حتي .. الجنــــي !!! ديوان قلبي جدارية وطن 2003

(( حتي .. الجنـــــــــــــي ))
؟!!!
***
شعـــــــر / زينات القليوبي
***

وقعت سنيني كلهــــــــــا ... وأحلامي وقعت تحتهـــــــــا

وأتكسرت كل الرمـــــــوز!!

وماعادش فاضل غير كابوس
ومرايه ف الإيد اليميــــــن ... تصرخ ف وشي إنتي مين ؟!
بشمالي أمســـــــــــح دمعتين

(( وأرجع لحلمي بالفانــــوس )) ؟!!

يطلع لي ..
(( جنـي أبن جــــن ))
؟!!!
ويقوللي :
(( يــــــورو ولاّ ين ))
؟؟؟
أقول له :
أوعي ف يوم
(( تظـــــــــن ))
؟؟؟
إن إحتياجي ..
( للفلووووووووس )
!!!
أنا إحتياجـــــــــي للقلوب !! .... والفقر مش فقر الجيوب؟!!
(( الفقر كامن ف النفووووس ))
؟؟؟

(( نفذ يا جني أوام وطيـــــع ))

رجعني لسنين ..
((الربيـــــــــــــــــــــع ))
يصرخ يقول :ـ

(( عبدك وبين إيدك مطيــــع ))

وألقاه بسرعه بصلــــــــي ... وقال لعيني إتفنجلــــــي

وللرموش اتسّبلـــــــــــي ... وللخدود إتشعللــــــــــي

وقالي : يالله إتفضلـــــي ... إنتي النهارده بتحصلـــي

(( علي رحله من غير تذكره ... كل السنين رجعت ورا ))
؟!!!
(( ورجعتي بنـــــت صغيـــــــــره ))
!!!
ترضيها همســــه .. وتدوب بلمســه

(( والدنيا حلوه كلها ف عينيها لسّه ))

من غير فلوس ولا حتي
( بُك ) ... ولارجل تعرج أو.. تـزُك

من غير تجاعيـــــد السنيــــن ... من غير علاج للأنسوليـــــن

من غير ألم وصـــــداع وهـم ... وعلاج لقلـــب وضغــــط دم

من غير عيون محتاجه شـوف

من غير تعاســــه وأي خـوف
!!!
(( أصرخ وأقول :ـ تعــرف ياجني ))

أنا خايفه ( أحبــــك ) غصــب عني!!!

ماانا أصلي كنت زمان ..( بااحب ) ؟؟!

(( بس الزمان خيب لي ظنى ..كل الحبايب خدها مني ))
!!!
وعشان كده ..
(( حلمي أتسجن جوّه التمني ))
؟!!!
....
تعرف ياجني ..
أنا ليّ كام مليـــــــــون سنة .. بااتمني موووووووووت
(( أرجع / أنـــــا ))
!!!
...
تعرف ياجني ..
أنا ليّ كام مليون سنــه .. بااتمني أمووووووووووت ..
وأرجع .. أنا

لحاجات كتيره بااحبهــــا

وحاجات كتير بتحبـّنــــي

وحاجات كتير ضيعتهـــا

بااتمني تاني تضمنـــــــي

وف حضن أمي تلمنــــــي وف قلب أبويـــــــا تحسني

وبإيد خواتـــــي تشدّنــــــــــــــــــــــــــــي يمّ الأمــان

لسرير نحاس .. ولحاف ستان وللبوريه والشمعــــدان

والمكحلــه .. والكستبـان والمدرسه وابن الجيـــــران

لفرحـــــــــــــــة أمي .. يوم نجاحــــــي ف الإمتحان

لكوز نحاس مليان خشـــاف نجري عليـه ساعة الآدان
....

للمنــــدره وأوضة الضـيـوف وعيون بتعرف الكسوف

للمشربيه ..( وقُلتيــن) والمحلبه ..، ف أوضة الخزين

لطباق (عاشورا) مرصصــه والبـُن جوّه المحمصـــه
...

