العندليب

نقش الصوت لك صورة
جوه الناس محفورة

مهما أقول وأعيد
أكبر م الأسطورة

(أهواك) وأحب هواك
(يا خلي القلب) هناك

وإن كان في العمر باقية
أتمنى أغني غناك

وأعيش بخلود إحساسك
النابض سحره ف ناسك

وتاريخ محفورة جواهم
ممزوج ألمهم كأسك

شوف كام عام مر وعام
ولا عام أثر ف العام

بالصوت عايش والصورة
فارس كل الأحلام

يا شريك كل العشاق
بالحب (وبالأشواق)

مقدرش أقول لك ( توبة )
وأنا دايماً ليك مشتاق

يا معلم كل الناس
الحب مع الإخلاص

مجاني الحب ف قلبك
وملاني بميت إحساس

الفرح باعيشه بلونك
وبادندن كل فنونك

اللي بتهديها لروحي
وبتنسى بسعدي همومك

على ( قد الشوق ) يا جميل
كم ألف حبيب بيميل

ويسلم ليك ويقول
خليني معاك على طول

الفرح معاك بيدوم
والحزن معاك بيصوم

والدنيا جميلة جمال
له طعم ومعنى ولون

أنغام وطرب وحنان
بيروح فيها الإنسان

وبتجري في روحه ودمه
وتفوق حد الإدمان

( جبار ) يا ضمير الأمة
يا ما مد الشعب بهمة

أعظم من دانه ومدفع
ترفع وتزيل الغمة

الموت ما فصلش وجودك
وجروحك قوت عودك

ونزيف ما قدرش يقاوم
نجمك ويهد صمودك

علشان كدة عايش فينا
وبتسكن جوه عنينا

مهما الأيام هاتطول
فنك بينور لينا

وبرغم مرور أعوام
للشعر ولا الأنغام

تقدر تنسى إن حليم
فارس كل الأحلام

( الناجح يرفع إيده )
العين والقلب يقيدو

أنوار وشموع علشانه
وبتدعي المولى يزيده

وقريت ( فنجان ) الكل
بدلت الشوك بالفل

عراف بتحب الخير
وبتنسى معاه الذُل

( سواح ) ف بلاد الله
أتألم وما قال أه

وزرعها ورود وزهور
علشان كل اللي هواه

( يا تراب ) الأرض نداك
ف غناه ودعاه حياك

وفضلت ف قلبه وروحه
مشتاق واشتاق لهواك

وف يوم وف لحظة وثانية
ودعت يا قلبي الدنيا

لساك ( الحلو الغالي )
أكتر م الزاد والمية

سلمن لنا أخى أمين
و رحم الله الرائع
هذا العندليب الذى غرد لنا فأطربنا
بشدوه الرائعة