أمتى تتحقق المعجزه

أمتى تتحقق المعجزة
مرت سنين ويام
وحنا ف انتظار المعجزة
تطرح فرح...
تمحى الظنون
تجنى على الدرب الحزين
عناقيد الأمل
وتطمن القلب
من بكره اللي جاي ومحتمـل
وتغزل الأحلام
من ضوء الشمس
ورغم الضجيج والهمس
والضحكة بتغطى النحيب
على درب الوطن
ورغم السنين وظلها الكئيب
فوق كل سكه ومُفترق
بيضمنا ذات الوجع
عن عمر من إدينا
اتسرق
وآه يا أحضان القلق
ياوخدانا بشوق
وكل الأمانى لفوق
وترجع دموع
تتوهنا ف غربه وندم
والفكر فينا إنعدم
ورغم اللــ حصل
بنتحايل على الأحزان
تغيب
من غير رجوع
لكن عناقيد الآلم
غير السراب
غير الدموع
طرحه ف العيون
خيبة أمل
والحسره عذاب
محوطانا من كل إتجاه
واليأس ومعاه الضباب
ييغزل خيوط العنكبوت
بيغزل الفرحه موت
جوه الضلوع
دوب فينا الآه ويا الأنين
بدل بنض قلبنا المسكين
ألف مليون طريق
والضلمه فيه من غير صديق
الضلمه فيه ذيها ذى الأخطبوط
ومافيش رجوع
راسم على حلمنا
مليون إسم ومستعار
سارق شعاع ضى النهار
وحنا ف إنتظار المعجزه
دابت شفايفى م الأسئله
امتى يكون حسن القرار
ولانرمى روحنا بالخضوع
نرسم على الوشوش
لحظة فرح
ونقول لجمر اللهب
حان القفول
ولا نفضل عيشين ف الحياه
نستنى تحصل معجزه

هتحصل ان شاء الله
بينا أو من غيرنا هتحصل
عمل جميل أخي
في انتظار جديدك دائما

سعيد بمرورك شاعرنا الجميل
ا/ عماد عبد الحكيم
ولاحرمنا الله من ذلك