا
وهوه رامي
اللَّيّ فوق كتفه اليمين

شيشه .. و الله يا هناء
جبتى سرَّه كالمرايا

بس دا شئ موش ف صالحه
حاجة بتعَّقد حكايه

كنت عارف
أنه ولعه ف السجاير

و آدى شيشه
شكلها ملغَّم و جاير

خلى شكل الكولا
ويسكى
منها قام راكب ف تاكسى
فى الفضا بيعمل
روايه
هى دى كل الحكايه
*****

ايه الروايه
هى صوره مش حكايه
بس يوما كنت رايق حبتين
روحت جاى نازل لقهوه
خدت شاى وحلبه ساقعه
وحبستها بحجرين
ويومها كان
هناك كمان
واحد صديق
لما حس بان خلقى
م البشر قريب يضيق
راح واخدلى ياخلق صوره
يعنى مش قاصد يا عظمه
انى اشاغل ف البنات
ولاحتى ناوى انى
ابحلق من سكات
انا كنت ناوى انى اعمل عمله سودا
كنت ناوى وقتها انى ازوغ م الحساب

شيشه شرعى
المعسل كان نضيف
الكاكولا كت جميله
المغات كان جاى خفيف
كل ماشى ب القانون
ولافيه حشيش ولا يحزنون
وبس كان نفسى ساعتها
اتمها بواحد ليمون

لي منك .. ياد يا عبدو
نعملوا أحلى دماغ

كرَّس الأفكار و انفخ
تلقى هم الكون دا ضاع

تنسى أى شجون تزعل
لو ف جيبك قرش صاغ

موش مهم تكون مريش
و لا عايش ف الضياع

المهم أنك تشيش
حتى لو تسرق مصاغ

دا الدماغ محتاح لحيله
موش تمصمص ف الصباع
****

يا سلام لو عندى عزبه
كنت املاها معسل
كنت اعمل م اللحجاره
خشبه للمسرح وامثل
كل ادوار الحياه
اصل فن الشعر خلى
عقلى يوصل منتهاه
والحلاوه انى غاوى
انى اعرض كل شعرى
للكبار
اللى صبحوا شعرا فعلا
قبل حتى ما ابسمل

جميل جدا الأبداعات اتى قر أتها فعلا بالمنتدى نمذج متميزة

فكره جميله صورة و تعليق
يا استاذ عاطف
و يا ريت تكون فكره دائمه فى المنتدى
و جميله الفكره و الشعر و الردود

يا جماعه
عمرو واد صاحب مزاج
والدماغ عاليه ولازمها
ميت { ازازه } للعلاج
لأ وعايز قال معسل يملا عزبه
فوق رقبته اللىّ عاج
والتى شيرت راسملى فوقه
كبش ينطح جوز نعاج
**********
يارب تعجبك المشاركه دى يا عمرو
وياريت تشارك فى مساجلة كرسى عاطف

» **اربع بنات**
» معادلة امينة شامة
» فيديو الرائع عمرو شاهين
» عزّوا فى نخوتنا ..{ للشاعره .. أم القوافى
» وللوجع ... فوايد تانيه