مطرح يساع الكون

موضوع: مطرح يساع الكون السبت أغسطس 22, 2009 9:32 pm

قلبي الضعيف

مستني يحصل معجزه

لو ترجعي

منقوش على خد القمر

دمع الفرح

تطرح ملامحك ضحكتي

يادنيتي

لسه الخطاوي ف السكك

مش لاقيه غير أرضك وطن

رغم أن ليلي ف كل يوم

ساحب نهار شمس الشموس

ماعرفش ليه؟!

بهتان ف عيني للأبد

لون الوجود

مستني لو يوم يتولد

معنى الحياه

من درفتين عينك مدد

متلذذه طعنات جمودك

جوه مني بالفرار

مستوطنه كل الحواس

الساكنه فيا وقايده نار

عقم الشعور جواكي ليه

رافض يأدي الأنتحار

صابك هوس واقع غبي

وياه تبلد ف المشاعر

من زمن

وأنا كل يوم بدفع تمن

أحساس ومنقوع ف الضنا

ليه بس عودك النحيل

جناحاته متصابه بشلل

ورافضه تطير وتسكني

وتحضني يادوب لحظه

بقول ح أنسى

ومش بنسى

مانيش قادر ف يوم أرسى

على مينا سوى عنيكي

خلاص صبري تعب مني

والصبر مفتاح الفرج

وشمسك كل ما بتشرق

بتنوي غروب

مكحله عيني دمعاتي

بقولك أيه

تعبت كلام

أنا المحبوب

فلو قررتي تنسيني

ف سامحيني

مادام بعتي

عشان ف سجل عشاقك

أنا أول غرام فيكي

أنا اللي كفوفي تلقيها

خطوطها فوق كفوف أيدك

أنا اللي زرعت جواكي

معاني الحب والأشواق

أنا اللي مهما أغيب عنك

ح تفضل صورتي قدامك

ف محراب الهوى والعشق

أنا أمامك

وأنا الشمس اللي بتحدف ضفايرها

تدفيكي ف عز البرد

وأنا نسمة هوى هافه

وبتأنسك ف صهد الحر

وأنا اللي كنت ف سماكي

قمر فرحان وزي البرد

وأنا اللي سكنت أحزانك

وكان نفسي معاكي أفرح

وأجمع ليكي أفراحك

عيونك ليه كده تطرح

جدايل نار

أنا مطرح يساع الكون

ف لو قررتي تنسيني

على عيني

وح أدعيلك

مادام الفرحة فوق خدك

مافيش حاجة تبكيني

.............................

كلمات

فرعون شباب الأسكندرية

جمال الدليل

.................................

الله عليك يا جمال
الابن الغالى الشاعر
جمال الدليل
قصيده من قصائدك الممزوجه بصهد هذا الوطن
والذى نذوب فى عشقه رغم مرارة اللقمه وملوحة ماءه
قصيده غزلت بيد شاعر عرف جيداّ كيفية الدخول الى
قلوب عشاق كلمته فغزاها بشاعريته الدافقه وبقلمه الرائع
تقبل اول مرور على هذه الرائعه
وتقبل منى كل الود والتقدير ...

