شخصين بطول النص

انا مش ملاك
وشيطاني مش حاضر
القلب سارح ف الغيطان بيدور
معرفش اكتب كلمتين ف النور
مفهمش من روحى
...

ولا حتى ف العتمة
...
يا مهون اللطمةع الخلق هونها
وإديني قد دراع م الدنيا لاجل أعيش
وبعشق ألونها
..
انا مش حزين الطبع
ولا بعشق الأحزان
بس الوجايع نبع وف أرضنا الخزان
طالع يا خوف كالسبع وبتسكن الأوزان
وبحرفنه بتدوب و الصورة
تعجنها
...
شخصين بطول النص
والنص مش مقسوم
بتتوه ف عب اللص وبتبتسم وتعوم
وحداني ماشي ترص وسط القلق ف القوم
ماتقوم ياعم وشوف والفرحة
مكنها
.....
.......
........

طميك بيشفي النيل والنخل محتاجه
قلبك مطر بيميل وبيسقي حجاجة
يا مقسم المواويل فين بس إزعاجه
طيرك وفي وصداح
والوردة طمنها
..
يامهون اللطمة
ع الخلق
هونها
..
واديني قد دراع م الدنيا لأجل أعيش
وبعشق ألونها

أين أنتم ياأعضاء المنتدى؟

يامن تعلمتم وعلمتم؟

إنه مظهر من مظاهر عدم الوفاء ونكران الجميل لهذا المنتدى العظيم هجركم له بهذه الطريقة!

في أنتظار معاودة نشاطكم مرة أخرى

أخوكم

طارق منيب

» النص التانى
» الخروج عن النص
» الخروج على النص
» النص الذي لا يعجبك
» فوبيا الحلم النص الفائز عن شهر نوفمبر 2009