اتولدت فين .. مش عارف .. ولا إمته

االسلام عليكم .. مجرد رأي


إتولدت فين ؟

......


إتولدْتْ فين

مش عارف

ولا إمته

بس اللي شوفته

بصِّيت لقيتْني

خرجْت من بطْنها

يدوب نبْته

طِلْعتْ من بين الشِّقُوقْ

شميت نسايم فلها

رضَّعتْنِي

ربَّتْنِي من عِزِّها

ويَدُووبْ

فتَّحتْ عِنَيِّه

شْربِْتْ ميَّهْ من نهرها

حافظت عليَّ

شبِّيتْ بخفَّهْ .. بحنيَّه

مابين سماها وأرضها

وعشقتها

ومديت خطوتين لفوق

حبيت هواها وضلها

خلتني واحد من جندها

في لحظة سكون

الغرْبَهْ خادتني من حضنها

ولاعرفت فين اكون

ورمتْني بعيد عنها

وكائنها

علَّقتْنِي فْ ساقيه دوَّارهْ

من غيرْ حقوق

ولاإنسانيه

ولا أي ذوق

والنَّفْسْ عاشت محتاره

والنَّفَسْ مخنوق

ولا حتي لُقْمه

ترد جوعتي

وفْ وسْط الزَّحْمه

دوختني

انطفت شمعتي

وبدون أي رحمه

توَّهتني عن قِبْلِتي

طفشت مني الدُّموع

وبقيت مفزوع

وِنفْسِي انام

أحلم بسقْوهْ من بحرها

تِبلْ ريق عطشان

تِلْحِقْنِي

تِفَوَََّقْنِي

تنسِّيني بُعْدَها

تنَجِّينِي

تِعدِّيني

أحضُنْ تُرابها

وأهنِّي نفْسِي بِقُرْبَها

لأنها..نور عيني

وف قلبي ساكن حبها


أشكركم

وللجميع تحياتي