الاستاذ الرائع ..جمال الدليل

الله عليك وعلى قصيدتك الرائعه

بكل ما فيها من معانى وكلمات مغزوله بأعمق وأنقى الحروف

دمت بكل خير وحب

ملحوظه تثبت القصيدة بواسطتى

لروعة الحرف[b] afro

ايه الروعه دى استاذ جمال

جميل اوى انك تفرح لفرحها رغم حزنك

طالما ان الفرح على خدالمحبوبه ايا كانت هى مين

الله عليك تقبل مرورى المتواضع على نصك الرائع

geek

شكرا أخ جمال
شعرك جميل يا ريت تشوف قصتى و تقول لى رأيك

الأستاذ عادل
قال
الله عليك يا جمال
الابن الغالى الشاعر
جمال الدليل
قصيده من قصائدك الممزوجه بصهد هذا الوطن
والذى نذوب فى عشقه رغم مرارة اللقمه وملوحة ماءه
قصيده غزلت بيد شاعر عرف جيداّ كيفية الدخول الى
قلوب عشاق كلمته فغزاها بشاعريته الدافقه وبقلمه الرائع
تقبل اول مرور على هذه الرائعه
وتقبل منى كل الود والتقدير
"""""""""
بصراحه أنا ماكنتش كاتبها للوطن
لكن حضرتك لفت نظري أنها تمشي وطنيه
وأنا سعيد بمرورك الأول على هذه القصيده
وسعيد أكتر بالكلام الحلو اللي دايما تشجعني بيه
ويجبرني على الأبداع
Smile

:::::::::::::::::::::::::::::::::::::::::::::::::::::::::::

الأخت الغاليه
عزه الزرقاني
قالت
الاستاذ الرائع ..جمال الدليل

الله عليك وعلى قصيدتك الرائعه

بكل ما فيها من معانى وكلمات مغزوله بأعمق وأنقى الحروف

دمت بكل خير وحب

ملحوظه تثبت القصيدة بواسطتى

لروعة الحرف
[b]:::::::::::::::::::::::::::::::::::::::::::::::::
أولا ألف شكر على كلامك الراقي
ثانيا مليون شكر على التثبيت
ثالثاوالله العظيم أنا لسه بتعلم
ومش لاقي كلام أقوله تاني
شكل الكلام خلص
cat

:::::::::::::::::::::::::::::::::::::::::::::::::::::::::::::::::::::::::::::::::

الأستاذه هناء سعيد
قالت

ايه الروعه دى استاذ جمال

جميل اوى انك تفرح لفرحها رغم حزنك

طالما ان الفرح على خدالمحبوبه ايا كانت هى مين

الله عليك تقبل مرورى المتواضع على نصك الرائع

الجميل أكتر من كده
أن حضرتك بتدخلي في قلب القصيده
وتحسي بيها قوي
أشكر مرورك الرائع
الذي أنار جميع حروفها
أخوكي الصغير
جمال الدليل
::::::::::::::::::::::::::::::::::::::::::::::::::::

الأستاذ حمدان المنصوري
قال



شكرا أخ جمال شعرك جميل يا ريت تشوف قصتى و تقول لى رأيك

::::::::::::::::::::::::::::::::::::::::::::::::::::::::
أشكر مرورك الكريم
وأ؟عدك بقراءة القصه
::::::::::::::::::::::::::::::::::::::::::::::::::::::::::::::::::::::::::

أتذكر لقاءنا الأول والذي كان في حضرة الوالد شاعر العامية الرائع/ محمد أحمد طه؛ يومها وجدتك شاعر أغنية واعد وتريد أن تكتب حلمك وحلم جيلك. سيطرت عليك الأغنية بتقنياتها وآلياتها والتي كنت فيها نعم التلميذ النجيب للراحل الغالي .
كنت أرصد تجربتك وتطورها؛ كنت شاعرا حقيقيا؛ استمعت لكل النصائح التي أسداها لك صديقي الجميل/ محمد رمضان هداية بكل حب وثقة في نصحه؛ وانتظرنا معا مرحلة جني الثمار؛ وها أنت تمنحنا القصيدة التي كنا ننتظرها؛ وأنت يا أخي الحبيب تعلم إنني لا أجامل عادة.. أرى أن هذه القصيدة تحديدا بداية لكتابة جديدة وروح هي بالضرورة لشاعر صدق رهاننا عليه؛ لذا أرجوك أن تستثمر رغبتك وموهبتك التي أعرفها وتواصل؛ لأن العامية تعاني الآن حالة من الثبات.

