سبارتاكوس .. حلم العبيد

الاستاذ الشاعر الرائع
محمد حسنى
كم انا سعيد بهذا الحب المتبادل والتقدير الجيد
بين شخصينا وارجو من الله ان يديمه على كل رواد
هذا المنتدى . اشكر مرورك العطر والذى يزيدنى
فخر وإعزاز . مع خالص تقديرى وإحترامى ...

الشاعر القدير عادل عوض سند
تحية لك و للأسكندرية الجميلة التى تقدم لنا شعراء كبار دائما
قصيدة جميلة
و تفاعل مع التراث جميل

الاستاذ / وضاح
سعدت بمرورك الكريم على قصيدتى
وسعدت اكثر بمعرفتك .
اشكرك على كلماتك ووجودك بصفحتى
وتقبل خالص تحياتى ...

والمر نازل حلقنا
شفره بتقطع حبلنا
والحنجره تحبل سكات
تولد خرس
يطمع حرس كل الشجر
يطلب يزغزغ بطننا
برد البلاط
يبدأ يداعب ضهرنا
نقش السياط
نرقص على عزف الوجع
نجرى على جذع الشجر
نرويه عياط
نقطف وناكل يتسع
الجرح اللى بيتلسع
م الهدمه لما بتلمسه
ينزف ما نقدر نحبسه!

[color=green]شاعر الأسكندريه الأول
الأستاذ عادل عوض سند\\
وللحديث شجون على حالنا المضروب على بطنه واللي ملهش ضهر!!
تسلم لهذه الصور الر ائعه التي تعبر عن تمكن ووعي وقوه في التعبير
شكراً لأنك تمتعنا رغم الأسى والمرار والليل الغميق !
موده وإحترام[/color]

Smile

الاستاذه الشاعره
وفاء امين
اشكر مرورك الواعى والتعليق على قصيدتى
واشكر الحفاوه التى قوبلت بها فى القاهره
ويارب يقدرنى ارد هذه المجاملات فانتم اهل
الكرم . وانا فى انتظار تشريفكم للاسكندريه
وتقبلى خالص تقديرى ...

يا أخى لا اعرف حقيقه ً بماذا أعلق على هذه القصائد
التى أقرأها لك ايها الشاعر المقتول فى حب هذا الوطن
وقد احترمت كثيرا ً قولك فى احد الرود (ادعى عليها وأكره اللى يقول امين ) هكذا
انت ايها الشاعر المخلص للوطن والشعر

الاستاذ الشاعر العزيز
احمد زغلول
اشكر مرورك المميز على قصيدتى
وسعيد جداّ بتواجدك المشرف على
صفحات المنتدى فانت من الشعراء
المميزون والذى افخر بصحبته .
شكراّ اخى احمد على مرورك الكريم ...

للعامية المصرية منك أستاذ عادل
لغة و مهارة فائقة و قدرة على خلق عوالم جديدة
محبتى

الاستاذ / عدنان القاسمى
تشرفت كثيراّبمرورك الكريم على قصيدتى واشكرك
على كلماتك الرقيقه الراقيه .
شكراّجزيلاّ وتحياتى الى كل اهل { دبى الإمارات }
وتقبل تقديرى ...

مالكش حل يا استاذ عادل بجد

وطنى حتى النخاع

بس بتقول لمين ومين يسمع

دمت ودامت روعتك ايها القدير

دمت بكل حب وخير

ملحوظه

تثبت القصيده بواسطتى

لروعة الحرف والمضمون

حبيبي وأخي الأكبر أستاذنا الكبير عادل عوض كم أنت رائع دائماً . لك الشكر على قصيدتك الجميلة .

