رسالة إلى إرهابى

رسالة إلى إرهابى

من ايديك الجهل

بان

غدرك ياجبان

ولاعمر فكرك

يكون...

غير وحى م الشيطان

لو إنك صاحب فكر بصحيح

وإنك لو حقيقى

صاحب حق من زمان

خلى شراعك

خط المستقيم

وبلاش خداعك

ذى الشيطان الرجيم

وليه بتخبى وشك

ولأنك معروف بغشك

وبتخالف كل دين

الغدر اصلك وفصلك

ولا عمرك ف يوم كسبان

وليه بتقتل اللى فينا

أمل أخضر ومزهر

ورد طالع ف المكان

ليه رصاصك يقتل ف الجنود

اللى هـــمه يحمى الحدود

صحيح بيبقى شهيد

وف الجنه عمره مديد

وليه تقتل إللى راكع

واللى  عابد لربه

وخاشع ف السجود

لو تعرف ف يوم حقيقى

أد إيه كلمة وطن

وإنه حضن وسكن

كان قلبك يبقى سليم

وإن عقلك مش بِهيم

ولاتسكن ف الصحارى

ذي مجرم شريد

أو هايم ف البرارى

هربان ذى العبيد

لو تقتل يوم ف جارك

 أو اللى العايش ف الأمان

مين يضمن يوم لأهلك

أو معارفك

إن يعيشو ف الأمان

أنت زرعه شيطانى

جِدرها مش أصيل

أو جرثومه غريبه

جوه البدن
لــ قتلها
مليون بديل