أخي وصديقي وأستاذي وحبيبي
حسام حسين
قال

أتذكر لقاءنا الأول والذي كان في حضرة الوالد شاعر العامية الرائع/ محمد أحمد طه؛ يومها وجدتك شاعر أغنية واعد وتريد أن تكتب حلمك وحلم جيلك. سيطرت عليك الأغنية بتقنياتها وآلياتها والتي كنت فيها نعم التلميذ النجيب للراحل الغالي .
كنت أرصد تجربتك وتطورها؛ كنت شاعرا حقيقيا؛ استمعت لكل النصائح التي أسداها لك صديقي الجميل/ محمد رمضان هداية بكل حب وثقة في نصحه؛ وانتظرنا معا مرحلة جني الثمار؛ وها أنت تمنحنا القصيدة التي كنا ننتظرها؛ وأنت يا أخي الحبيب تعلم إنني لا أجامل عادة.. أرى أن هذه القصيدة تحديدا بداية لكتابة جديدة وروح هي بالضرورة لشاعر صدق رهاننا عليه؛ لذا أرجوك أن تستثمر رغبتك وموهبتك التي أعرفها وتواصل؛ لأن العامية تعاني الآن حالة من الثبات.

:::::::::::::::::::::::::::::::::::::::::::::::::::::
أبويا الروحي وأستاذي محمد أحمد طه علمني أسمع نصايح الأكبر مني واللي أحس أن قلوبهم بيضا وبيحبوني فعلا وانا عملت بنصيحته لأنك ياحسام أنت وأستاذي اللي وقف جنبي كتير محمد رمضان هدايه وعلمني تكنيك القصيده العاميه وأزاي أقدر أخلق الصوره الشعريه الجديده المدهشه
ببساطه وحرفيه
وبعدين ياحسام أنت مابتجاملش خالص واللي ف قلبك وف ضميرك على لسانك وعمرك ما زعلت حد بشهادة الناس المخلصه
وأعدك أخي الحبيب ان كل حرف بعد الشهاده اللي أنت قولتها اللي عندي أغلى من الليسانس لازم أعمل حسابه
ومادام أفتكرنا طه اللي مابيغبش عن بالنا أبدا تعالى نقراله الفاتحه لأمواتنا وأموات المسلمين
ألف مليار شكر
ياأبويا الروحي بعد محمد أحمد طه
بالأنابه
ألا قولي
أقول ياشوكت ولا ياحسام
ههههههههههههههههههههههههههههههههههههههههههه
afro

::::::::::::::::::::::::::::::::::::::::::::::

أحيك بشدة على هذة الروائع وألوم نفسى كثيرا على أن هذة أول مرة أدخل على كلماتكأنت مدبع حقيقى وسعيدة جدا بأبداعاتك التى سأتعلم منها الكثير أتمنى لك التوفيق

قلبي الضعيف

مستني يحصل معجزه

لو ترجعي

الاستهلال أكثر من رائع
جمال الدليل الشاعر الرائع دوما
كلامك دايما بيخبط ف قلبى
ووحشتنى قعدات النورس وقعدتى على ودنك وانت بتكتب أغانيا

لفت نظرى من ضمن التعليقات تعليق الشاعر الجميل والناقد المتميز
حسام حسين
مش عارف ليه حسسنى بحاجه مع انى مصاحب جمال ومعاه من وقت للتانى
مش حاسسها ومكنتش شايفها

حسيت ان جمال الدليل بقى له تاريخ
ولقيت نفسى بقارن بين جمال الدليل دلوقتى
وجمال الدليل من 7 سنين لما كان فى استاذ جميل رحمة الله عليه محمد أحمد طه
مش بيسيبوه ومتابعه ف كل كبيره وكل صغيره
وفجأة توفاه الله ونمت التجربه جوه جمال من غير ما المقربين منه واولهم انا يحسوا بده

ولقيت نفسى قدام نمو وتعملق لتجربه شعريه فريده وحاله خاصه
النمو والتطور سريع والمحطات اللى مر بيها جمال أررفع من أن واحد زى حالاتى يرصدها
لكن جه الفارس الناقد اللى بيفكرنى بالجراح علشان يشرحهلنا

