شوية فضفضه فى مربعات ورباعيات

مش مهم تكوني ليا
المهم إني أعيش

وابقا اشوفك كل ثانيه
كلميني ما تسكتيش
...
م النهارده انا زي اخوكي
هابقا جمبك ماتخافيش

مش هضايقك لما اشوفك
اوعديني ما تبعديش
============
يعني إيه تسمعها مني
وانت مش داري بقيمتها

ما انت ياما سمعت قبلي
وانتهى الإحساس ساعتها
=============
البدايه نظره واحده
والخلاصه ف كلمتين

كل شئ مات النهارده
وقلبي من بعدك حزين
=============
فاجئتنى بحب مانيش قده
وقالت لي كلام زي السكر

ولا عمري ف مره استطعمته
ولا يمكن ابدا يتقدر
=================
سرحت ف لحنك الدافي ونسيت الجرح
وتوهت ف حلمك الوردي بجناحي أطير

ولما نزلت م العالي فهمتك صح
وشوفتك زي ما بتدي....أخدت كتير
===================
الطش ضميرك كام قلم
لاحسن خلاص قرب يموت

ماعدشي شئ من غير تمن
والناس بتدفع للسكوت
=================
إستخدم أدوات الحصر
وامسك مخك .. اعصره عصر

انسا اللى انت كتبته زمان
واكتب أجمل شعر لمصر
.
رضا عثمـــــــان

دمت مبدع

مودتى

تسلم الأيادي ..... دائما مبدع أخي الجميل رضا عثمان

الطش ضميرك كام قلم
لاحسن خلاص قرب يموت

ماعدشي شئ من غير تمن
والناس بتدفع للسكوت

** كلمات حقيقي معبرة من شاعر رائع رومانسي وطني

إستخدم أدوات الحصر
وامسك مخك .. اعصره عصر

انسا اللى انت كتبته زمان
واكتب أجمل شعر لمص

** شاعر جميل مثلك متمكن قادر على صياغة

مشاعره واحاسيسه لا نفاجئ بكلماته الرائعة

دام الابداع

اصدقائي الشعراء الكبار والمحترمين جميعكم
أسعدنى جدا مرورك الراقي والطيب والمشرف
واعزرونى على تقصيري معكم سواء اكان فى متابعة اعمالكم
او ردى عليكم كل واحدا باسمه فانا بالفعل مقصر واتأسف جدا لكم
سامحونى أرجوكم فانا احبكم فى الله
تحياتى لكم جميعا