اهداء للقدير عادل سند بمناسبة تكريمه

جراح الحرف

ميت الف شخص

سمعك وحس بكلامك

وقال عليك استاذ كبير

كل الحروف بتوه أمامك

يا ابو قلب ماس

عامل اللتماس

عشقك اساس

والحب متخصص عشانك

طب حتى طوف

وسأل وشوف

تلقى الالوف

جايين صفوف

حابين حنانك

بصيت لفوق أوحتى تحت

أوجبت مشرط وجيت فتحت

طالعه بدم صحيح

أنما ف الاخر انت ارتحت

ياأبو قلب نابض

حب وأمان

أسد وعمرك

ضد الجبان

لو كان له سلم أو تعبان

عندك يهون

شيال هموم

تقدر تقول

برنجى الميدان

عادل وعمرك

قضيتة سند

لقلب حبك

عليك أتسند

وانا جايه اشاركك

تكريم حبايبك

وقولها ليك

مبروك عليك

ياعادل سند

العزيزة عزة
سباقة دائما في عمل الخير وخاصة لما تكتبي قصيدة لاجمل شاعر عامية
هو حبيب الكل -عدوووووووووووووول
انا أشبه هذا الرجل في المنتدي بالنحلة يصول ويجول ثم يأتي بالرحيق ليوزعه
علي كل الاعضاء
انا عشقت المنتدي من اجل هذا الرجل
شكرا لك علي القصيدة وكل سنة وانت طيبة وعادل كمان Smile

الاخت الغاليه جداّ
السبّاقه بكل خير
عزه الزرقانى
اشكرك ايتها الجليله على جميل كلماتك المشحونه
اخلاص وود والتى رفعت مكانتى وقدرى بروعتها
كل الشكر اختى الحبيبه . وربنا يقدرنى على رد ولو
جزء من جمايلك التى اغرقتنى .
تقديرى المحمل بكل الود والاحترام لك يا عزه ...

الغالى الحبيب الصديق
الرائع
الشاعر خلف احمد
ربنا ما يحرمنيش من تواجدك ولا من حضورك
والذى اسعد به حقاّ . فأنت من الناس الذين يدخلون
القلب بدون استئذان ولا خبط { يعنى بتزق وبتخش }
وربنا اعلم كم احبك واقدرك ايها الرجل المحب .
كل الشكر اخى خلف وكل عام وانت والاسره بكل الخير ...

كلمات جميلة في انسان أجمل ومهما كانت روعة الكلمات فهي لاتعبر إلا عن القليل من روعة

أستاذنا الكبير

دمت لنا متألقة برقتك شاعرتنا الجميلة

ودام لنا أستاذنا عادل ساطعا ً بإنسانيته المتفردة وشاعريته الفذة

عادل عوض سند كتب:: الاخت الغاليه جداّ
السبّاقه بكل خير
عزه الزرقانى
اشكرك ايتها الجليله على جميل كلماتك المشحونه
اخلاص وود والتى رفعت مكانتى وقدرى بروعتها
كل الشكر اختى الحبيبه . وربنا يقدرنى على رد ولو
جزء من جمايلك التى اغرقتنى .
تقديرى المحمل بكل الود والاحترام لك يا عزه ...

القدير قدرا ومقاما

الاستاذ عادل سند

ليتنى قدرت اعبر بكلامى المتواضع عن جزء من ما تستحقه

فأنت بالفعل تستاهل كل خير من الناحيه الانسانيه والابداعيه والاخلاقيه

أدامك الله لنا وادام ابداعك المتفرد الراقى

دمت لى ودامت روعتك

والله انا اشكر الاخت عزه الزرقانى
على هذا الجميل والذى اثقل كاهلى
شكراّ الاخ الصديق محمد شاكر على
كلماتك الرقيقه وشعورك الطيب .
كل التقدير لشخصك الرائع ...

