الحلم كراسه حساب

[b]الحلم كراسه حساب[/b]
في نسمه هاديه
من بعيد
جايه تونس وحدتي
والليل مدور غنوه مجمعا
كل اللي عايزين
يسهروا
كنا تلاته
انتى و
أنا و
حلم رافض يكتمل
كنتى هنا
ومانتيش هنا
كنتى فكره
ف الخيال
صوره لإلهة
جمال
تدى دروس العشق
زى ما قال الكتاب
مسمار عذاب
واندق جوه القلب
دقه ودقتين
الدقة هي دقته
لما بينخر
ف الوريد
والدقتين
كانوا كلمتين
بس اتنسوا وسط الألم
سرسوب عدم
حالف يغرق كل حته
ف مركبي
وأنا البحار البحر
هو دنيتي
أنا كنت ناوي أوصل
لشط المستحيل
بس الحقيقة لما ضيعتي
ضل ف عنيا الطريق
البحر كان عايز
يجمع شملنا
ليه أتقلب؟
خلى المراكب
تتجه ناحية سراب
دفتر حساب
جواه معادله
حبنا
( لو إن حبي يساوى
سين
وسين تساوى
كل مره الشمس هلت
ع البشر
ونضيف كمان
عدد اللي شافوا
نور بينزل م
القمر
من عهد ادم
حتى أخر دقه
ف قلوب العباد )
احسبيها
وان وصلتي للنتيجة
حصلينى
أنا أصلى
واخد مركبي
و رايح لقلبك
هاشتكيله
منه ليه
ما أنا أصلى
معرفليش كبير
فات الكتير
و آن أواني
انى ارجع
م الخيال
النسمة وقفت ف
الفضا رافضه النزول
على قلب لما بينجرح
ينزف سؤال
واكتشفت
انى عارف انك
انتى مش معايا
بس قلبي لسه
عقده ف شنطتك
بستعطفك
مدى ايدك
جوه صدري
امسكيه
لفي فرده من
ضفايرك جوه منى
واشنقيه
وأدى السؤال
تفتكري لما نفسخ
عقدنا
ممكن أبداء
من جديد؟
اعترض ... اهو هو ده
يبقى المحال

[/center]

ايه يا عمرو الإبداع ده احسسسسنننننننننننننننت ودمت لنا طيبا ومبدعا جميلا كما عودتنا وعلى فكره هى الخسرانه حد جميل زيك ولايهمك ههههههههههههههه
اكتب اشعار وامتعنا اشكرك على النص اللى مالوش حل ده Shocked

الاستاذه / هناء سعيد
السباقه الى مشاهده مواضيعى البسيطه
الصراحه تعليق جميل حدا ورقيق جدا جدا
بس انا اللى دايما خسران علشان هيا خد ارق من الملاك
ماعلينا
مرور كريم وتعليق غالى
تقبلى فائق احترامى
دمتى بكل خير

ما خسرتش ياما يا عمرو
الله عليك وعلى جمال اعمالك العاطفيه والتى تفيض بالمشاعر
والاحاسيس الرهيفه . { والله باين علينا وقعنا فى حبّيب قديم }
معلش يا عمرو . همّا كام واحده ياابنى ؟
واكيد كل قصيده لها صاحبتها { ليت الشباب }
ياللا منك لله رجعتنى اربعين سنه ورا .
جميل يا عمرو وبالتوفيق دائماّ ...

استاذى الغالى / عادل عوض سند
هيا واحد بس اللى اتكتب لها كل الكلام ده
مرورك الكريم وتشجيعك يجعلونى طاير فى السما ربنا يستر وماقعش على جدور رقبتى
تقبل فائق احترامى وتقديرى
دمت بكل خير

أخى الشاعر المبدع عمرو
كلمات جميلة سلسة
و أشجار وارفة شعرا
geek

الاستاذه / الورده الحمراء
مرور غالى وكريم وتعليق رقيق
تقبلى احترامى
دمتى بكل خبر

» صور مسرحية حصة حساب
» استاذ حساب
» كشفُ حساب ٍ عاطفي
» حساب العمر م البدايات
» الحصانات على حساب الوطن ومواطنيه