دخلت نسقت الحروف وزودت سمكها أحسن تتخضّ وتقول مين اللي بيلعب في شغلي لأن الدرَّة دي لازم تظهر في أبهى صورة
راجع لك تاني للتعليق
يا جراح الحرف

جميله اوى وانا فعلا بتعلم منكم وبستفيد من كتير

الله عليك يا شاعرنا يا كبير عايزين حاجه بمناسبة منتخب مصر ويارب نكسب afro

الحلم جُوَّه المُعْتَقَل
بقى مستحيل
والحياه ضد الشريعه المحدثه
والموت بقى صعب المنال
والروح بقت مابين وبين
وملكش حق الإختيار
مكتوب لنا نقبل حياه
ضد الطبيعه المُطْلَقه
الليل بيطغى عالنهار
الزرع ضد الإخضرار
والجبن طاب فوق الشجر
والطَرْح ضاق بيه البَرَاح
والرعب أصبح فينا داء
وكل واحد مننا
قشّر وداق
والمر نازل حلقنا
شفره بتقطع حبلنا
والحنجره تحبل سكات
تولد خرس
يطمع حرس كل الشجر
يطلب يِزَغْزَغ بطننا
برد البلاط
يبدأ يداعب ضهرنا
نقش السياط
نرقص على عزف الوجع
نجرى على جذع الشجر
نرويه عياط
نقطف وناكل يتَّسع
الجرح اللى بيتلسع
م الهدمه لما بتلمسه
ينزف ما نقدر نحبسه
ينزل يبقع فرشنا
يفضح خرسنا وضعفنا
ويذلنا قهر الرجال
القهر اللى بيتولد
من بعد مامات واندفن
من عصر آخر إحتلال
راجع يبات
جوه الزنازن والديار
وبظلمهم
يطفوا الشموس
ندخل ندوس
ونزق ابواب الضلام
متسلسلين
رجلين .. كفوف
نقفوا صفوف
علشان نصلى ركعتين
من قبل ما ندخل ننام
يقرا الامام :
بعد التشهد والسلام
حسيت بإن اللى إتقرا
شيئ مش تمام
سألت راجل كُبّره
شفت الكلام اللى اتقرا
من شيخنا بعد البسمله
{ إن الذين مثلكم
لابد ان يطّهّروا
أن يجلدوا . أن يُقهروا
لجل الكبار تعرف تنام
والرب يغضب لو غزا
عقل البشر حلو المنام }
مع إن قرآننا الكريم
مانزلش فيه هذا الكلام !!
قام قاللى أسكت والنبى
وادخل ونام
من ربع قرن بنسمعه
وبيدّعوا إن الولى
مبعوث من الرب العلى
علشان يطهّر قلبنا
م الحلم اللى بنحلمه
وبيقلقه .
مع إن لما بنختلى
مع نفسنا
بنلاقى إيدنا بتترفع
ومافيش إجابه للدعا
وازاى ح يقبل ربنا
منا الدعا وحيستجيب
واحنا العصاه
واحنا اللى نستاهل كده
علشان سمحنا للولى
يرفع عصاه
يا حبّذا .
لو دعوه تفلت م الحرس
توصل بحالها لربنا
يوهب لنا
قوه على سن الكلام
يبقى بمثابة مقصله
تفصل رقاب اللى ضغط
واللى اختصر
الظلم كله ف جلدنا
نلحم حبال الحنجره
نشنق بها
كل اللى رخّص سعرنا
فى سوق العبيد
كل اللى صابب دمنا
زى النبيد
بس الاكيد
جى النهار
راجعه الشموس
رغمننا أضعف نفوس
لكن لابد حيتولد
من بينا تانى
{ سبارتاكوس } ...

الشاعر المبدع القدير / عادل عوض سند
الله عليك بجد روعه وفوق الروعه
موضوع جميل جدا
كتب ببراعه وأتقان ورسم بأيد احلى فنان
قصيده تتدعو للبحث عن الحريه بأسلوب غايه فى الجمال
بجد كلنا بنتعلم منك أصول الشعر
دمت لنا بكل خير
تقبل مودتى وتقديرى

الاستاذه الشاعره
عزه الزرقانى
مرورك اسعدنى وكلماتك اضفت على متصفحى
البهاء ونثرت شذاها فتعطرت حروفى .
كل الشكر والتقدير ...

الاخ الحبيب
منير منيب
الرائع هو مرورك المشرف لى ولكلماتى
وهو مبلغ سعادتى وسرورى .
شكراّ جزيلاّ على مرورك البهى ...

