غدر .. شعر / محمود عبد الحليم

غدر

فى المبتدا ..
قالت حياتى ملك ليك ..
وبكل عمرى .. افتديك ..
واستعطفك ..
انى اعيش .. مابين ايديك ..
واتمنى يوم ..
القى الامان .. والحب فيك ..
صدقتها ..
وبكل حب وانسانيه ..
خدتها ..
كبرتها ..
علمتها ..
لبستها .. هندمتها ..
خليتها ف عيون الجميع ..
أجمل قمر ..
ووصفتها بأحلى الصور ..
قدمت ليها .. كل شىء ..
أغلى شىء ..
صنعتها ..
وبكل خبرة واهتمام ..
حققت ليها حلمها ..
بعد مانالت غرضها .. من جنابى ..
قالت لى وقتك انتهى ..!!
كدبتها ..!!
فكرتها ..
بتقولها من باب الهزار .. !!
سألتها ..
إيه اللى غير موقفك ؟..
قالت لى سيبك م اللى فات ..
دلوقتى انا ليا كيان ..
واللى انت فيه ..
دا كان زمان ..
وافهم بقى ..!!
رفضك مالوش عندى مكان ..
والغدر بان .. من قلبها ..
دا لإنه أصلا طبعها ..
الغدر أصله طبعها ..!!

الله الله الله

قمه ف الروعه والصياغه

طب كانت فين القصيدة دى مخبيها

بجد جميله جدا

تسلم ايدك وقلمك الرائع

ملحوظه..تثبت القصيدة بواسطتى [b] afro

[

i][[color=brown]b]الشاعر الكبير محمود عبد الحليم
قصتك رائعة فى قصيدة أروع
وإن كانت منتزعة من موقف مؤلم[/[/co

lor]b][/i]

قصيده جميله
يا استاذ محمود
لأ ونازله ايه ؟
قبل رمضان بأيام
مش دى برضه مكتوبه فى اسرائيل ؟

رائعه يا استاذ محمود
بس ممكن تقولى هى مين الغداره دى
عشان بس اعرفها غلطتها ولا سماح
ماهو قلب المحب دايما مسامح ونور الحُب وضاح geek

عادل عوض سند كتب:: قصيده جميله
يا استاذ محمود
لأ ونازله ايه ؟
قبل رمضان بأيام
مش دى برضه مكتوبه فى اسرائيل ؟

********************
عزيزى الشاعر الجميل عادل عوض
ابدا انا اصلا فى بيتنا فى المعادى وكتبتها فيه .. وذكائك انا نمش قده
مش حقولك مكتوبه فى مين .. بس يصح تثبت قصيدة سباعية الحروف
وتنزل تانى فى نفس اليوم ..
محمود

الشاعرة عزة الزرقانى كتب:: الله الله الله

قمه ف الروعه والصياغه

طب كانت فين القصيدة دى مخبيها

بجد جميله جدا

تسلم ايدك وقلمك الرائع

ملحوظه..تثبت القصيدة بواسطتى

******************
[b]
الاستاذة / عزة
مش غريبه انك اول حد يعلق على القصيده وينزل قصيده تم تثبيتها اليوم فقط
عموما اشكرك لانى ضيعتى حقى فى تثبيت السباعيه وثبتى قصيده عشان تثبتى انك
معجبه بيها ..
اشكرك جدا على اطرائك وكلماتك الرقيقه ..
محمود

استاذ محمود
انا آسف وعلى فكره هيه غلطه
وتم التثبيت مرة اخرى .
حتى تأخذ حقها وهو عشرة ايام

هناء سعيد كتب:: رائعه يا استاذ محمود
بس ممكن تقولى هى مين الغداره دى
عشان بس اعرفها غلطتها ولا سماح
ماهو قلب المحب دايما مسامح ونور الحُب وضاح

*************************
الله حليم ستار .. بس لم تكون نيتك خير .. وتبقى عايزه اللى بتحبيه احسن
الناس وتلاقيه مع اول نظرات الاعجاب من الاخرين .. أو سماعة كلمات
الاستحسان او الاطراء يتغر ولما تنصحيه يقولك انا معروف وانا وانا اعتقد
تبقى اتخدعتى من انسان كنتى بتقدريه .. تبقى كارثه .. واكيد رد فعلك حيكون
مغاير تماما وحاتسيبيه يغرق ومع الايام حايكتشف ان خسر حد بيحبه

محمود

ايوه استاذى الغالى
معاك كل الحق
واصعب شىء فى الكون
الغرور
والاصعب منه الغدر
لكن لما يكتشف
انه خسر حد بيحبه
ايه ها يفيد
ماهو خلاص خسره
وخسارة حد بتحبه
خساره فادحه
ويا حبذا لو يكون
هو كمان بيحبك
وده مجرد
راى شخصى afro

