بريء وراء القضبان

الاستاذالشاعر
جمال عبد العظيم
اشكرك على مرورك وإعجابك وكلماتك الرقيقه
وهذا التعليق الجميل .
وتقبل كل الود ...

الاستاذ الشاعر الجميل
خلف احمد
والله يا حبيبى وجودك على صفحتى شرف كبير وشهاده
اعتز بها ما حييت ..
اشكرك واشكر وجودك الرائع وتعليقك الهايل
وربنا ما يحرمناش من الحبايب امثالك
وتقبل منى كل الود والتقدير ...

عادل عوض سند كتب:: وبحلفلك على القرآن
انا التايه
انا فيكى بدون عنوان
وانا المسجون بدون تهمه
وميت سجّان
وبنعانى عشان عاشقك
وعشقك مش مطمّنى
مع إنى .. انا ناسك
وانا ف العتمه ونّاسك
وانا الناسك فى محرابك
بقيت مفتون
وانا العاقل ومش مخبول
وان اللى ف عرفك العايش
لكن .. مقتول
وانا اللى ف برجك العالى
كما الرايه
لكن تحت التراب مدفون
مع إنى
فى عشقك انتى يا ليلى
انا المجنون
وانا المركون على رفّك
وانا المدعو اكون صفّك
فى عز الشدّه تلقينى
برنجى ف وقت اتراحك
يا هاملانى فى افراحك
وناسيه إن من دمى
نصبت العُرس عالضفه
وانا المعازيم وانا الزفه
وانا المركب وانا الدفه
وانا المزمار وانا الكوشه
وانا السكه اللى مفروشه
بعزة ذلّنا ليكى
وندعى ربنا يصونك .. يخلّيكى
وليلة فرحتى بيكى .. تبكينى
وليه رافضه ؟
تعدّينى على فرحك . وناسيانى
ياقاسيه ياللى مدّانى
مابين شطّين
عشان غيرى يعدّيلك
وخيرك اللى ما جالى . وما ادّانى
يا مدّانى بكرباجك
وضهرك ليّه لما اطلب واحتاجك
وبرضه انسى والقانى
اقوم آخدك فى احضانى
يا صالبـــــــانى
مابين قاعك وبين صرحك
وبنصارحك
تقومى جايه جالدانى
وعاصرانى .. ونازفانى .. وحابسانى
مابين جدرانك السوده
عشان صوتى علا ف مره
وقلت اطلب فى يوم حقى
وانا ف شقّى
باشوف مكتوب على الجدران
بلون احمر .. تعيش .. تحيا
ولون أبيض .. فداها الروح
ولون تانى مانيش عارفه
تاريخ الموت
ومش لاقى مكان اكتب عليه إسمى
ولا حتّه على الجدران
عشان اكتب .. بحبك موت
ولاسنتى عشان غيرى
يسجل لى تاريخ موتى
فضلت اصرخ
لحد ما انقطع صوتى
واقاوم رعشتى وخوفى
واغطى راسى بكفوفى
وادور بعنيه ف اركانى
واشوف فى ركن زنزانتى
آثار الموت
وصوت بيقوللى ده معاده
وزير ينزف فى دمعاته
كدق الثانيه فى ودانى
على أرضية الاوضه
وماشيه دموعه فى مجرى لحد الباب
على حروفها طابور من نملك العايش
أكيد النمل ده زيّى
عشق إسمك وحابسينه
وتتعلّق خيوط شوفى
بخيط م الضى يتسرسب بعقب الباب
واحبى لحد ما اوصلّه
والزق خدى بترابك
وشوفى يعدى من بابك
والمح جذع عنبايه بيشرب ميّة المجرى
وساقط طرحها الحصرم
أمد ايديّه واستطعم
حلاوة طرحك العلقم .. واقول الله
والفين آه
عشان حسّيت بصوت أقدام
بتتقرّب على بابى .. اخاف واحبى
واوصل ركن زنزانتى
وادفن دقنى ف ركابى
ماهو اليوم ده .. حنسمع حكمهم فيّه
ونعرف ذنب ناسبينه اكيد ليّه
وكان الذنب كالآتى :
عشان إسمك هنا { عادل }
فده ذنبك رقم واحد . واسمك شاذ
ولا نعرفشى شيء عنه
واما ذنبك التانى
فصيلتك ياابنى { ميم .. صاد .. راء }
ودى كارثه ودمك انت عاملها
وحللناه ف معاملها
وحبسك طال عشان انت
رفضت تميل مع ميلها
وانا اللى كنت بحروفى بجمّلها
ولا عمريش بهمى كنت احمّلها
ورغم انها قاسيه
شــــــــــرف ليّه
اموت منها .. اموت ليها
فى يوم اسمى حيتخلّد
ما دام جسمى اندفن فيها ...

