النهر الشارد - طارق منيب

النهر الشارد
مع الاعتذار لرائعة محمد عبد الوهاب الخالدة النهر الخالد

من زمان وانا جوا بينكم
تزرعوا على حسي غيطكم
تشربوا وتملوا زير
تشربوا في ملهى ليلي
تغسلوا بيا الحمير
تنكروا خيري وعملي
كنت لما أفيض وأزعل
تغرقوا في شبر ميا
وتقولولي ليه ماتعقل
فارجع أهدا وأروق شوية
عمركم ماسمعتوا صوتي
أو حسبتوا ليه سكوتي
رحت أحرض في المنابع
قلت لازم في المصب
تمنعوني ماعدش نافع
كل من هب ودب
يقوى بيا أو عليا
والنهاية تكون أذية
فوتكوا ولا عمري راجع
...........................

» بيرم منيب يعارض بيرم سند "مهداه للرئيس مرسي - طارق منيب
» صعب....تشوفنى
» هي كده.. لأ مش كده- طارق منيب
» خطر ..قطر- طارق منيب
» حرب!!!!- طارق منيب