وللوجع ... فوايد تانيه

وللوجع .. فوايد تانيه

وجيا لي
سنين الضلمه تتعايق ب عُقد النور
أمل ب يعاشر الأحلام
يخلّف منها فكر حرام
ويتربي ف حرف ف كلمه دبلانه
قصيده فاتحها للأيتام
زمن ب يعاكس الملكوت
رزانة
ب تخطف الجنونه م الحالة
صور ع الحيط ب تضحكلى
وطعم الضحكة كومبارسى
ف وسط دموع
الصمت لحن ما نسمعوش
البسمه دمعه عمرها ماتبل خد
والحلم مهما يضيق
لازم يكون ع القد
الليل عفي
ب يجمّع العشاق على المساكين
شحاتة وساكنه ف الكورنيش
عاشق يعيش الحب متسوّل
وطفل يشق ريق قلبه
ب البحلقة في ضهر البنات
مسكين ..
طوفان
مقدرش يقلع الهم اللي راشق ب الجدور
ف السقف
مقدرش يتحدى الطبيعة ف انتحر
أصبح مطر
ب يرمى نفسه م السما ع الناس
يتكسّر حتت
تدارى فيها دموع حنين البنت للعبه القماش
وضفيرة سودا مجرجره
أخر دورين في " مساكه الملك "
وقليب ولد
كان تملى من بدانته
ب يترمى بين عرضتين
ب يصد اجدعها كور
معرفش ليه
قدرت عينيكي تنفرد بمشاعره وتجيب الهدف
فماكانش منه غير انه ب التوبة انحرف
أطلق اللحية الآلات
تعزف موسيقى تصويرية
لحظه دخوله ف قلب دين المعصية
ب تلملمي ف الجرح ليه
يا دنيا منزوعة الدفا
كل اللي كانوا ب يعبدوا نار المجوس
نحتوكى أصنام للوفا
وان كان سكوت العزرائيل
عن تاره م اللي كل ثانيه ب يلعنوه
كان محض خوف
يبقى انتظار الموت من بطن الحياة
لسعه قلق
طب إيه بديل القشة في أيدين الغريق
إلا الغرق ؟

قصيده لا تقرا مره واحده قصيده لابد ان تقرا مرات ومرات وكل مره تكتشف لالىء

شاعر متمكن مفردات جديده معانى مركزه لو كنت شاب صغير فانت ما لكشى حل

الشاعر المشكله عمرو شاهين

أسمح لى أتأمل فى عنوان القصيده أولا

ثم أعود لروعة حروفك وتفردك بالجمال والابداع الراقى

دمت بكل حب وابداع

دمت بخير

ملحوظه

تثبت بواسطتى لروعة الحرف والمضمون والشاعر

استاذ يسرى شرفنى كلامك جدا وسعيد بمرورك الى ابعد الحدود
ملحوظه : السن 23 سنه
تقبل فائق احترامى وتقديرى
دمت بكل خير

الاستاذه عزه الزرقانى
تثبيت اتمنى انا استحقه
وفى انتظارك بس وحياه القمرات ما تتأخرى عليا
تقبلى فائق احترامى وتقديرى
دمتى بكل خير

الشاعر : عمرو شاهين

ما أروع كلماتك المشحونة بالصور المختلفلة

دام إبداعك

طيب ..
افتتاح جميل لازم يشد العين و الودن للباقى

ويتربي ف حرف ف كلمه دبلانه

قصيده فاتحها للأيتام
انت قليل الادب

مسكين ..

طوفان

مقدرش يقلع الهم اللي راشق ب الجدور

ف السقف
ايه الصورة دى ؟؟

طب إيه بديل القشة في أيدين الغريق

إلا الغرق ؟
قفلة جامدة جدا جدا

الرائع عمرو
وحشتنا بجد
و وحشنا شعرك الجميل
لى عودة إن شاء الله
تقبل خالص ودي

شعر البرك المائيه لابد ان تنظر جيدا كي تتلقى هذه الصور الجميله من تحت سطح الشعر المغلف لها
انا مش هقتبس الحجات الي عجبتني في النص لانها فعلا كتير
ابداع راائع حقا يا عمرو مع اني حاولت الا اتوه ولكن حتي محاولتي تلك تثبت ان النص عالي بصوره ودهاليزه الشعريه
كل التحيه يا شاعر

الأستاذ الشاعر القدير عمرو شاهين
احيك على هذه القصيده الرائعه
وللوجع ...فوايد تانيه التى ان
تحدثنا عن جماليات الشعر فيها
ستحتاج الى دراسة وافيه والتى
لااملك الا ان أقول الله الله الله
صلاح الكومى
Mad

اهتتمت بالصوره المعجّزه والتركيبات الصعبه

لا لأن يقال شاعر يتفلسف على الشعر .

