اهداء للقدير عادل سند بمناسبة تكريمه

يا هناء الغاليه قولى
همس متلضّم بلولى
ولوجودك نور بيشرق
وشك انتى اهدهولى
******
لما بتطلى ببشاشه
ياللى فى رقة فراشه
اى قلب حزين بيفرح
تشعريه بالانتعاشه

لو ان روحى بيدى ووهبتها
لمبشرى بقدومكم
لم انصف
اخوانى احبابى الشاعره القديره عزه الزرقانى
لقد مدحت من يستحق
وهذا شأن الكرام
الاستاذ عادل دمت لنا اخا عزيزا
ودام بيننا الحب والاحترام

الاخ الحبيب الغالى
خالد نور
كلماتك الجميله تضيء حياتى قبل صفحتى
ومرورك الراقى يرفعنى فوق السحاب
شرف لى اخى خالد لا يعلوه شرف
كل الشكر والتقدير ايها الاخ الحبيب ...

عادل عوض سند كتب:

يا هناء الغاليه قولى
همس متلضّم بلولى
ولوجودك نور بيشرق
وشك انتى اهدهولى
******
لما بتطلى ببشاشه
ياللى فى رقة فراشه
اى قلب حزين بيفرح
تشعريه بالانتعاشه

الكلام ده كتير عليا

بس منك

يبقا عندى

اغلى من مليون هديه

واللى بينوّر جنابك

الدهب مخلوط بماس

بيكون كلامك

جوه قلبك الف ناسك
طافوا جوّه ويّا ناسك
طرزوا المحراب بماسك
رد واحد جوّه قلبك
جه بيهمس قال دا ذنبك
قلبى كهربتيه بماسك

والنبى

ما عملت حاجه

هو جه

اكهرب لوحده

وانا مالى

بس ذنبه

حد قاله

ييجى جنبى

وهو عارف

فولتى عالى

pirat

اصله كان واقف فى ميّه
وانتى سلمتى ف ايديه
واما كان الفولت عالى
مات وما سمّوش عليه

انا ها ابقا

عليه اسمى

بس يرجع

سيبوهولى

وانا عندى

م الكفاءه

اللى ها اقدر

بيه ارجع

روحه ليه

واللى يجعل

منه عائد للحياه

بعد موت

شافه بعينيه

monkey

الجميلة الحلوة عزة
أنت ليكى ألف ...
لما فكرتى ف عادل
حد فينا قال دى كوسه ؟!
الجمال و الظرف كله
و الطبيب للحرف يجرح
لو تشوفى حب بلده
له كلام موزون بيدبح
و العواطف يا خرابي
لو يشوف واحدة جميلة
تتلقيه ميل له ميله
و بكلامه راح خاطفيها
و الجميع مالهمش حيله
هو أجمل من قصيدة
بالعقول ويَّا العواطف
له أغانى جايه لسَّه
له سلامى و قلب عاطف
***

طب قوليلى فين يقابلك ؟
ولاّ عايزه انتى تروحيله
قررى علشان دا جابلك
حكم بالحبس المؤبد
إحيى فيه علشان يشيله

يااستذنا اللى مكرمينك

رد عالناس اللى مكهربينك

أصل كان الفولت عالى

وانت دولا برضو غاوى

غاوى موت الكهربا

لما تبقى قريبه

من حبايب زى نوءة

بنت حلوة مطأطأة

أوعى تشكى ف يوم ياصحبى

بدال غويت الكهربا

بس اوعى تسيب حبالها

تمشى تسيبها معلقه afro

القصيدة للتثبيت
إكراما و تقديرا
لهذه الروعة
afro

يا نهار ابيض
جه قبالي
فولت جاي من سد عالي
واد يا عادل
انت سايبني بظبط كرسي عاطف
وانت هيمان في العواطف
طب هقول وافتن لنور
خلي عاطف يبقى يشمت
لما في الشارع تدور
ههههههههههههههههههههههههههه

لأ حرام بلاش ياعبده

اللى عملته خير تهده

تفتن انت ..دانت قلبه

حبه ليك من نفس حبه

خليها من حد غيرك

دانت معروف خط سيرك

إنسان جميل

والكل حافظ لك جميلك

إنت ناسى دولا صاحبك

ع الود والخيركان مصاحبك

ومزال عامل لصالحك

يبقى ليه نتلككوله

دا الكلام الحلو قوله

عدى هالك عدى هاله

نفس حالك هو حاله

وبرضو ف الاخر دا دولا

[b]

