فضفضه

موضوع: فضفضه الأربعاء يونيو 17, 2009 4:26 pm

فضفضه

انا المحبوس
مابين البحر والصخرة
أنا المشبوح
مابين العجز والقدرة
أنا مقتول
وحبك ليا كان فكره
أنا بكره
أنا بعده
أنا عمري اللي ضاع
سعده
أنا الدنيا اللي ماتدى
بتاخد ضعف مابتدى
أنا الإنسان
ضعيف لكن في ضعفي
طوفان
وعمري زى بلطيه
ف طاسه زيت مرمية
بتتقلا على الجانبين
وصاحب القسمة بيجهز
بأيده ياخدنى ويقزز
وينهش حلم كان ناوي
يشوف النور
وهيا النية
هاتخلى
فراشه الغيط
تعدى بحور ؟؟
مانيش عارف
ولا ناوي فيوم اعرف
ولا عايز كمان اسمع
ولا افهم
لأني حقيقي مستسلم
لشوكه حديد وسكينه
تقطع قلبي وتقسم
3 أجزاء
ده مشوي
وده مقلي
وده مسلوق
مفيش عندي ثقة ف مخلوق
ولو قولتوا عليا ضعيف
مانيش رادد
بيسحب سيفه ويسنه
على شعري
ويفرد جسمي ويقطع
كما جزار
وأنا دبيحه
ف دنيا لقيتها
سلاخانه
وسلخانا
بتاخد جلدي وتلفه
على جيدها
كأني فرو متعلق
ف سيتي ستار*
وتتقصع كما الغانية
وتتباهى بكل قتيل
على ايديها
ويصرخ جلدي من
فوقها
سيبونى أقول كلام يوجع
مانيش عايز أعيش
مستور
ولا طمعان ف قصعة
فول
وعيش فينو وطعميه
أنا طمعان ف كلمه أقولها
مسموعة
وراح توجع
وكل حروفها موجوعة
على وجعي
مانيش رجعى
ولا حضاري
ولا يميني ولا يساري
ولا شيوعي بحلم الشعب متكتف
ولا شيعي سلاحي ف كتفي
ومكتف كمان عقلي
أنا ابسط ما في الإنسان
و دنيا لقيتها مش هيا
بتاخد عقلي وتدوب
ف جوه العقل مقسومها
وعصب عنه يتبسم
ويتحنجل ف دايرتها
وهيا بكل قوتها
بتتمايل وتستمتع
وعقلى يدور ف قسوتها
كسكر حلو متصبر
فحوض فنجان
تدوب حلمي وجوها
وترفع كاسها وبتشرب
وكلمه لأ مرفوضة
وكلمه ايوه محمودة
واهي دايره ندور جواها
بندور على مخرج
و لا نلاقى
وبرضوا ماعدش
شيء باقي
سوى سيجاره
ف أخر نفسي
هاشربها
يحشرج صوتي
م اللسعة
وأخر نفسي متغمس بدخنها
حقيقي لقيتنى بلعنها
وتسأل برضوا وتقولي :
خلاص ماشى؟
ياشمس الحب ما تطلى
على دنيا وكل ما فيها كان قاسى
أنا ماشى
معدش عندي شيء باقي
غير الكلمه
وبسمه طالعه مشنوقة
من العتمة
وتضحك هيا وتقولي :
أنا غلبتك
وارد عليها:
ومن خيبتك
تدارى الخيبة
وتقولي أنا غلبتك
أنا الفايز
أنا العايش
بكلمه بسيطة
ف عقل جديد
وراح اسيبك تعيشى اليوم
ولكن بكره جى أكيد
وأنا بكره كمان راجع
بأسم وشكل مختلفين
لا يمكن نبقى متفقين
على حاجه
طريقنا شريط عليه قطرين
واحد رايح
أكيد التانى كان راجع
وفاتح صدري قدامك
وسيفك صدى ياوليه
ترد بحركة مش هيا :
ومين قدي
وارد بحركة عصبيه
هانط الصعب وهاعدى
هاقولك كلمه يا دنيا
مسيرك يوم هاتتهدى
...........................
17/6/2009
*سيتي ستارز : مول تجارى في القاهرة[/center][/size]

موضوع: رد: فضفضه الأربعاء يونيو 17, 2009 6:22 pm

قصيدة جميلة و رائعة
شاعر متمكن

موضوع: رد: فضفضه الخميس يونيو 18, 2009 6:29 am

الله عليك يا واد يا عمرو
والله ياابنى شاعر كبير
رغم صغر سنك والذى يقرأ النص لابد وان يقول
صاحب هذا العمل يتعدى الخمسين من العمر .
{ لحقت الدنيا تعمل فيك كل ده يا عمرو }
جميل من يتعايش مع هموم يومه وناسه ووطنه .
طفت بنا فى مناطق كثيره من الواقع المرير فتاكدنا اننا بالفعل
امام شاعر كبير بكل ما تحمل هذه الكلمه من معنى .
الله ينور عليك يا عمرو يا ابو القلم دهبى .
كل الود يا عمرو وبالتوفيق دائماّ ...