ولأول مره ببص على جمال من بره فالاقيه بقى شاعر جامد جدا
شاعر مفترى بحق
أنا بجد مصدوم صدمه جميله قوى
المفروض افضل 6 شهور مشوفكش علشان لما اشوفك واقرالك واسمعك
اكون اول واحد يحس التطور السريع المستخبى اللى بيحصلك من وقت للتانى
شكرا للرائع جمال الدليل على هذه الرائعه وعلى السكه الجديده
شكرا للرائع حسام حسين لانه لفت نظرى لحاجات مش شايفها من عمايا فى صديق رحلتى
جمال الدليل

الأستاذه رشا فؤاد
قالت
أحيك بشدة على هذة الروائع وألوم نفسى كثيرا على أن هذة أول مرة أدخل على كلماتكأنت مدبع حقيقى وسعيدة جدا بأبداعاتك التى سأتعلم منها الكثير أتمنى لك التوفيق
أستاذه رشا
كلامك أشعرني بسعاده غامره وبعدين حضرتك شاعره عملاقه وكلامك وأبداعك أنا بتعلم منه حقيقي
وأعتذر لتأخري في الرد على تعليقك وتأخري في الدخول على صفحتك
أخوكي الصغير
جمال الدليل

""""""""""""""""""""""""""""""""""""""""""""""""""""""""""""""""""""""""

الفنان أحمد حمدي
قال
الاستهلال أكثر من رائع
جمال الدليل الشاعر الرائع دوما
كلامك دايما بيخبط ف قلبى
ووحشتنى قعدات النورس وقعدتى على ودنك وانت بتكتب أغانيا

"""""""""""""""""""""""""""""""""""""""
والله واحشاني القعده هناك أكتر منك
وبلاش سياح أن أنا بكتبلك أغاني
لأحسن الناس تعرف أن شاعر واقع بيكتبلك أعمالك
albino

"""""""""""""""""""""""""""""""""""""""""""""

أستاذ جمال أنت أخا لنا نفخر بك فى هذا المنتدى ونرجو منك المزيد والتواصل على صفحتنا وعلى فكرة شعراء كبار يعرفون أبداعك ودائما يشكرو فيك

أحمد حمدي

قال

لفت نظرى من ضمن التعليقات تعليق الشاعر الجميل والناقد المتميز
حسام حسين
مش عارف ليه حسسنى بحاجه مع انى مصاحب جمال ومعاه من وقت للتانى
مش حاسسها ومكنتش شايفها

حسيت ان جمال الدليل بقى له تاريخ
ولقيت نفسى بقارن بين جمال الدليل دلوقتى
وجمال الدليل من 7 سنين لما كان فى استاذ جميل رحمة الله عليه محمد أحمد طه
مش بيسيبوه ومتابعه ف كل كبيره وكل صغيره
وفجأة توفاه الله ونمت التجربه جوه جمال من غير ما المقربين منه واولهم انا يحسوا بده

ولقيت نفسى قدام نمو وتعملق لتجربه شعريه فريده وحاله خاصه
النمو والتطور سريع والمحطات اللى مر بيها جمال أررفع من أن واحد زى حالاتى يرصدها
لكن جه الفارس الناقد اللى بيفكرنى بالجراح علشان يشرحهلنا

ولأول مره ببص على جمال من بره فالاقيه بقى شاعر جامد جدا
شاعر مفترى بحق
أنا بجد مصدوم صدمه جميله قوى
المفروض افضل 6 شهور مشوفكش علشان لما اشوفك واقرالك واسمعك
اكون اول واحد يحس التطور السريع المستخبى اللى بيحصلك من وقت للتانى
شكرا للرائع جمال الدليل على هذه الرائعه وعلى السكه الجديده
شكرا للرائع حسام حسين لانه لفت نظرى لحاجات مش شايفها من عمايا فى صديق رحلتى
جمال الدليل

