يالا نفسي - طارق منيب

يالا نفسي
بس برده كان في نفسي
أني ماقولها في يوم
يالا نفسي
أصل كله جوه نفسه
أصل كله ناسي أمسه
يبقى باغصب تاني نفسي
أني أقولها يالا نفسي

باطفي شمسي
بس برده كان في نفسي
أني ماطفيها في يوم
أصل شمسي
كات لشمسك كات لشمسه
كات بنفسك برده نفسه
بس باغصب تاني نفسي
أني أقولها يالا نفسي

يالا نفسي
بس مهما غالطت نفسي
عمري ماقدر أعيش في يوم
وأبدي نفسي
أصل نفسي هي نفسي
عمرها ماتعيش لنفسي
مهما قلت يالا نفسي
لأ يانفسي
.....................

يلا نفسي
..
عمل جميل أخي الشاعر / طارق منيب

عماد عبد الحكيم كتب:: يلا نفسي
..
عمل جميل أخي الشاعر / طارق منيب

شكرا شاعرنا الجميل

» يالا ناكل بسكويت - طارق منيب
» بيرم منيب يعارض بيرم سند "مهداه للرئيس مرسي - طارق منيب
» خطر ..قطر- طارق منيب
» صعب....تشوفنى
» هي كده.. لأ مش كده- طارق منيب