شهادة جامعية

موضوع: شهادة جامعية الجمعة أغسطس 21, 2009 3:36 am

كان فيه زمان شهادات
اسمها شهادات جامعية
بتخلي النكرة حاجات
وبنقلة كمان نوعية
كانت قيمتك بشهادتك
وكان الجاهل يحتاجلك
يحسد كمان سعادتك
ويقول كات خيبة عليه
ليه ياربي ماتعلمتش
وبقيت حاجة في الدنيا
وأفوز وأكسب فلوس
..............................
وأهو ولى العصر وفات
ونسينا قيمة الشهادات
الا نوع واحد منها
شهادات الاستثمار
فوايدها علينا كتار
والفايدة .. متزايدة
زي ما قالوها زمان
وتعالى أحكيلك عنها
بطريقة كان ياما كان
بتخلينا باهوات
ولقانا باحترامات
ولو خلصت من جبنا
نلقى نفسنا نكرات
و نحوس من غير فلوس
.............................
قرشنا سيد موقفنا
دة واقعنا مهما غالطنا
وإذا كنت فقير تتبهدل
تدعي وتقول تتعدل
بعد ما كانت كرامتنا
أغلى من أي فلوس
عشنا في كارثة ونكبتنا
إن أحنا آلات بتروس
لازماها تملي صيانة
عمرها ما تكون مجاناً
أو حتلاقيها احساناً
لازم تدفع فلوس
............................
الفقر حقيقي مش عيب
لأ دة أصبح عيوب
تيجي تشكي فلس الجيب
تلقى حياتك كروب
عايز اللقمة بفلوس
طب والهدمة بفلوس
درس وحصة بفلوس
آخد حقنة بفلوس
أخلع سنة بفلوس
حتى البسمة بفلوس
يوم ما حتدفع راح تلقى
حتى شهادتك بفلوس
كله بمبلغ وقدره
ومعوش.. مايلزمهوش
يفضل رضانا بقدره
وهدى ورضا النفوس
اللي تمنهم كنوز
.........................

الحبيب الغالى الشاعر
طارق منيب
هذا النص يذكرنى بالتعليم فى الستينيات واوائل السبعينيات
حيث كان التعليم والحصول على اى شهاده من الضروريات
اما الآن فالوضع اختلف تماماّ . فالشهادات يحصل عليها من يملك
المال . واصبحنا فى زمن دفن المواهب والاحباط المزمن
نص جميل يا استاذ طارق وكل سنه وانت والاسره بخير
على فكره فيه تقدم واضح وخطك اتحسن قوى الله ينور
تقبل كل الود والتقدير وكل عام وانتم بخير ...

القدير ..طارق منيب

موضوع جميل وشيق

تسلم وسلم قلمك الرائع

واشارك استاذ عادل الرأى

وبالفعل تقدم ملحوظ

سلمت وسلم قلمك المبدع [b] afro

جميل جدا ياخالى أنك بتفكرنا بزمان لأن للأسف مفيش حاجة عدلة لليومين دول عشان نفتكرها لأنك أصيل فتذكرنا بالأصالة على أد بساطة الألفاظ على أد عمق المعنى وصدق الأحساس بالمحن التعبير عنها دمت لى لى فى السعودية دمت لى فى مصر أقولك خلية الأهم دمت لى فى قلبى أبد الدهر

أخي الحبيب الشاعر الكبير/ عادل عوض سند
السلام عليكم ورحمة الله وبركاته
كل عام وأنت بخير أنت وجميع أفراد أسرتك الكريمة
وتقبل الله منكم صالح الأعمال
زمن.. وزمن
زمن احترام العلم.. إلى زمن احترام العالمة
تصدق أنا عيالي كلهم متفوقين في دراستهم.. والله مُشفق عليهم من المقلب اللي حيشربوه
والكبيرة في نهائي صيدلة السنة دي.. بدأت تستوعب المقلب وتقولنا حرام عليكم ليه خلتوني أذاكر كتير بالشكل كدة .. ماكانت أي شهادة وخلاص
ولكن نتعشم يرجع تاني للعلم والتعليم احترامه
زي ما أحنا متعشمين إن حاجات كتير ترجع
أخوك
طارق

