زادك وطن ... ( وربما كان للحديث بقية )

زادك وطن...
تتساوي فيه الروس
وتبص ليه الشمس مبسوطة
و إن عوزت عونه فوق جنونه يدوس
ويفك كل حكايه مربوطة
**
زادك وطن
ميشوفش فيك الزاد
ولا يبتديش الغربة من جوه
وميكسروش الحلم لو يتعاد
يديك ف قلب المعمعه قوه
***
زادك وطن
حكامه .. تشكمهم
والخدمة تبقي لكل من ... مخلوق
مش كل حاجة الحاجة تحكمهم
وتوطي لاجل العيشه فينا تروق
***
زادك وطن
قلبه علي ..المحتاج
والدق يبقي بس ع القادر
مش يبقي كاتب ع الفقير إزعاج
والطحن نازل .. بس م النادر!!!
**
زادك وطن
يظهر لكل الناس
وميخفهوش الضي م الخضة
يطلع مداين كوكب الاحساس
بالطيبة يرجع تاني يتوضي

جميلة ماشاء الله عليك
للأمام

ربنا يكرمك أ/ بنت النيل

زادك وطن
يظهر لكل الناس
وميخفهوش الضي م الخضة
يطلع مداين كوكب الاحساس
بالطيبة يرجع تاني يتوضي

الله على حرفك الجميل وياريت نلاقى هذا الوطن

تحياتى

ربنا يحفظك يا أ/ طاهر
ونتمنى فعلا ان نجد مثل هذا الوطن

» للحديث بقية تفاعلا مع اقرأ علشان تفهم للاستاذ/ تامر محمود
» تمره ( وللحديث بقية )