الدقه الاخيره لسندريلا

الدقه الاخيره لسندريلا
دقه خلاص ساعه الرحيل
ونسيتى ليه تزكار قزاز
سندريلا
وش قمحى وعود نحيل
متشعلقه بعرقوب خلاص
سندريلا
بعد ميت مليون سنه
جايلك حبيب
وفى ايدى حبه لؤلؤه
والشبكه قله ومشربيه
وسلطنيه و عيش وفاس
لسه فاكره ؟؟
ايوه عارف
انك انتى
لسه فاكره
حلمى ليكى
كان يادوب
حلمى لبكره
كنت بحلم بالامان
كنتى رايدانى بغشم
لا
كنتى عشقانى بجنان
بس ليه ؟؟
كان هناك
جوه برواز العيون
مليون سؤال؟؟
شط بحرك كان دليل
شاهد على صدق الهوى
وعجينه م العشق الجميل
طب وليه
من بعد غيبه
جايه بتلومى بعتاب
ليه تقولى
انك نسيتنى
وسبتنى رمز ف كتاب
ليه ساعتها
انتى نسيتى
فرشه الحب اللذيذه
تحت شجره ف الجنينه
لما جبنا اتنين
قزوزه
وجنبهم رطلين كباب
ونغمس الحزن بطحينه
وتلفى المى
بلقمه بايته
وتقطميه
وتضحكى على نكته بايخه
حتى حلمى غصب عنى
تهشكيه
وتسكرى طعم المرار
وقبل ما اشرب
تدلقيه
سندريلا
ليه نسيتى؟
ليه ف اوجاعى احتميتى؟
كنتى فاكره اكمنى
فارس
ها اقدر اوصل
مش حقيقى
غمضى عيونك يا نونو
خربشى ف وش المحال
قدرتى صفر فشمال
قدره الحلم الكسيح
يعنى انا سيفى الجريده
اما صدر الكون صفيح
واما لحظه نور تهزك
وجهى قلبك تجاه
قبله الوضع الصحيح
يعنى صلى.....
واوعى مره تشقى
توبى لما اصيح
وان كاكيتى
ابقى اهدى حبه
اصل انا الديك الفصيح
سندريلا
ليه تعاندى شهرذاد
ليه تقولى مش راح انطق
مش راح ارجع للى فات
ليه تناكفى ف حلمى ليله
ليه تموت الزكريات
شهرذاد كانت اميره
مكنتش خدامه فقيره
مش بتمسح ارض سيدها
او
بتعلف ف الذوات
سندريلا
دقت الدقه الاخيره
جوه ساعه الامسيات
انتى حلم يا دوب ف ليليه
لو يشوف الصبح مات
شهرذادبنت الاكابر
امرت السياف وقادر
ينفخك حبه رماد
سندريلا
اوعى مره ترمى توبك
الا فى ساعه الممات
الزمى حددوك يا خايبه
مش هاينفعسحر اوزوا
ويا حبه معجزات
صدقينى
وصدقى نبضى اللى طالع
وسط ترنيمه اهات
قلبى حبك سندريلا
ليه قلبتى شهرذاد