موضوع: رد: فضفضه الخميس يونيو 18, 2009 7:09 am

هكذا يكون السيل
geek

موضوع: رد: فضفضه الخميس يونيو 18, 2009 12:36 pm

الاستاذ / محمد سالم
رد غالى ورقيق
ومرور كريم
تقبل فائق احترامى
دمت بكل خير

موضوع: رد: فضفضه الخميس يونيو 18, 2009 12:39 pm

الاستاذ
اتمنى ان يكون سيل بلا اضرار
بل وان يكون سيلا محمودا
مرور غالى وتعليق بالغ الرقه
تقبل فائق احترامى
دمت بكل خير

موضوع: رد: فضفضه الخميس يونيو 18, 2009 12:44 pm

الاستاذ / عادل عوض
لقد تعمدت تاخير الرد على تعليقكم الغالى جدا علنى اجد كلمات استطيع ان ارد بها على هذا التعليق الذى يعلو على الرقه مرتبه ويهزم العذوبه فى عقر دارها
مع الاسف فعلا لحقت الدنيا تعمل كده واكتر
تقبل فائق احترامى وتقديرى
دمت بكل خير استاذى

موضوع: رد: فضفضه الخميس يونيو 18, 2009 1:32 pm

الله عليك يا عمرو يا شاعر يا جميل قصيده أكثر من رائعه وأتمني منك دائماً أن تمتعنا بأعمال من هذه النوعيه الجميله والفريده

موضوع: رد: فضفضه الخميس يونيو 18, 2009 1:37 pm

الاستاذ محمود النحاس
الاول مرحبا بك فى هذا المنتدى الثرى
وشاكر على مرورك الغالى
وتعليقك الرقيق
واتمنى ان اكون عند حسن ظنك
تقبل فائق احترامى
دمت بكل خير

موضوع: رد: فضفضه الجمعة يونيو 19, 2009 7:19 am

عمرو
لالالالالالالالالالالالالالالالالالالالالالالالالالالالالالالالالالالالا
دا انت جبت م الاخر
متقوليش انك لس مبتدء
دا انت خبر وخبر جامد
قوى كمان..وملكش حل
وعلى فكره دى مش فضفضه
دا انت بهدلت مشاعرنا معاك
بس ...كلمة وعقلى يدور ف قسوتها
ولا تقصد يدوب ودى اوقع عشان
تحلية السكر وغلطة كيبورد ولا قا صد يدور
عموما المعنى فالحالتين جميل
ولاجمل منهم انت ياعمرو
انت استاذ بالفعل ولله
يرافووووووووووووووووووووووووووووووووووووووو[b] Sad

موضوع: رد: فضفضه الجمعة يونيو 19, 2009 8:05 am

الرائع عمرو
لا أخفى سعادتى بقصيدتك الجميلة
التى استمتعت بها هنا
قصيدة أعتبرها بدايه حقيقية لك
دمت رائعا أيها الغالى
afro

موضوع: رد: فضفضه الجمعة يونيو 19, 2009 8:49 am

عمرو ...فضفت مشاعرى

زى ما فضفت معدتى

وجعلتنى وانا الذى اتضور

جوعا اشتهى السمك بانواع طهية

واللحوم باشكالها وكمان الفول والطعمية

لزوم الفطور مع المهلبية

شعرك جميل واهاتك مسموعة

وبتعبر بصدق عن ابناء جيلك...تحياتى ممدوح عزت

موضوع: رد: فضفضه الجمعة يونيو 19, 2009 1:18 pm

الاستاذ / ممدوح عزت
تعليقك الرقيق الفاتح للشهيه
وفعلا لو لم يكن الشباب من يعبر عن الشباب فمن سيعبر عنهم
بس انا شايف ان لسه بدرى اوى علشان اعبر عن ابناء جيلى
تقبل فائق احترامى
دمت بكل خير