لم أجد رداً سوى أن أقتبس النص بالكامل
لعل من يمر هنا يستزيد فيرقى فينتبه
فيُصَدِّق فيَصْدُق
تعيش

العزيز الأخ والأستاذ عادل سند , ربما أكون مقصرا في الدخول إلي المنتدي , وإن كنت أعتز بكل رواده ,وربما تلتمس لي العذر في ذلك , فصيدة تتشاعر مع الوجع نحبها ونكره قسوتها , لكنها في الدماء تمكنت واستقرت , ولا يضاهيها في القلب مكان, خالص تحياتي

الاخ الحبليب
وحيد وصفى
مرور ازادنى فرح وسرور
وشرف لايعلوه شرف
دمت اخاّ وصديقاّ ...

الحبيب الغالى
اشرف دسوقى
عود حميد . الحمد لله على سلامتك
رغم انى كنت لسه من ساعات معاك لكن وحشتنى .
والمنتدى يفتقدك ونفسنا نتداول اعمالك ونقراها .
سعيد جداّ بعودتك المضيئه وهلتك البهيه
وتقبل منى خالص ودى وتقديرى ...

[b][i]لا يكفي أي كلام في الدنيا
تعليق على جمال هذه القصيده الرائعه
أبدعت عمي عادل

أخوك الصغير
جمال الدليل
...........................................................................

[

color=red]أ يها الاعزاء

ان كانت الكلمات معبرة

فا لاحسا س أصدق

لكم منى جزير

الشكر والاحترم

واشكركم على مرور كم

على ما أكتب ولكم خالص تحياتى

وشكر خاص للشاعر الرئع

( عادل عوض )[/color] afro

أستاذى الفاضل عادل سند أولا عذرا فى التأخير للردثانيا أنا محتارة لأن القصيدة حلوة جداد صعبة جدا دسمة جدا والكلام فيها ميخلص من ناحية تحليلها
بداية أقول أن معنى برىء وراء القضبان عنوان موفق تماما لما له من دلالات عديدة فى القصيدة كما هو واضح أنا المسجون بدون تهمه وميت سجان وتعبيرات أخرى ولكن دعنا نأخذ القصيدة من بدايتها ما شدنى فيها وبنعانى عشان عشقك وعشقك مشمطمنىهنا بدءت فى رأيى القصيدة فى العمق وكيفية المفارقة بين هذا الحب وبين عدم الأطمئان من الطرف الأخر وتبدأ تقول برغم وبرغم وبرغم تضاد هذة المشاعر من أحد أساسيات القصيدة التى أعطاتها الجمال عالضفه
وانا المعازيم وانا الزفه
وانا المركب وانا الدفه
وانا المزمار وانا الكوشه
وانا السكه اللى مفروشه
بعزة ذلّنا ليكى
حلو جدا هذا التعبير مفروش بعزة ذلنا بيكى تعبير يحتاج لوقفة وتمعن أن هذا الحب الذى يحبة لها رغم من يفسرة بذل ألا أنة يرى فية الأعزاز وهذا دليل على شموح المحبوب وعلو شأنة ويجعلنا نفكر أن هذا المحبوب أبعد ما يكون بشرا وأن كان سيكون بشرا يتميز بالكمال فى خيال الشاعر أبعد ما يكون عن أرض الواقع من البشر

