رسالة من معجبة مجهولة - طارق منيب

جت رسالة عالموبايل
واحدة قال هيمانة فيا
قلت أرد ورحت قايل
انت خيبتك ليه قوية
فيا أيه يتحب باسأل
هي قال فاكراني باتقل
قلت لازم هي غلطة
أصل أيه يتحب فيا

قد والدك ولا جدك
والسنين شمتانة فيا
ضهري محني وشعري سابني
والشباب مش بين أيديا
المفاجأة قالتلي عارفة
بس برده الموجة جارفة
قلت يبقى أكيد دي هبلة
أو بتضحك ليه عليا

قلت عيب جداً يابنتي
ليا زوجة هي ستي
والعيال هما سريرتي
والحياة ما تساعك انت
فجأة زادتني في حيرتي
باعشقك وانت سفينتي
قلت بس هي غرقة
تغرقي ولا ليكي دية

أصل فعلاً شئ عجيب
تعشقي مسن وكئيب
تختاري بجهلك جبيب
كل عشته بجلابية
وبرسالة تانيه برضه
جت ترد تقولي برضه
رحت قافل الموبايل
أصلها فعلاً غبية
......................

قصيدة رائعة شاعرنا الجميل طارق منيب
وسعيد بمرورى والاستمتاع بهذا الحوار الشعرى الرائع وأحسنت عندما أغلقت الهاتف
تحياتى

طاهر طاهر كتب:: قصيدة رائعة شاعرنا الجميل طارق منيب
وسعيد بمرورى والاستمتاع بهذا الحوار الشعرى الرائع وأحسنت عندما أغلقت الهاتف
تحياتى

شكرا ًكثيرا ًياأستاذ طاهر

تلامذتك ياباشا

سعيد بمرورك وتسجيل إعجابك بالقصيدة

الله الله والله استاذ طارق امتعتنى بشدوى هذه الابيات الشعريه الزجليه التى يتخللها لمسه فكاهيه وموضوع رائع
تحياتى

أهلاً أستاذنا الكبير محمد سرور

اللي يضحك الموضوع حقيقي

ولقيتها واحدة عارفاني شخصياً

بس أنا معرفهاش ومش عايز أعرف

أمثالها من حثالة النساء

سعيد بمرورك .. فكرتني بأيام زمان

رائع أنت أيها المبدع

دمت بخير و تألق

أهلاً أستاذ عاطف والله مشتاق لك جداً أنت وكل الزملاء القدامى

سعيد بمرورك وتسجيل إعجابك

جميل ما خططت أستاذنا أ/ طارق منيب
في انتظار ابداعاتك دائما

شكراً لجميل مرورك وتعليقك

» رسالة من فقير يحتضر - طارق منيب
» رسالة شكر إلى سيادة الرئيس مبارك - طارق منيب
» رسالة عتاب من فنانة شريفة- طارق منيب
» خطر ..قطر- طارق منيب
» بيرم منيب يعارض بيرم سند "مهداه للرئيس مرسي - طارق منيب