فتى الحانة كتب:: كلمات جميلة في انسان أجمل ومهما كانت روعة الكلمات فهي لاتعبر إلا عن القليل من روعة

أستاذنا الكبير

دمت لنا متألقة برقتك شاعرتنا الجميلة

ودام لنا أستاذنا عادل ساطعا ً بإنسانيته المتفردة وشاعريته الفذة

اشكرك ايها الرائع

والشكر موصول للقدير عادل سند

دمت بكل خير وحب

ربنا يخليكى يا عزه
وما يحرمنيش من حب الناس
ولا من وجودك الذى استمد منه القوه
فأنتى انسانه لها قدرها فى قلوب كل محبينك
دامك الله لنا اخت وصديقه ...

خلف احمد كتب:: العزيزة عزة
سباقة دائما في عمل الخير وخاصة لما تكتبي قصيدة لاجمل شاعر عامية
هو حبيب الكل -عدوووووووووووووول
انا أشبه هذا الرجل في المنتدي بالنحلة يصول ويجول ثم يأتي بالرحيق ليوزعه
علي كل الاعضاء
انا عشقت المنتدي من اجل هذا الرجل
شكرا لك علي القصيدة وكل سنة وانت طيبة وعادل كمان

القدير خلف احمد

شكرا لك وعقبال ما نحضر تكريمك انشاء الله

لأنك انسان بمعنى الكلمه وخلوق الى ابعد الحدود

دمت بكل خير

أيوة يا عم
كل الناس بعنيك تهتم
واحنا ما حدش فكر فينا
بس فاكرنا
بكرسي الغم

ماشي يا عزة وربنا ما سايبك أمال بس عماله " أخويا عبد الله " مسيري أشوفك

عدولة حبيبي أنت أهل لكل مكرمة وأهل لحب الجميع بجد وربنا يديم علينا المحبة وتفضل أسرتنا الجميلة اللي أسسناها كده متماسكة على طول وربنا يبعد عننا عيون الحلوين اللي في بالك

الاستاذ القدير ..عبدالله جمعه

طبعا انت تستاهل كل خير

لأنك خدوم جدا لكل الناس

وغير كدا وكدا عندك كم حنيه واحساس

تكفى العالم كله وبعدين

الشخبطه اللى انا كتبتها مش قد المقام

واستاذ عادل يستاهل طبعا

كلمات احسن من دى بكتير

بس معلش انا على قدى واصلا انا كتبتها

يوم تكريم استاذ عادل بس مردتش اقولها

عشان شكه فى وزنها ومازلت بس يلا

اهى تعبر عن شعورى وسلام

اما ف تكريمك طبعا انشاء الله ربنا يكرمنى

بقصيدة حلوة تليق بيك ايها القدير

دمت لى ودامت روعتك

اخويا الحبيب
عبد الله جمعه
ربنا ما يجعلناش جار وله عينين
لا حول الله كده !!
عينى عينك
بس برضه انت حبيبى وغالى عليه لكن بقولك
ما يحسد المال إلا صحابه

والله يا عادل أنا نفسي أعمل لك قصيدة وأكبتها بماء الذهب على قطيفة هندي لأنك بالفعل شاعر يمثل مرحلة مفصلية في تاريخ الشعر المعاصر واللي الناس ما تعرفهوش إن بكرة تاريخ الأدب هيقول فيك كلمته وهيسجلك في أنصع صفحاته وكلامي ده خال تماما من أي مجاملة ...
ربنا يديمك ويزيدك من نعيمه
بس ده ما يمنعش إنك تتبخر من عيني برضه

أختي " وزة " أنا بحب من وقت للتاني أعاكسك وأنكشك انتي عارفة مكانتك عندي وقيمتك الإنسانية قبل الشعرية

أبو القوافي كتب:: أختي " وزة " أنا بحب من وقت للتاني أعاكسك وأنكشك انتي عارفة مكانتك عندي وقيمتك الإنسانية قبل الشعرية

وانا عمرى ما ازعل منك

حد بيزعل من أخوه

مهما يحصل انت غالى

والكلام منك جاتوه

الاخ العزيز الغالى
عبد الله جمعه
اشكرك على هذه المجامله والتى اتضاءل امامها
انا لسه فى اول الطريق ولا استحق كل ما قيل
انما انت انسان مجامل ومخلص وهذه شيمتك
ربنا ما يحرمناش من بعض ويديم نعمه علينا
اللهم آمين ...