وحابسانى
مابين جدرانك السوده
عشان صوتى علا ف مره
وقلت اطلب فى يوم حقى
وانا ف شقّى
باشوف مكتوب على الجدران
بلون احمر .. تعيش .. تحيا
ولون أبيض .. فداها الروح
ولون تانى مانيش عارفه
تاريخ الموت
ومش لاقى مكان اكتب عليه إسمى
ولا حتّه على الجدران
عشان اكتب .. بحبك موت
حلوة جدا أستخدام تعبير الشق واللون الأحمر الذى هو يحتمل عدة معانى وهى الألم وشدة الحب ونار الحب أيضا وكل معانى تطى تماسك للصورة

معاده
وزير ينزف فى دمعاته
كدق الثانيه فى ودانى
على أرضية الاوضه
حلو أوى التعبير هنا يزيد عمق غى المعنى والمضمون

اوصلّه
والزق خدى بترابك
وشوفى يعدى من بابك
والمح جذع عنبايه بيشرب ميّة المجرى
وساقط طرحها الحصرم
أمد ايديّه واستطعم
حلاوة طرحك العلقم .. واقول الله
والفين آه
تعيبر رائعأنك تجعل شوغك يعدى من بابها وتنقلنا ألى العنانية بثلاثة ونحن نسرح معك بجمال الصورة الله فعلا وحلو أوى ألغين أه

أقدام
بتتقرّب على بابى .. اخاف واحبى
واوصل ركن زنزانتى
وادفن دقنى ف ركابى
ماهو اليوم ده .. حنسمع حكمهم فيّه
ونعرف ذنب ناسبينه اكيد ليّه
وكان الذنب كالآتى :
عشان إسمك هنا { عادل }
فده ذنبك رقم واحد . واسمك شاذ
ولا نعرفشى شيء عنه
واما ذنبك التانى
فصيلتك ياابنى { ميم .. صاد .. راء }
ودى كارثه ودمك انت عاملها
وحللناه ف معاملها
وحبسك طال عشان انت
رفضت تميل مع ميلها
وانا اللى كنت بحروفى بجمّلها
ولا عمريش بهمى كنت احمّلها
ورغم انها قاسيه
شــــــــــرف ليّه
اموت منها .. اموت ليها
فى يوم اسمى حيتخلّد
ما دام جسمى اندفن فيها ...
وحلو أوى النقلة اللى نقلتها هناأنت موفق جدا فى هذة القصيدة وفى نهايتها مادام جسمى أندفن فيها أنت شديد الوطنية أحيى فيك مصريتكلكى كل التتقدير يامن تشعبت زاتك بمصريتك

الابن الغالى والشاعر الجميل
جمـــــــــــال الدلـــــــــيل
اشكرك يا حبيب قلبى على هذا الشعور النبيل
ودعواتى لك بالنجاح والتفوق إن شاء الله
مرورك اسعدنى وشرفنى فشكرا لك
وتقبل ودى وتحياتى ...
ّ

الاستاذ الشاعر
امين عثمان
والله يا اخى بتوحشنى وبحب اشوفك واقرأ كلماتك الجميله
{ وكل ما اسأل يقولوا مسافر }
وعلى فكره تليفونك مقفول على طول .
شفت ازاى انا بسأل عنك ؟
واحشنى ووحشنى مرورك الذى شرفنى بالفعل .
فأنت اخ اعتز بمعرفته وصداقته .
اشكرك يا حبيب قلبى وتقبل كل الود والتقدير ...

الاستاذه والابنه الغاليه
الشاعره
رشا فؤاد
جمال ما بعده جمال فى تحليلك لهذا العمل الذى لاشك انه اخذ منك وقت طويل اثمن من القصيده ذاتها . تحليل موفق وشرح تفصيلى رائع لمناطق الجماليات فى القصيده اشعرنى اننى امام ناقده ذات موهبه خاصه فى تناول وتحليل ووضع القصيده تحت مجهر لإخراج مواطن الضعف والقوه
فى العمل الموضوع بين يديها .
ايتها الرائعه الشاعره والناقده لا اعرف فى هذه مثل الحالات والتى يعجز فيها القلم عن وصف ما اشعر به إلا ان اقول اشكرك ايتها الانسانه بكل ما تحمل هذه الكلمه من معنى واشكر هذا المجهود والذى اظن انه اكثر من حقى وربنا ما يحرمناش منك ولا من تواجدك المنير والمشرّف .
وتقبلى منى خالص تقديرى وامتنانى على هذا التحليل ...