وجيران بنسأل عنهم وإن غبنا ييجوا لحدنا

لبرج كان مليان حمام علي سطحنـــــــــــا

أخر النهار نشاورله يرجع عشنــــــــــــــا
...

وعشه فيها فراخ كتيـــر .. كان عليهم ديـــــك غفيــــر

ينقرني منقاره الخطيــــــــر

لحظة ماألم البيض وأطيــــر
....

وقطه كانت مشمشــــــــي لا بتتكسف ولا تختشــــــــــي

وعامله روحها صاحبتـــي

بتنام ليلاتي ف فرشتـــــــي

وتدفي رجلي ف الشتــــــا ولو تيجي لها العفرتـــــــه

بتشد من فوقي الغطــــــا ؟!!
...

و(أبوالعطا ) مسحراتي بطبلته أول مانسمع نقرتـــــــــــه

نجروووووووا نصحووووا
(( أمـُنـــــــــــا ))

نلقاه بينــــــــــــــــــــده ..
( إسمنــــــــــــــــــــا)
!!!
أجري ( يازينــه ) أتسحــــري و( يافاطمه ) قومـي وحضري

و( ياعبده ) ياالله كفايه نــــوم .. أنوي السحور علشان تصــوم
...

( وياجني قوم وحيــاة عينيك)

رجعني ليهم أبوس إيديــــــــك !!!
مشتاقه موت أرجع هنـــــــاك .. مشتاقه أموت وأرجع مـــلاك

قــــــــــــــرب ياجني وخد إيديّ

علي عيد.. ومرجيحه.. وعيديـه

دخلني صندوق اللـعـــــــــب أركب علي حصاني الخشـــــب

وأمسح تاريخي اللي أتكتب؟!!

وأنقش بداياتي العجــــب !!....

فينك ياجني يامستحيـــــــل تفتح كتاب الألـــف ليــــل

وتشدني ع المعجــــــــــزات ؟!!

أصحي وأبات من غير آهات ؟!!

ويجيني فارس ع الحصــــــان يخطفني من حضن الهـــــوان

يرفعني فوق جنب النجــــــوم .. وأنسي بهواه كل الهمـــــوم

من ألف عام مستنيــــــــــــــاه ولاجاش ياجنـــي ؟!!

مش قلتلك :

( إن الزمان خيــــب لي ظنــــي ) ؟؟؟

عشت ف حياه مابحبهـــــــاش وعاشرت ناس ماعرفتهــاش؟!!

وقابلت ياما وشــــوش كتير لكن حقيقـي ماشفتهــــــــــاش !!!

وصحيت لقيت كل السنين راحـــــــــــــــــــت بـــــــلاش !!!

إستهلكتنـــــــــــي وحطمتنـــــــي

وكتير قوي جدا خانتنـــــــــــــــي

(( جايز سنيني تكون عاشتنـــــــــــــــــي !!! ))

( وأنا غصب عني ماعشتهاش )
؟!!!
:silent:
...
أرجع ياجني كتير ورا

رجعني بنت صغيــره

حاضنه الدفاتــــــــــر والكـُتــــــــــــب
بااقرا ( الميثاق ) وأسمع ( خـُطب )

وف حضـــــــــــــــــن تكعيبـــة العنب

أقعد هناك طول النهــــــار .. ولا اقولش يوم ( عدي النهار )

أسمع (نجــــــــــاة) وأقرا ( لنــــــــــــــــــزار)

( أيظن ؟!! أو لاتكذبي ؟!! حتي فساتيني التــــــي ؟!!)

(يحمر وشي م الخجل... وأصرخ وأقول يالهوتي !!! )

وتجيني ( فايزه ) بالعجـــــــل

وتقوللي لا... ( لاتدخلي )؟!!

( قاعد معـــــــــاي ) ؟!