تاريخ أيه ياعم أحمد

أبوس أيدك بلاش الكلام الكبير قووووووووووووووووووووووي ده

تعليقك ده بالذات قلب عليا مواجع كتيره وأنت عارف ليه

أحنا لسه بنتعلم يا عم أحمد

Crying or Very sad

"""""""""""""""""""""""""""""""""""""""

الأستاذه رشا قالت
أستاذ جمال أنت أخا لنا نفخر بك فى هذا المنتدى ونرجو منك المزيد والتواصل على صفحتنا وعلى فكرة شعراء كبار يعرفون أبداعك ودائما يشكرو فيك
هذه الشهاده أعتز بها أختي رشا ويسعدني جدا هذا الكلام الجميل
ويسعدني أكثر أخوتك
أخوكي الصغير
جمال الدليل
Smile

:::::::::::::::::::::::::::::::::::

من حقك أيها الفرعون الصغيران تتفرعن
ما دمت تمتلك هذاالفيض من العذوبة و الانسيابية
في المشاعر و امتلاكك للادوات الفنية و الايقاع
المنسجم مع الحالة الوجدانية الممزوجة بالعاطفة
الصادقة التي تصل بين ضفتي الحب و الألم في
نهر أبداعك الفياض.
شكرا علي امتاعي بهذا النص
و في شوق للمزيد من الامتاع.

هى رائعة بحق أخى جمال
سامقة فى كل شىء
حتى مرور الأخوة من هنا
دمت بهذا الألق و هذا الجمال
أخوك

سامي عقل
قال
من حقك أيها الفرعون الصغيران تتفرعن
ما دمت تمتلك هذاالفيض من العذوبة و الانسيابية
في المشاعر و امتلاكك للادوات الفنية و الايقاع
المنسجم مع الحالة الوجدانية الممزوجة بالعاطفة
الصادقة التي تصل بين ضفتي الحب و الألم في
نهر أبداعك الفياض.
شكرا علي امتاعي بهذا النص
و في شوق للمزيد من الامتاع.
:::::::::::::::::::::::::::::::::::
أنت تعليقاتك مفتريه ذي شعرك
وبعدين الكلام ده كتير قوي عليا ياعم سامي
وأنا عمري ما بتفرعن أساسا
أنا بتعلم منك كل يوم حاجه شكل
أنا لسه بحبي وانتم شعرا كبار فعلا واخدتم بأيدي لحد ما أتعلمت أمشي وسطكم
أسعدني تعليقك أخي سامي
وأعطاني ثقه كبيره
أمانه عليك سلملي على توته
Smile

"""""""""""""""""""""""""""

الأستاذ عاطف الجندي
قال

هى رائعة بحق أخى جمال
سامقة فى كل شىء
حتى مرور الأخوة من هنا
دمت بهذا الألق و هذا الجمال
أخوك

_________________
مطرح يساع الكون 49711110ff2

أشكرك أخي عاطف على هذا التعليق الجميل
دام الله علينا جو الأسره الواحده داخل منتداك
ولاتحرمني من تواجدك على صفحتي
أخوك الصغير
جمال الدليل
Twisted Evil

""""""""""""""""""""""""""""""""""""""""""""

يمكن اكون لاول مرة بقراها بس حسيت انك بجدشاعر رائع وجميله وخلى بالك دى مش مجامله يعنى بس اشكرك على اسلوبك في التعبير

حبيبة قلبي

وزوجتي المخلصه

ميرال

كتبت

يمكن اكون لاول مرة بقراها بس حسيت انك بجدشاعر رائع وجميله وخلى بالك دى مش مجامله يعنى بس اشكرك على اسلوبك في التعبير

____________________________________
وحضرتك لسه حاسه دلوقتي أن أنا شاعر

مااااااااشي

أشكرك على مرورك المبهر

حبيبك

جمال الدليل
_____________________

» حضنك يساع كل البشر
» ليت كل الكون
» اله الكون
» يا ضمير الكون
» اخر نساء الكون