جميل زي عادتك ياعادل
جميل بمصريتك وإنسانيتك وسكندريتك
قصيدة .. أعتصرت فيها مشاعرك ومشاعرنا
حتي أراك قد ملأت القلم .. من دمك المخلوط بدماء 80 مليون مصري
يعيشون تحت خط الفقر والقهر والحزن والتهميش !!!
...
أخي عادل
كان قدرك أن تكون شاعرا شعبيا .. يبكي ويحزن وينزف
بالآصالة عن نفسه .. وبالنيابة عن شعبه !!!
لذا دعني أقولها لك بملأ فمي ودمي
أصرخ بكل مافيك وفينا من حب لها وغضب عليهم ..
من عشق لعينيها .. وكراهية لكل من يحجبها عنك وعنّا ..
فحالتك هذه .. هي حالة
( شعـــــــــــــــــب )
وليست حالة
( شاعر ) !!!
لست محتاجاً لتوكيل من أحد .. فقد وكلك الله .. حين أطلق لسانك بالحق
لتكون أنت .. وأنت وحدك .. لسان حال شعب بأكمله !!!
لا يملك إنسان من كان .. أن يزايد هنا .. أو هناااااااااااااااااااااااااااك
علي حبك وعشقك وإنصهار مشاعرك .. في تراب هذه الأرض
هذا التراب .. الذي أن بدلوه بالذهب .. مابدلته ..........
وأن قايضوه .. بروحك وروح أبنائك
لدفعتها ثمناً ( بخساً ) فداؤه ..
دمت علماً مصرياً .. يرفرف بالحق .. في سماء أرواحنا
ودمت كعادتك
جميلاً حتي وإن كنت
( وراء القضبان )
!!!
***
( ملحوظة هامة )
عادل .. يكفيك .. أنك المؤيد من الله .. بالموهبة
والمؤيد من الناس .. بالحب
والمؤيد من الشعراء ( الحقيقيون ) وخاصة
( جيل الشباب ) .. بالإعجاب والتقدير والإحترام
وأنظر لكل هذا الجمال ( الصادق ) الذي دونته هنا
مشاعر المبدعة الرائعة
( رشا فؤاد )
لتعرف كم أنت رائع وصــــــــــــادق
دمت كما أنت
مصري
ولو كره الكافرون والحاقدون والمتشدقون والمدعون !!!
أختك

زينات القليوبي

الاخت الشاعره الكبيره
زينات القليـــــــــــوبى
اجريتى دموعى وانا اقرأ تعليقك وهذا الكم من التقدير الذى جعلنى اخاف كثيراّ على ماسوف
يهبنى الله من اعمال قادمه فقد حملنى تعليقك هذا مسئوليه اكبر من حجمى كشاعر ولا تقوى
كتفاى على حملها . وانا اعى جيداّ ان كل تعليق يزيد المسئوليه ويزيدنى خوفاّ .
ولكن قدرى ان اعيش بهذا الحب وبدونه تأتينى المنيه . وكل دعائى ان اكون عند حسن ظن
جميع الاخوه ويديم علينا حب الناس .
اشكرك ايتها الاخت الحبيبه واشكر كلماتك المحفزه . واشكر هذا المرور الصادق من قلم صادق
وقلب صادق وشعور صادق وصدق من قال { الكلمه الصادقه احد من السيف }
شكراّ لك ولمرورك العطر وتقبلى منى كل الود والشكر والامتنان ...

أستاذ عادل: أشكرك على كل هذا التقدير لتعليقى وأعذرنى فى التأخير لانى بحب أكتب وأنا مركزة تمامافأحيانا بكون مرهقة مبقدرش ومبحبش أقول أى كلام وخلاص لأنكم غاليين عندى جدالك منى كل التقدير

الاستاذه الشاعره
رشــــــــــــــا
ما كتبته اقل بكثير مما تستحقيه
على هذا المجهود المشكور لكتابة هذا التحليل الجميل
اشكرك يا رشا واتمنى لكى كل التوفيق والنجاح الدائم
وتقبلى خالص تقديرى وودى ...