ولكن ليقال شاعر يعرف يضحك على الحرف فيحضر اليه طائعاّ .

الابن الشاعر الجميل

عمرو شاهين

أولاّ وحشتنا جداّ ووحشتنا اعمالك الجميله التى تثرى المنتدى .

ثانياّ انت كتبت :

لحظه دخوله ف قلب دين المعصية .

والمعصيه هنا عائده على الدين .. اليس كذلك ؟؟؟

ايوجد دين انزله الله اسمه دين المعصيه ؟؟؟؟؟؟؟؟

كان افضل لو كتبت :

لحظة دخوله ف قلب روح المعصيه .

لى عوده انتظرنى . رغم زعلى منك وانت عارف ليه .

مودتى ايها الرائع ...

الشاعر الرائع عمرو شاهين
قصيدة رائعه بمعنى الكلمة
سلمت وسلم ابداعك
تحياتى لك ولقلمك

بصحيح ياعمور

طب أيه دليل القشه فى أيدين الغريق إلا الغرق
بس انا ممكن أقول لك دليلها أيه غير الغرق

دليلها أنك شاعر كما قال الكتاب

وتكتب ما لا يمتلك كتابته شعراء كثيرين ومسلط عليهم الاضواء

تقبل مرورى على كلماتك الناطقه بالجمال

دمت بكل حب وابداع

قصيده ووعى تفصح عنها سطور القصيده

وثقافه بمخزونها الثرى لدى الشاعر .

كل تلك اشياء اوضحها نصك المفارق .

الابن الغالى الشاعر

عمرو شاهين

مجموعه من الصور المُركبه والمتتاليه اضافت الجمال للموضوع .

عاشق يعيش الحب متسوّل
وطفل يشق ريق قلبه
ب البحلقة في ضهر البنات

صوره لايصورها إلا قلمك الرائع . يشق ريق فلبه بالبحلقه ف ضهر البنات

يالها من صورة احببت ان القى عليها الضوء .

مقدرش يقلع الهم اللي راشق ب الجدور
ف السقف
مقدرش يتحدى الطبيعة ف انتحر
أصبح مطر
ب يرمى نفسه م السما ع الناس
يتكسّر حتت

الله على المضادات التى استخدمتها فى تلك الصوره .

الهم اللى راشق بالجدور فى السقف . ما هذه الصوره الرائعه ؟؟؟

بدلاّ من ان تقول : راشق يالجدور فى الارض . جعلتها السقف

حتى تشعر القاريء بروعة الصوره .

ثم صورة التحول من الجماد الى السيوله فى قولك :

ماقدرش يتحجى الطبيعه فانتحر اصبح مطر . الله على بهاء

الصوره . الحديث يطول عن نصك الرائع . واكتفى بتلك الرؤيه .

مودتى وخالص تقديرى ...

الشاعر الجمييييل /عمرو شاهين
تحياتي لك أولا
وثانيا انت شاعر متعب
علشان الواحد بيجري علي امتداد القصيده
ورا براعة وجمال الصور والتركيبات الحلوه في قصائدك
دمت بود

شاهين حبيب قلبي
انا مبسوط اني قابلتك هنا خصوصا مع النص ده
واضح انك متصيت هنا جدا جدا جدا
مش بقرّ علي فكره Smile

ـــــــ
مقدرش يقلع الهم اللي راشق ب الجدور
ف السقف
مقدرش يتحدى الطبيعة ف انتحر
أصبح مطر
ب يرمى نفسه م السما ع الناس
يتكسّر حتت
ـــــــــــــــــ
جبتها منين دي يا عم

تقبل مروري يا سعادة البيه
دمت بخير

» الشوان\ 25يناير\ وناس تانيه
» يا ريت وزير المالية يشوف شغلانه تانيه