كلمات متقاطعه لشاعر سيد عبد الحليم السكندرى

كان الزحام ف الشوارع

كلمات متقاطعه

على هامش دنيا اتنزلت

عن توبها

رغم عقارب ساعته البيظه

كان واقف بيدور ف عيوبها

كلمات متقاطعه

ف روايح تفل الشاى المحروق

ف جدار مشقوق

من فعل طابور النمل

كراكيب احلام

ممنوعه عليها تلم الشمل

اجسام متلاحمه ف حدود القهوه

كان جواها الجسد الساكن

ف مربع ضله

بيلملم كل اللى فاضله

وبيجمع اشلاءه التايهه

على قهوة خط العمر الواقف

على نقطة مايه

كان لسه بيشرب شايه المر

ع المعده الفاضيه

نثريه رائعه

اسمح لى بنقلها الى هناك

حيث التخصص

دمت بحب

الابن الحبيب

عمر احمد

الشاعر السيد عبد الحليم شاعر جيد

ولم اسمع منه هذا النص من قبل . ولكن بصمته بداخله .

تحية لك وله على نصه السريالى الجميل ...

مودتى وتحيتى ..

» كلمات متقاطعه لشاعر سيد عبد الحليم
» سقط النظام الشاعر السكندرى السيد عبد الحليم
» ( فصول الذل) الشاعر السكندرى السيد عبد الحليم
» رباعيات لشاعر سيد عبد الحليم
» قصايد متقاطعه