هناء سعيد كتب:: ايوه استاذى الغالى
معاك كل الحق
واصعب شىء فى الكون
الغرور
والاصعب منه الغدر
لكن لما يكتشف
انه خسر حد بيحبه
ايه ها يفيد
ماهو خلاص خسره
وخسارة حد بتحبه
خساره فادحه
ويا حبذا لو يكون
هو كمان بيحبك
وده مجرد
راى شخصى

**************************
آفة النجاح الغرور .. وعلى الانسان أن يعرف جيدا أنه يولد ولادة جديده مع
كل بداية جديده لاى عمل .. اما اذا فرح بنظرات الاعجاب وكلمات الاستحسان
والاطراء فبشريه بالفشل العظيم ..
الانسان منا فى حاجه للتعلم حتى الموت .. وتلك هى آفة الاجبال الجديده
واسأل الله ان يحفظهم من الغرور ونكران سابقيهم
محمود

صدقت استاذى الفاضل ادام الله كرمك ومعاونتك لكل جيل جديد وأدعو الله الكريم ان يحفظنا جميعا من شرور أنفسنا والغرور اللهم آمين
afro

محمد القبيصي كتب:: [
i][b]الشاعر الكبير محمود عبد الحليم
قصتك رائعة فى قصيدة أروع
وإن كانت منتزعة من موقف مؤلم[/[/co
lor]b][/i]

**********************
[color=red]
الاخ محمد القبيصى
صدقت هو موقف مؤلم للغايه .. والجرح ينزف نزفا قاتلا ..
وسامح الله من تسبب فى هذ1 الموقف
محمود

كلماتك موجعه يا استاذ محمود
و الغدر طبعا صفه وحشه جدا
ربنا يهدينا جميعا
و الست دى هى الخسرانه

confused

بنت النيل كتب:: كلماتك موجعه يا استاذ محمود
و الغدر طبعا صفه وحشه جدا
ربنا يهدينا جميعا
و الست دى هى الخسرانه

عزيزتى بنت النيل
انتى فينك من زمان .. واحشانا ... ونفسى اقرا اعمالكم الجميله
اللى بيغدر بيفدر بنفسه .. واللى بيقتكر لمجرد ان حد ضحكله
أو جامله بكلمتين انه بقى شىء يبقى فى خسران مبين .. لان
وسطنا الفنى والادبى ملىء بالرياء والنفاق والمجاملات الزائقه
التى لاتشبع من جوع ولا تروى من ظمأ .. ولذا فالخسران على
من اعتقد انه شيئا وهو مازال فى حاجه ليد تعبر به الطريق
اشكرك على تلقيك وتحياتى لشاعرة اعتز بها ..
محمود

تصدق وانا بكلمك على التليفون
وبدريه السيد بتغنى :
موعوده بحبك موعوده
برموشك وعنيك السوده
والله انا خايفه تشمت فيّه
كل بنات الحته يا حوده
يا حــــــــــــــــــوده

الغدر هى صفة إنسانية موجودة أخى محمود
و الشاعر الحساس و المحب للجمال
دائما ما يتعرض لهذا الموقف
و الجميل أن تكسب قصيدة
و هنا قصيدة تدل على عاشق أخلص
فكان جزاؤه نكران الجميل
************
آخر الكلام

الحب بهدله يا عم محمود

عادل عوض سند كتب:: تصدق وانا بكلمك على التليفون
وبدريه السيد بتغنى :
موعوده بحبك موعوده
برموشك وعنيك السوده
والله انا خايفه تشمت فيّه
كل بنات الحته يا حوده
يا حــــــــــــــــــوده

***********************
أخى الشاعر المشكلة عادل سند
هل تعلم انى من عشاق قيثارة الثغر ( بدارة )
تلك السيدة يتمايل لها الوجدان طربا عندما تغنى ..
وكرامة لها قبلت اسقاطك الجميل بأغنية موعوده
على الرغم بأنه ليست هناك أدنى علاقة بين دلالة
غنوة بداره .. وقصيدة ( غدر ) ..
وربنا يخليك ولا يحرمناش من مداعباتك وهزارك
التقيل ..
محمود

عاطف الجندى كتب:: الغدر هى صفة إنسانية موجودة أخى محمود
و الشاعر الحساس و المحب للجمال
دائما ما يتعرض لهذا الموقف
و الجميل أن تكسب قصيدة
و هنا قصيدة تدل على عاشق أخلص
فكان جزاؤه نكران الجميل
************
آخر الكلام

