يالا ناكل بسكويت - طارق منيب

كان فيه ملكة زمان عبيطة
والعبط ماهوش جديد
صاحية يومها ولاقية زيطة
ناس بتلعن بالحديد

لما قامت من منامها
قال بتسأل أيه الجديد
قام حرس مش من مقامها
قالها ست طوانيت

أصل شعب جلال جنابك
أكله عيش ده مفيش جديد
وانت برضه بطين غبائك
فاكرة إنه كمان سعيد

مش سنين طويلة يصرخ
وانت ودنك طين أكيد
ودنك التانية بتشرخ
مـ العجين ومفيش جديد

ردت الملكة بتدمع
فيه بديل للعيش أكيد
شعبي أسكت بس واسمع
البديل في البسكويت
.......................