( فيــــــــروز) تقولي أتفضلي

( وإعطيني نــــاي ) !!

أجري وأقابل ( الربيــــــع ) مع صوت ( فريد )

وبسرعه أطير (ذي الهوي )علي صوت ( حليم )

وأحتار أنا وف كل عام حيرتي تزيــــــــــــــــــــد

أذاي راح أحضر ( حفلتين ) شم النسيـــــــم ؟!!!

وكل شهر تيجيني ( ثومـــه ) ف الميعــاد

لكن خلاص .. ( فات الميعـــــاد ) ؟!!!

(( ألحق ياجني أوام وطيـــر ))

رجعني أدوب وأعشــــــق وأغير

وأسهر وأعد نجــــــــــــــوم كتير

وأطلع لفـوق من غير مااطير؟!!

(( وأكتب قصايـــــــد ف الغـــــــــــــرام ))
!!!
(( وأنسي (عذابات الوطـن ) يمكن أنام ))
!!!
...........
أنسي ..
( المعاهــــده والســــلام )؟؟!!

وأنسي ..
(إجتيـــــــــاح االعم ســام ) ؟؟؟

ماأسمعش ..
غير نبض القلــــــــوب !!!

أنسي ..
إسرائيل .. وانسي الحــرووووب
وأنسي أن ..
(( طفل .. سلاحـــــه طووووووب ))

نسينـــي ..
(( قانـــــــــــــــا .. والجنـــــــوب ))

صبرا وشاتيلا ودير ياسيــن .. وجنود ف سينا مهزومين

وأنسي ..
حدادك يافــــــــــؤاد ..
وأنسي ..
إكتئابـك يا جـاهيـــــــــن
!!!
...

( أرجع ياجني كتيــــــر ورررررررررا )

قبل ..
(( العراق والمجــــزره .. والآســـــري جوّه المقبره ))

نسيني ..
نصر اللـــه .. ونجــــــاد
مش قادرة ..
أعيش وأنا ع .. الحيـــــاد
ولا قادرة ..
أعيش متحيـــــــّــره !!!

رجع لي ..
(( إحساسي البـــــرئ ))

(( مش عايزه أفهم أي شئ .. ولانفسي أعرف أي شئ ))

ولاحلمي يوم .. أصبح
( أميـــره )

أنا حلمي .. ترمينـــــي
ف جزيـره
مايكونش فيها ..
(( قنـــاة / جزيره ))
!!!
...

( وعندي أمنيه أخيره )

قبل رحلتنا الطويلــــــه ..
اللي ليها ..
(( رجوعي صعب ))
!!!

كنت حاانسي إني أقولك :
إن صدري ..
(( مافهش / قلــب ))
!!!

( قبل مايرتـد طرفي )
قوم بسرعه وهاتلي ..
(( قلـــــــــــــــب ))
؟؟؟
....
أنت ليه عمّــــال ..
( تصـّرررررخ )
؟!!!
أنت ليه نــــازل ..
(صوووووويـت )
؟!!!
هو لاجـــــــل..
( البخـت الاغبــر )
جاني جنى كمان
(عبيــــــــــــــــط )
!!!
قوم يا جني ..
قوم يا جنى ..
أوعى أنت كماااااااااااان
(( تخووووووووني ))
!!!

قوم ياجنـــــــــي من ..
سُكـــــات ..
دا انت جنــــــــــــي ..
(( المعجزااااااات ))
!!!
راح أوام الجني...
(( شااااااااااااهق ))
...
وألتقيته ..
ف حلمـــــــــــي ..
(( مات ))
!!!
:silent:
زينـات القليوبـــي
***
( ملحوظة هامة )
ليس معني صدور ( ولادة ) الديوان في 2010
أن نسقط من حساباتنا ..
هذه الفترة الرائعة التي قضاها في / رحـم أمه
(( هيئـــــــــــــة الكتــــــــــاب ))
منذ عام / 2003 !!!