رسالة من فقير يحتضر - طارق منيب

قبل ماشوفلي حاجة واسرقها
وابقى حرامي زيه وزيك
اديني لقمة عشان اتعشى
واوعى تقوللي لأ مش ذنبك
و اسكت خالص واحفظ أدبك
أصل الفقر راكبني بسببك

أما حرامي وبعين بجحة
بتقول أني معدني واطي
ونسيت أصلك نسخ ورقعة
وانك كنت حقير ومطاطي
بس صحيح سبحان العاطي
خلاك تعلى ياإبن الواطي

سايبك تاكل أكلي وأكله
ولا تشبعش صحيح مفجوع
مابيشبعش أبداً من كرشه
سايب غيره يموت مـ الجوع
وبصوت عالي كمان مسموع
بتقول أنك نوع وانا نوع

هي الدنيا خلاص ليكوا انتوا
واحنا خلقنا ربنا ليكوا
يخرب بيت أبو اهل سنينكوا
لأ دي الدنيا لينا وليكوا
أما الرزق ده مش بايديكوا
واللي خلقنا أكبر منيكوا
...................................

» رسالة من معجبة مجهولة - طارق منيب
» رسالة عتاب من فنانة شريفة- طارق منيب
» رسالة شكر إلى سيادة الرئيس مبارك - طارق منيب
» خطر ..قطر- طارق منيب
» بيرم منيب يعارض بيرم سند "مهداه للرئيس مرسي - طارق منيب