لسه برده الثوره نور

يا أم الفرح ألوان .........وأم العيون ضحكات
زيدى كمان ضحتك ......ابنك خلاص اهو مات
مات ايلى كان فرفور
مات ايلى عاش الدور
وايلى اترسم فى سطور..أنه ولد ثاير
عدى طريق مكسور ...يزرع فى أرضك نور
طلع التراب باير          
.................................
وأوعى تقيملوه العزا ........وأوعى تمشيله فى جنازه
وان سيرته مره ف الكلام...عدت عليكى ماتسمعيش دا ملوهش عازه
وأوصفيه والنعت حاضر ...قولى عنه كان عميل ولا اقولك قولى فاجر
قولى كان خاين لوطنه ....كان بحر الدين يتاجر
وايلى زيه مايستهلش يدوس ترابى ....وان غلبتى ف وصف ابنك
يبقى وصفه الصح ارهابى.....وان مصدر كل شر وانه صدرلى خرابى
حب يقتل فيا ماضى ....حب يرسملى عذابى    
فاكر انه فى يوم هيطمس شمس نورى عن كلابى    
روح يا ابنى دى بلدهم واحنا فيها ارخص ضيوف
يقبلونا لو ننافق ينهشونا لو نشوف
احنا بالنسبه لحياتهم اسم سكناه الحروف  
ظرف من ضمن الظروف
وأقصى حريه نمارسها انن ايركبنا خوف
والعباده فرض لازم بعدها لازم نطوف
نقفل العين ع الاهانه ...يسألونا عن الخيانه يمتلك صوتنا الكسوف
واما أموت مالياش ضريح أصلى مش ميت جريح
اسم ميت هو اسمى يوم ميلادى فى الكشوف
ومش جديده انى ابقى ميت لو هعيش
مش بعيده انى احبك لوهموت
دا الحياه لو بعد منك ماتساويش
رسم درب الموت طبيعى فى السكوت
صوتى وحدوه دليل حياتى ......سوف يأتى من تابوت
سوف يصدح بالحقيقه ....سوف يصدح بالثبوت
لا أخونكِ يا بلادى ...لا أسلمُ للأعادى وان أموت
فأقطعِ من صدرى ضلعا .....وأكتبى فوق المدائن
أننى ابنٌ وعاشق .....أننى للحب دائن
علمِ كتب التاريخ ....وأرسمى كتب الحضاره
هذا ابنك لا يبالى من رصاص أو حجاره
لم يسلمْ للمفاسد ...لم يكن يوماً بفاسدْ
رغم كلَ الظلم ِ فيكِ كان نوراَ او منارهْ
يا بلاد القهر فيها مثل ذرات الهواء
ان تكنْ حرا ستصفع .....لاتريدُ سوا الرياء
ان ترد عقلا ستلعن ....سبحت باسم الغباء
.................................
وأصليبنى الف مره كل ذنبى انى بحبك
هو نفس لسانى يا ما زى ماعشلك بيمدح
برده كان قادر يسبك
هو نفس القلب هو ...ايلى عاش صاينك وعانا
وسط ناس عاشقه الخيانه ..الليلادى مبهدلانا
لـــــــــــــــــــيه يا غاليه مرخصانه
بصى يا بلدى بعنيكى ...أفتحى قلبك لقلبى
وحدى بس ايلى هصونك ...وسط ليل العتمه نورك
وف سمارى الحى لونك ....
عقل راسخ فى جنونك ......جن يسخط مين يخونك
هكسر السور عن سجونك
السجون مش للغلابه السجون للسجانين
السجون للكافرين.....بكره نور الثوره
يطرح يشهدوا الثوره ......دين
.................
وقتها تاخدى عزايا ...وارسمى على القبر نور
وأكتبى اسمى بدمايا .....نبض خالد ع السطور
وقتها أمى هتفرح ....وأما يوم تشتاق تشوفنى
هتلاقينى جوا عينك نفس صورتى
مش تراب مالى القبور ....
وقتها الحق يعبد ....كا كافر راح يغور
وقتها هكتب بحبك ....ينشف الحب ف قصايدى
حتى لو (ملو)البحور
علمى كل ايلى بعدك ان أرض الفوضى بور
علمى كل ايلى بعدى ان كل الثوره نور
...........................................
دا رابط القصيده على ساوند كلود
https://soundcloud.com/ebrahem-ghonem-1/0tico4chqwph

تحياتى وتقديري
أخى الشاعر الجميل
دمت بكل خير