أبو القوافي كتب:: دخلت نسقت الحروف وزودت سمكها أحسن تتخضّ وتقول مين اللي بيلعب في شغلي لأن الدرَّة دي لازم تظهر في أبهى صورة
راجع لك تاني للتعليق
يا جراح الحرف

انا قلت دخلت منتدى غلط
عموماّ اشكرك على هذا التنسيق
ومنتظر عودتك .
كل الشكر اخى عبد الله ...

منير منيب كتب:: حبيبي وأخي الأكبر أستاذنا الكبير عادل عوض كم أنت رائع دائماً . لك الشكر على قصيدتك الجميلة .

الاخ الحبيب
منير منيب
الرائع هو مرورك الذى اسعدنى وانار قصيدتى
شكراّ على كلماتك وتقبل كل التقدير ...

منه الله كتب:: جميله اوى وانا فعلا بتعلم منكم وبستفيد من كتير

الاستاذه منه الله
الجميل هو مرورك الذى يبهجنى ويسعدنى
وكلنا نتعلم من بعض
وكل الشكر على تعليقك ووجودك الزاهى ...

*غزل العيون. كتب:: الله عليك يا شاعرنا يا كبير عايزين حاجه بمناسبة منتخب مصر ويارب نكسب

الابنه الغاليه
غاده
وحشتينا بجد ونفسنا نشوفك انت وعلا فعلاّ وحشتونا
وبالنسبه للمنتخب ربنا معاه .
اشكر وجودك على صفحتى الذى شرفنى وزادنى سروراّ ...

الاستاذه الشاعره
اميره البدرى
شكرى وامتنانى وتقديرى لحضورك الراقى الواعى
وكلماتك الدافعه والتى طاولت بها السحاب .
فشرف لقصيدتى ان تمرى عليها ولو مر الكرام
اشكرك استاذه اميره وتقبلى خالص ودى ...

يا اللـــــــــــــــــــــه

حبيب الشعب / عادل سند

كلمات لها وقع السهام في قلوب المتخاذلين

أين المفر ونحن تحت سنابك القادة ؟؟

أين الملاذ وتغوص في أجسادنا براسن الأعداء ؟؟

غابة موحشة

وسوف ننتظر نصير الضعفاء

ونطلب العفو من الله

اللهم لا تؤاخذنا بما فعل السفهاء منا

قد تكون غيمة تنبه كل قاص ودان

حتى تستقيم امور البشر

ونحن سوف نسطر بسلاح الكلمة

حتى ينجلي النور من بين اهداب الظلام

اصدقك قولا ..

لقد سردت الان قصيدة من وحي قراءتي لقصيدتك

وكانت ردا على قصيدتك لكني سوف افردها في موضوع مستقل

وسوف انشرها الان

لك حب بحجم حبك للوطن

:

هو انا عارف انى داخل المدرسه من تانى
وان شرخ الصداع الى بيلخبط كيانى
اسمه من تلات كلم
عادل عوض وكمان سند
انا اصلى ناقص لخبطه
مش طالبه يا ابا فرمته للهرد اللى مساحته بتتملى
بالامنيات
راجع كمان تبكينى على جلد طهرى اللى انهرى تحت السياط
ارؤف بابنك البرىء
ابويا عادل عوض سند
اوجعتنى
اسعدتنى
امتعتنى
صدعتنى
ارحمنى الله يكرمك
بحبك زى ابويا يمكن اكتر حبتين
تقبل فائق احترامى وتقديرى واعزازى وودى
دمت بكل خير

أستاذي و معلمي عادل أنا لن أسجل تعليقي علي هذه القصيدة إنما أسجل عجز لساني عن التعبير عن جمال وروعة قصيدتك فلا يعطيها قدرها دام قلمك سيدي , يسعدني و يشرفني أن أري رأيك في قصصي لاسيما المشاركه في المسابقة " ربع كيلو لحمة " تقبل مروري و تحياتي سيدي
http//www.Kotab.Y-writers.Com