أستاذ عادل دائما راقى فى شكرك وأحترامك للأخرين أشكر الظروف التى أتيحت لى أن أكون بين عظماء مثلكم

الاستاذه الشاعره
رشـــــــــــــــــا
انتى انسانه رائعه راقية الاسلوب والتعليق
ونحن الذين نشكر ظروفنا التى اتيحت لنا
ان نتعرّف على شاعره فى اخلاقك ودماسة
خلقك . نشكرك على هذا الاطراء .
وتقبلى خالص شكرى وتقديرى ...

الاخ الحبيب / عادل عوض
احيك على هذه القصيد الجميله و الى مزيد من التالق و الابداع
الرجاء عمل صفحه او ملف خاص بى
و ادراج اسمى ضمن شعراء النتدى
لان كده عيب قووووى
اخوك /عبد الحميد الفراش

أستاذى القدير:
أحترات فى الكلام

بصراحة مفيش كلام

يتقال بعداللى قلتله

وكل اللى كتبتة

ومهما كتبت غيرة

ميوفيش التحية

أصلك مزى غيرو وغيرو ماللى كانوا

أنت اللى معاك بيطلع كل الحلوين يبانوا

عشان يرمو التحية على الوجة الخجول من وسط دول ودول

الاستاذ الشاعر الجميل
عبد الحميد الفراش
اهلاّ وسهلاّ بك فى هذا المنتدى وعلى صفحاته الرائعه
وانت كشاعر عاميه له ثقله فى محافظة البحيره سوف تكون
نجم ساطع على صفحة العاميه .
اشكرك على كلماتك الجميله وتعليقك الهاديء { كما انت }
وللعلم انت دخلت المنتدى كعضو ولك صفحتك ولا احد غيرك
يمكنه الدخول اليها .
عليك ان تضغط على كلمة موضوع جديد فتظهر لك صفحتك
اكتب فيها ماشئت .
نورت المنتدى واهلاّ وسهلاّ بك وتقبل خالص تقديرى ...

الاستاذه الرقيقه
الشاعره
رشا
خالص شكرى وامتنانى لكلماتك العذبه الشفافه
والتى تنم عن رهافة حسك العالى وقلبك النابض
بالاخوه والزماله الخالصه .
واسمحى لى اهديكى هذه الكلمات من وحى كلماتك :
مش لاقى كلام يوفيكى
او يوفى لسحر عنيكى
فى بحورهم يغطس قلبى
وبيغرق .. وينجيكى
الف شكر على هديتك الرقيقه
وتقبلى كل التقدير لشخصك العطاء ...

يشرفنى جدا أن يتصل بيننا ميثاق الود و الصداقة

و أود أن أشكر قلمك النبيل الجرئ اللذى كتب هذه الأشعار المنمقة الأصيلة
afro

أحمد

أستاذى الفاضل أستاذ عادل لاأملك ألا الشكر والتقدير لكلماتك الرقيقة التى تنم عن السماحة وصفاء النقس وعذوبة اللسان فى قولة وقدرتة الفائقة فى التعبير عما يريد بأقتدار فأنت مبدع ودمت لنا بأبداعاتك
لك منى كل التقدير والوفاء

الاستاذ والاخ الكريم
احمد مصطفى معوض
انا الذى شرفت بتواجدك الجميل على صفحتى المتواضعه
وسعيد جداّ بتعليقك وكلماتك الصادقه .
واعرفك ان الود والصداقه والحمد لله متواجده بين جميع الاعضاء
دون استثناء . ويشرفنى ويسعدنى ان اضيف الى قائمة اصدقائى
اسم / احمد مصطفى معوض
اهلاّ وسهلاّ بك فى هذا المنتدى وبين اخوتك الذى يشرفهم إنضمامك
وتقبل ودى وتحياتى ...

» { ومفروده .. على القضبان }
» يانايم ورا القضبان
» وراء الضحكة
» بين القضبان نايم ابني
» وراء الستار