قصايد متقاطعه

قصايد متقاطعه
مجموعه من القصائد القصيرة
جزء 1 من قصيده
وأنا كل ما أقول .....
وأنا كل ما أقول التوبة
اخبط ف الحيط من تانى
وبقول اهى أخر نوبة
هاتعارك مع أحزانى
والقاني بمد ايديا
علشان اكعبل رجليا
واطردها تقول يا حبيبي
يعنى أنا اسيبك وحداني !!!!!!!!!!!!؟؟؟؟؟!!!!!
وأنا كل ما اقول التوبة
اخبط ف الحيط من تانى
....................................
قصيده
جمله واقعه
السرعة ف الزمن
تسوى المسافة
والمسافة بينا
ف نقطتين
ملهومش تالت
في نقطه واقعه
ف الفراغ
ف دايره ملهاش نص قطر
يعنى دايره
فاضل لها من الدايره
شكل
والتانيه
مجهولة المعالم والهويّه
والاكاده إنها
مش كاملة التكوين
زى جمله
جوه كراسه قراءة
ليس لها من الإعراب
محل
.........................................
جزء 2 من قصيده
وأنا كل ما القول.......
وأنا كل ما أقول أنا ها حلم
تطلع احلامى بنات
الظاهر والله اعلم
أنى مريض ب الستات
أحلام بتهد ف حيلي
ونهاري ب يقلب ليلى
والدنيا ألونها تروح
وحاجات ب ترد الروح
مش قادر اصلب طولي
مش لاقى حل يخلّص
عقلي من دى افتكاسات
وأنا كل ما أقول أنا هااحلم
تطلع احلامى بنات
......................................
قصيده
البنت حلوه
البنت حلوه ولكن
حلاوتها زايده جنان
عايقه ومتشيّكه
حتى الأدب محسوس
الجسم قالب عفي
لايق على الملبوس
مكبوس عليه العسل
سايل على الشفة
الوسط كان موزون
وميزانه م الخفة
يا للي تقولوا الجمال
تعالوا وروني
شوفوا الجمال الصبي
والرقة سحروني
وكل واحده فيكو
تخطف لها خطفه
واللي يقولوا قمر
مالهومش غير كلمه
ناوي أقولها هنا
وأنا طالب الكلمة
مش كل بنت حلوه
يتقال لها مزّه
ولكنه من الطبيعي
كل المزز نسوان