عارف

مفتتح


بص يا ابنى
انا لا هقولك كانى و مانى
و لا راح اقولك كان فى زمانى
و لا هاحكى لك ع البستانى
اللى خطف بنت السلطان

كلمه وحيده يا ولدى هاقول لك
حطها حلقه يا ولدى ف ودنك
ربك هو البر الاوحد
اللى ف ضله تعيش فى امان

ثم


عارف
لما زمان انا كنت صغير
كنت انا طيب
كنت منور
كنت انا باعقد رجل الدنيا بخيطى الابيض
و العب بيها و هى تفرفص
بس تفرفص فين؟
و باكركر


عارف
لما كبرت شويه لقيتنى
بقيت مش طيب
بقيت متغير
صبحت تعقد رجلى الدنيا بخيطها الاسود
و تلعب بيا و يا ما بفرفص
بس افرفص فين
و بازمجر


عارف
برضك عندى امل القانى
قادر احلم
قادر اقرر
قادر اقطع خيط الشهوه
اللى سايبلى جراح تترصصص
و اخنق ضعف سنين
واتحرر

[color=blue]الـشــاعــر الجـمـيــل

رأفـت الـمـصــرى

عـارف ... هـذا كـان عـنـوانـاً لـكـلـمـاتـك الجـمـيــلـة

والـتـى قـسـمـتـهـا إلى ( مـفـتتـح ) يتلوهـا ثلاث مـقـاطـع

الإفـتـتاحـيـة كـانـت مـن الشـعـر التـقـليـدى ( الـمـقـفـَّى )

وبـاقـى القـصـيـدة ..أقـرب إلـى شـعـر الـتـفـعـيــلة

الكلمات كـانـت مـنـاسـبـة لـلـفـكرة ( حـديث الأب لإبـنـه )

كـانـت لـى ملاحـظـة بـسـيـطـة فـى هـذا الجـزء مـن الـنـص :

عارف
لما كبرت شويه لقيتنى
بقيت مش طيب
بقيت متغير
صبحت تعقد رجلى الدنيا بخيطها الاسود
و تلعب بييا و يا مه بفرفص
بس افرفص فين
و بازمجر

لـم أســترح وأنـا أقـرأ ( بـقـيــت مـتـغـيـَّـر )

ولـو أعـدت قـرائـتـهـا شـاعـرنـا الجـمـيـل سـتـحـس بـهـذا

يـتـبـقـى أن أقـول لـك أن كـلـمـاتـك الجـمـيـلة أعـادتـنـى لطـفـولتى

عـنـدمـا كـنـَّـا نـردد :
الله حـى
عـبـاس جـَىْ
ضـرب الـبـُمـْـبـة
ف راس العـُمـْـدة
وهــوَّة جـىْ


شـكـراً شـاعـرنـا الرائـع على كلماتـك الجـمـيـلـة

وسـامـحـنـى عـلى إعـادة تـنـسيق النـص

لـك مـنـى كـل الـمــودة
حـمـدى شـبـانـة
-----------------------------------------------------------------[/

الاخ استاذ حمدى
كل شكرى لكم للمرور و التعقيب اخى الفاضل
كل تحياتى]