اختى عزه ياللى همسك
شهد م الغالى ورموه
جوه بحر الملح يصبح
شربتات لو حللوه

خمسة ماية .. وخمُـس ميِــــة

وخمســـــوه

الجمــــال ف أسكــــندرية

يوزعـــــــوه

ع المياســـــــــة العزازيـــــــة

ولســـند ... وأبو القوافــــــى

بيصطادوه

وداد الهــــــــــــــــــوارى

الغاليه الاخت
وداد الهوارى
*******
يا شقيقتى ياللى صوتك
لحنوه
طلعوا منه الغناوى
للحبايب جم هادوه
خمسه وخميسه عليكى
ياللى حرفك بروزوه

زجال وشاعر بالحياه
دبابيس وكانت بحر
وأنا لسه فيها بعوم
شال الهموم م القهر
بقى بالوطن مهموم
لكنه مش بيصوم
أحساسه بالعشاق
بيقول
وحشتيني
وفلبي فوق كفوف الليل
بعتهالك وحشتيني
وقبل النوم ح تلقيني
أنا بهمس وأقولهالك
وتحت الخد ع الفرشه
ورود الشوق ح أسيبهالك
وتهمسلك وحشتيني
ياعيني يا دوله اه عيني
وف الوطنيه تشجيني
بوجعك اللي واجعنا
تدمعنا
وتصرخ فينا أوجعنا
ف سمعنا يا عم وقول
فين الذكوره الليتحبل أرضنا
ونجيب ولد يخشى الأله
ويحيى أمه للأسف
موتى على قيد الحياه
اللي ف يمينه تكون رايتنا كلنا مكتوب عليها بدمنا
وأسلاماه
زجال وشاعر بالحياه
أحساسه واصل منتهاه
بيحب ف الناس كلها
من يومه شايل همها
والكل هنا بيكرمك
علشان مقامك يا بطل
دا الفكر علشانك شرد
أقسم وبالله الأحد
تستاهل أكتر من كده
أستاذ
عادل
عوض
سند
:::::::::::::::::::::::::::::::::::::::::::::::::::::::::::::::::::::::::::
أنا لسه عارف موضوع التكريم دلوقتي
وأنت ما قولتليش شكرا يا عم عادل
Wink

::::::::::::::::::::::::::::::::::::::::::::::::::::::::::

الله عليك يجمال

وعلى شعرك الجميل

تسلم ويسلم قلمك

يا بو قلب طبعه أصيل[b] afro

الابن العالى
جمال الدليل
والله ياجمال موضوع التكريم ده
مش حاقولك مفاجأه لأ ..
بس كانت كعبله وانت عارف بقى التجهيز
لنوعية الاحتفالات دى بتاخد وقت ومجهود
وبعدين دا كان فى 7 /8 /2009 فى جمعية
اصحاب الجنه بسيدى بشر .
معلش يا جمال ملحوقه . وعندى واحده ...

عادل عوض سند كتب:: الغاليه الاخت
وداد الهوارى
*******
يا شقيقتى ياللى صوتك
لحنوه
طلعوا منه الغناوى
للحبايب جم هادوه
خمسه وخميسه عليكى
ياللى حرفك بروزوه

ايه جمالك ده ياوده

جايه جامدة علينا شدة

خمسه مايه وخمس ميه

ليكى الف متين تحيه

سعدنا بيكى بجد أيوة

يا صاحبة الطالة الباهيه

ايه يا عزه القول دا كله

الكلام الحلو ده

انتى اهله

والكلام مكتوب ف شخص

ف الحقيقه يستاهلوا

ياللا ورونى الجمال

فى التهانى و التحيه

زى شمس منوره

الكون بحِله

الف ميت مبروك

يا غالى

ياللا قوم رد الكلام

كلمه منى كلمه منها

كلمه منك كلمه منه

والكلام موزون وضله

نور ف نور

هلوا هلوا

Question

» تهتئة للقدير عادل عوض سند (للمشاركة)
» اهداء منى لااميرة البدرى اميرةالرومانسية بمناسبة عيد ميلادها
» (بلكون جارتي) اهداء للشاعر عادل عوض سند
» اهداء اللى استاذ / عادل عوض سند ( وريهم الجدعنه )
» انا الشهيد (بمناسبة اعياد اكتوير)