سنان النملة - طارق منيب

سنان النملة – كتبها : طارق منيب
مهداه إلى الحشرة/ #أبي_أحمدعلي - رئيس وزراء أثيوبيا
اكتوبر 2019م

شفتوا النملة خلاص بتسنن حاجة تجنن
قال بتهدد فيل وتحذر
بس يافيل أعذر من انذر
قام الفيل رد بزلومته بكل تواضع
بطل هاتش ونتش يانمل وروح اتراجع
ردت تاني النملة وقالت ده أنا بلسان
من كام جمعة كمان طلعولي ضروس وسنان
بس يا فيل أسكت وكفاية
كبر النمل وجاية حكاية
راح تكتبها خلاص النملة
بيها حتحط لغيرها نهاية
...................................
بص الفيل حواليه واتعجب قال مستغرب
أيه اللي معلي صوت النملة
بص وراها لقى فيه حفلة
حاضر فيها أشكال وألوان عالم حيوان
فيها الأسد النمر الفهد حتى الإنسان
عرف الفيل أنه مش قد النملة خلاص
عالم الغابة خلاص بيقوله مالكش مناص
بس اتنيل يابن الفيلة
صباحك كرب وليلتك نيلة
إحنا النمل بنعرف نقرص
وانت خلاص ما فقدت الحيلة
........................................
وحياة شرف اللي قواكي يا أصغر نملة
لاعرف أحطك تحت الجزمة
نملة حقيرة مالهاش لازمة
أما الغابة اللي حمياكي مسيرها تسيبك
تلقي ساعتها الجوع والفقر هما نصيبك
معطشناش ولا جعناش على أيد أسيادك
يبقى الكلب لما يهوهو صوته فـ بلادك
بكرة حنكتم صوته من تاني
وحترجعي شقك في ثواني
أنا باعلنها بصوتي وأقولها
نيلي حيفضل جوه مكاني
...........................................

» بيرم منيب يعارض بيرم سند "مهداه للرئيس مرسي - طارق منيب
» صعب....تشوفنى
» هي كده.. لأ مش كده- طارق منيب
» حرب!!!!- طارق منيب
» خطر ..قطر- طارق منيب