مجرد تصور .. شعر / محمود عبد الحليم

اهداء الى الرائعة والبهية دائما/ عزة الزرقانى

مجرد تصور ..
بإنى ف حياتك .. حأثر كتير ..
وأكون ليكى فارس ..
وراكب حصانى ..
وفى ليله وردى .. معاكى أطير ..!!
وانا وانتى نبقى .. فى عالم مثير ..!!
يخلينى أمارس هوايتى الغريبة ..
واعاملك معاملة غنى للفقير ..
غنى بالتزامى ..
بشعرى وكلامى ..
بحبك .. بعطفك ..
ونظرة عينيكى .. وقلبى الكبير ..
فقيره لإنك .. حقيقى معايا ..
فى حاجه لعطفى ..
للمسة حنان ..!!
ونفسك تكونى .. أميره زمانى ..
ونفسك تعيشى .. فى معبد هوايا ..
كما الراهبه ..
مشاعرها صادقه .. قوى وطيبه ..
واذا قلت كلمه .. تلبينى فورا ..
وحبى يزيدك .. سعاده وصبا ..!!
مجرد تصور .. لكن فى الحقيقه ..!!
دا كله سراب ..
ومن حقى أحلم .. لكنى معاكى ..
باعيش فى عذاب ..
واتمنى حلمى .. دا يبقى حقيقه ..
ومين بس يقدر .. يطول السراب .!!!
كبير دائما وعظيم يااستاذ محمود دائما متألق في قمه الهرم
وانت هرم بذاته ياغالي نعم انت شاعر عظيم وكل مايكتب لك
قليل وكل انت لك قدر اكبر من ذالك
اتقبل مروري اسعدتني عذوبه شعرك وخيالك الفذ الرائع دائما
زكي الصمادي