الشاعرة عزة الزرقانى كتب:: القدير ..طارق منيب

موضوع جميل وشيق

تسلم وسلم قلمك الرائع

واشارك استاذ عادل الرأى

وبالفعل تقدم ملحوظ

سلمت وسلم قلمك المبدع

[size=[b]24]
شكراً كثيراً لمرورك وشهادتك التي أعتز بها
وكل عام وأنت بألف خير
بمناسبة حلول شهر رمضان المبارك
[/size]

رشا فؤاد كتب:: جميل جدا ياخالى أنك بتفكرنا بزمان لأن للأسف مفيش حاجة عدلة لليومين دول عشان نفتكرها لأنك أصيل فتذكرنا بالأصالة على أد بساطة الألفاظ على أد عمق المعنى وصدق الأحساس بالمحن التعبير عنها دمت لى لى فى السعودية دمت لى فى مصر أقولك خلية الأهم دمت لى فى قلبى أبد الدهر

أبنتي العزيزة رشا
شكراً كثيراً لمرورك العطر
كل عام وأنت بألف خير
تصدقي يارشا إن على ايامنا كان فيه منولوجست أسمه أحمد غانم
كانوا مسميينه المنولوجست الجامعي
لأنه تنازل واشتغل منولوجست!!!
ييجوا يشوفوا الجامعيين دلوقت اشتغلوا عجلاتية
شكرأ لمرورك ياحبيبتي
وكل عام وأنت بألف خير
وعلى فكرة كلمت بابا وماما وشيماء النهاردة وأنت كنت نايمة
مرة أخرى كل عام وأنت بألف خير
خالك
طارق

أخى الحبيب طارق
فكرتنى بجملة عادل إمام الشهيرة
بلد شهادات بصحيح
لكن الآن كما قلت فى زجلية جميلة
لا عادت شهادات بتنفع و لا تشفع
بارك الله فيك

استاذ ى العزيز طارق منيب

كل سنه وحضرتك والاسره الكريمه بخير وصحه وسلام

احسنت فى هذه المقارنه بين الزمنين

زمن ماضى وزمن قاضى حكمه فينا

لنا الله اخى العزيز

تقبل مودتى ووردتى

afro

عاطف الجندى كتب:: أخى الحبيب طارق
فكرتنى بجملة عادل إمام الشهيرة
بلد شهادات بصحيح
لكن الآن كما قلت فى زجلية جميلة
لا عادت شهادات بتنفع و لا تشفع
بارك الله فيك

أخي عاطف
السلام عليكم
شكراً لمرورك العطر.. وكل عام وأنت بخير.. وربنا يرجع زمن احترام العلم تاني إن شاء الله.. ولو أن على رأي أم كلثوم عايزنا نرجع زي زمان قول للزمان أرجع يازمان..

هناء سعيد كتب:: استاذ ى العزيز طارق منيب

كل سنه وحضرتك والاسره الكريمه بخير وصحه وسلام

احسنت فى هذه المقارنه بين الزمنين

زمن ماضى وزمن قاضى حكمه فينا

لنا الله اخى العزيز

تقبل مودتى ووردتى

[

b]أختي العزيزة الأستاذة/ هناء سعيد
السلام عليكم وكل عام وأنت بخير
أخطر مايميز عصرنا إن القرش سيد الأخلاق..وإن مصدر الفلوس أصبح مش مهم.. زمان كان لينا جار مرتشي كنا بنتعامل معاه على أنه جرثومة.. وماحدش بيعبره.. أما الآن فنجد من يفتخر بمصدر القرش الحرام.. للأسف الشديد.. وكان الاحترام للعلم واضح وظاهر..
أخوك
طارق[/b]

» شهادة
» شهادة دكتوراه
» دم الشهيد راح هدر
» يا كدابه ..
» شهادة الشاعر عبد المنعم العقبي