موضوع: رد: فضفضه الجمعة يونيو 19, 2009 1:40 pm

الاستاذه/ الشاعره / الرقيقه/ عزه الزرقانى
مش لاقى كلام ارد بيه على كلامك الغالى والرقيق ده
معلومه بسيطه
انا ابتديت اكتب شعر فى شهر 11 اللى فات بس بس قبلها كنت بكتب قصه ومسرح وسيناريو
وبعمل اعداد مسرحى وبمثل وبخرج
يعنى عملت حاجات كتير قبل الشعر بس بجد انا فعلا لسه مبتدىء
شاكر على تشجيعك ورقتك فى ردودك
وبالنسبه
لكلمه وعقلى يدور فى قسوتها هيا كلمه مقصوده وسامحينى مانا قلت لسه مبتدىء بقى ولسه فى زلات للقلم
والصراحه انا تلميذ فى مدرسه كبيره اسمها منتدى عاطف الجندى وانا عارف ان انتى من المدرسين الاوائل
اتمنى انى اكون تلميذ مجتهد مش بليد
تقبلى فائق احترامى واعزازى
دمتى بكل خير

موضوع: رد: فضفضه الجمعة يونيو 19, 2009 1:42 pm

استاذى الغالى / عاطف الجندى
متابعتك تسعدنى وتزيد المسئوليه على عاتقى
لانى لااقبل ان اخيب ظنك بى
شاكر تشجيعك واهتمامك الغالى
تقبل فائق تقديرى واحترامى واعزازى
دمت بكل خير استاذى

موضوع: رد: فضفضه الجمعة يونيو 19, 2009 6:03 pm

وحياتك بلاش التواضع
بتاع الناس الكبيره قوى
ولفلاسفه
برافووووووووووووووووووووووووووووووووووووووووو[b] Sad

موضوع: رد : فضفضة السبت يونيو 20, 2009 12:23 am

الشاعر / عمرو شاهين

لا أبالغ حين أقول وجدت هنا شعراً موجعاً

قلت ما يدور فى قلوبنا وليس فى قلوب الشباب فقط

صورك جميلة شجية وأحسست أنك حكاء فعلاً

فكانت قصيدتك عفوية بدون تصنع صغتها .

مع أحلى أمنياتى لك بالتوفيق

وداد الهـــــــوارى

موضوع: رد: فضفضه السبت يونيو 20, 2009 4:59 am

و أنا بقول الله عليك يا عمرو
احساس جميل
و سلاسة فى القراءة
تحسب لك

موضوع: رد: فضفضه السبت يونيو 20, 2009 5:01 am

الشاعر عمرو شاهين
كلمات ليست كالكلمات
خالص التمنيات بكتابة الروائع دائما

موضوع: رد: فضفضه السبت يونيو 20, 2009 3:10 pm

الاستاذه/ بنت النيل
رد ولا اجمل منه
خالص احترامى وتقدرى وشكرى على اهتمامك ومرورك
دمتى بكل خير

موضوع: رد: فضفضه السبت يونيو 20, 2009 3:11 pm

عمر باشا
اهتمامك يسعدنى
ومرورك يزيدنى حبور
تقبل تقديرى واحترامى
دمت بكل خير

موضوع: رد: فضفضه السبت يونيو 20, 2009 3:13 pm

الاستاذه / وداد الهوارى
لا ابالغ حينما اقول ان مرورك اسعدنى وتعليقك رقيا رقيقا قد اضاف الى قصيدتى البسيطه رونقا خاصا
تقبلى تقديرى واحترامى
دمتى بكل خير

موضوع: رد: فضفضه السبت يونيو 20, 2009 3:17 pm

الاستاذه/ الشاعره الرقيقه/ عزه الزرقانى
مش عارف ارد بأيه
بجد شاكر على الاطراء والتشجيع
تقبلى احترامى وتقديرى واعزازى
دمتى بكل خير

موضوع: رد: فضفضه الثلاثاء مايو 18, 2010 5:03 pm

هذه الفضفضة يا عمرو

بها من الصد ق والجمال

ما جعلنى أعود بها للصفحة الأولى ليستمتع المتلقى

معى بهذه الحوارية مع الآخر ( الدنيا ) والنفس . بكل بساطة الشاعر

المتمكن من أدواته الإبداعية .

وداد الهـــــــــــــــوارى

موضوع: رد: فضفضه الثلاثاء مايو 18, 2010 5:07 pm

والله نشكرك استاذه / وداد

على عودة تلك القصيده للصفحة الاولى

عمرو شاعر قدير واعماله جديره بالتقدير ..

» فضفضه
» فضفضه
» شوية فضفضه فى مربعات ورباعيات