واقع مؤلم

القسوة فاقت حدها
مش لاقية حد يلمها

طب أعمل إيه وحدي أنا
وأنا اللي شارب مُرها

العصر ده عصر الألم
والقرش فيه هو العلم

إن كان معاك ح تعيش ملك
والكل من حَولك خدم

دورت بين كل البشر
على قلب ما لقيت غير حجر

القسوة صارت طبعهم
والشر هو اللي انتصر

وقفت والقلب ارتمي
على أرض قطعاً مسلمة

كل الحواس اتوجهت
والعين بتنظر للسما

الدنيا غابة من الوحوش
والفُجر فاق سمك القروش

واعمل إيه ف الغابة وحدي
والضعيف غيرك مالوش

يا رب يا رب الجميع
الكهل والطفل الرضيع

لجئت ليك طالب النجاة
مترُدنيش لحسن أضيع

أمين عثمان