الحب بهدله يا عم محمود

************************
اخى عاطف
نحن نتعامل بحب ومصداقيه وثقه تفوق كل تصور .. وعاده ما ينتفى
النوع فى العلاقات بين الزملاء وبعضهم البعض ..
وانا اتعامل مع الزملاء رجلا كان او سيدة بكل الحب والتقدير والاحترام ..
واننا بدون الحب الذى يجمع بينا كإخوه وكزملاء لانستطيع التواصل على
اى حال من الاحوال .. حتى اننا نصل فى اسلوبنا الحوارى الى اسلوب أسرى
جميل الكبير يوجه الاصغر ويشجعه ويقف بجانبه ويدفعه للآمام .. وفى النهايه
لاته لم يكن من ضمن المصفقين والمهللين والممجدين لاية اعمال حتى وان كانت بلاقيمة يحدث الشرخ لانى احببتك فى الله واقف اللى جانبك فى الله واكتشف انك
تهدف من معرفتى بك أ، اكون مهللا او ممجدا لك وفيما عدا ذلك انا بتاع مشاكل ومعترض ومش عاجبتى شىء .. هذ1 كلام مرفوض تماما وهنا الجرح بعينه ..
شكرا لتعليقك وعمر الحب ماكان بهدله لو كان حب حقيقى يبنى مايهدش اما
الحب المبنى على المصلحه لايدوم .. ونشاطر من غدر الاحزان لانه خسر خسارة
كبيرة ....
محمود
..

على فكره
بالنسبه لموضوع الاغانى المسماه بأسماء اشخاص
فى اوائل التسعينيات كتبت شاعره اغنيه تقول :
معقوله دا يحصل معقوله
رغم انها تجربتى الاولى
قلبى اللى ما حبش دلوقتى
حب وداب فى الواد عدوله
وراحت قدمتها للاذاعه .
وعينك ما تشوف إلا الشتيمه وحدف الطوب والشباشب
ومن يوميها والشاعره دى اختفت من على الساحه ...

مش علشان الكلام ؟
لأ علشان كتبتها فيّه

عادل عوض سند كتب:: على فكره
بالنسبه لموضوع الاغانى المسماه بأسماء اشخاص
فى اوائل التسعينيات كتبت شاعره اغنيه تقول :
معقوله دا يحصل معقوله
رغم انها تجربتى الاولى
قلبى اللى ما حبش دلوقتى
حب وداب فى الواد عدوله
وراحت قدمتها للاذاعه .
وعينك ما تشوف إلا الشتيمه وحدف الطوب والشباشب
ومن يوميها والشاعره دى اختفت من على الساحه ...

مش علشان الكلام ؟
لأ علشان كتبتها فيّه

****************
انا عملت زمان اغنيه اطفال مشهورة اسمها :
عدوله دخل سنه اولى
يالا نغنى لعدوله
وهناك الكثير من الاغانى المنظومه لاسماء حسونه
ياست ام زكى زكى بيعيط
طبعا تسمى تلك النوعيه من الاغانى الاغانى الاستهلاكيه
وهى ليست لها صفة الاستمرار وليس لها قيمة ..
وبمناسبة الاغنيه اللى حكيت عنها هى نمش عشان مكتوبه فيك
اكيد المطربة كانت متواضعه واترفض النص ..
شكرا حبيبى الغالى ويخرب بيت رجب وهيفاء والحمار والعنب
والاغانى اللى خلت الناس اللى ملهوقه انها تشتهر تقلدها ..
المهم ياصاحبى ابعد عن بسيونى ونفض له ..
محمود

صديقى عادل عوض
بالمناسبه تعرف انى اول شاعر اغنيه مصرى تتعمل له اغنيه باسمه وبتتذاع فى برامج
الاطفال بالاذاع وغناها المطرب على الحجار وتقول كلماتها :
محمود عبد الحليم
تلميذ فى الاعدادية
شاطر هايل عظيم
وشايل مسئولية
***
محمود ترتيبه الاول
فى الفصل وفى الطابور
شغال عمال يحول
وقته لعلم وزهور
بيفكر يبقى عالم
يبقى عالم قضاء
يزور كل المعالم
ويجيب نجم السماء
***
يقرا الآدب ويسرح
ويكتب ع الورق
أشعار حب واغانى
فيها الامل برق

تلك الكمات من تأليف شاعرنا الراحل العظيم / فؤاد بدوى ولحنها الدكتور / يوسف شوقى
رحمه وعناها الفنان العزيز / على الحجار عام 1977
وهذه الاغنيه مسجله للآذاعه المصريه وتذاع على شبكة البرنامج العام منذ عام 1978
محمود عبد الحليم

معلومات جميلة يا أستاذ محمود
و جميل ان يتغنى باسمك قصيدة
ده شىء رائع بجد

تامر محمود كتب:: معلومات جميلة يا أستاذ محمود
و جميل ان يتغنى باسمك قصيدة
ده شىء رائع بجد

*************
الصديق العزيز تامر محمود
سعادتى لاتقدر بمتابعة اعمالى واشكرك على كلماتك
الطيبه التى اسعدتنى
محمود

» ما أنا ..!! .. شعر / محمود عبد الحليم
» أنا مش نبى .. شعر / محمود عبد الحليم
» أنا ربك شعر / محمود عبد الحليم
» أى غزة ....؟؟ شعر/ محمود عبد الحليم
» الأنبياء .. شعر / محمود عبد الحليم