ربنا يخليك يا عاطف
ياللى قلبك
للقلوب مالك وقاطف
لأ .. خصوصاّ
صنف حوا .. اللى جوا
قلبك انت
يعملم اجمل عواصف
اما انا غلبان يا عينى
كل ما نقرب { لوزه }
القى قلبك ليها خاطف

فولت عالى ايه ياعزه ؟؟!!!
مش حاقولّك
كابل يمكن سته فاز
كل فاز يقتل له كبشه
قلبهم محروق بجاز
إلا قلبى
اللى ولّع منكم انتم
واللى عاطف جابله وصله
من مصانع { بتروجاز }

ليه ياعبده ؟
ليه حتفتن ؟
دا احنا يابنى ف شهر فاضل
سبتك انت لكرسى عاطف
رحت شايف كرسى تانى
كرسى اطرى بالافاضل .

آه .. يا عزه
شفتى عبده ؟!
ناوى يعمل فيّه ايه ؟
كلّميه .. يمكن ياعزه
كلمتك تعدل ما فيه .

ماتخفش والله يادولا

عبده راجل

ف الشهامه أخر رجوله

وانت مش ح تهون عليه

طب ح يعمل كدا ليه

ولا واخد من دا أيه

مفتكرش ..دا عبده فاهم

ف الاصول..مش شخص واهم

وقبل ما ح اخلص كلامى

وارمى عليك كمان سلامى

ح تلاقيه بسرعه جي لك

يحضنك يهديك تهانى[b]

ربنا يسمعها منك
دا انتى اختى وغاليه عندى
واللى انا بنقوله عنك
يسوى ليّه تهدى دندى

بس انا خايف يا عزه
عبده يفتن للوليّه
راح يطولنى منها غزه
يقطعوا التيار عليّه

وانت بيهمك يادولا

مانت عارف كل فوله

واللى تغلب فيه بسهوله

ترزعه بالفن قوله[b] afro

انتى رخره راح تقرّى
وبكلامك راح تخرّى
والكلام ثبت اشاعه
منّكم لله جماعه
طالعه من قلبى وصرّى

أستاذ عادل قال
الابن العالى
جمال الدليل
والله ياجمال موضوع التكريم ده
مش حاقولك مفاجأه لأ ..
بس كانت كعبله وانت عارف بقى التجهيز
لنوعية الاحتفالات دى بتاخد وقت ومجهود
وبعدين دا كان فى 7 /8 /2009 فى جمعية
اصحاب الجنه بسيدى بشر .
معلش يا جمال ملحوقه . وعندى واحده ...

....................................................
ماتقولش كده ياعم عادل
أحنا مافيش بينا واحايد
أنا قلت لك قبل كده
ممكن تكتب سطر ف غنوه
يبقى تراث دايم للأمه
ممكن تكتب مهما ح تكتب
ماتهزش ف الناس ولا كلمه
وأنت لمصر هرمها الرابع
أشعارك دي تراث والنعمه
afro

.......................................................

الأستاذه عزه قالت
الله عليك يجمال

وعلى شعرك الجميل

تسلم ويسلم قلمك

يا بو قلب طبعه أصيل
[b].............................................................
أختي عزه
لازم ندي كل واحد حقه بما يرضي الله
وعمي عادل يصتاهل أكتر من كده
وبعدين أحنا مهما روحنا ولا جينا
دا أقل واجب
.................................................................................

الابن الغالى الشاعر
جمال الدليل
كل الشكر ياجمال على كلماتك ومجاملتك
التى اسعدتنى ومرورك الذى شرفنى
ولا اجد من كلام اوفى به هذا الدين الكبير
اشكرك وادعو الله ان يستمر وجودك المشرف
ويديم عليك كمال الموهبه .
كل الود والتقدير ايها الابن العزيز ...

» تهتئة للقدير عادل عوض سند (للمشاركة)
» اهداء منى لااميرة البدرى اميرةالرومانسية بمناسبة عيد ميلادها
» (بلكون جارتي) اهداء للشاعر عادل عوض سند
» اهداء اللى استاذ / عادل عوض سند ( وريهم الجدعنه )
» انا الشهيد (بمناسبة اعياد اكتوير)