الثوره مش مستمره

الثوره مش مستمره
الثوره مش حتستمر
لان امورها عالقه
وملهاش نفس ترجع
اصل الطريق مش سالكه

والثوره مش حترجع
ومش حنحس بالامان
وحنفضل شعب بيركع
ونبوس ع الايادى ف كل مكان
اصل الشعب حالف
انه مش حيرجع
وعايز يدوق الذل والهوان

يدوق طعم الاهانه
ينسى حريه وناس جعانه
ينسى وطن كان بينادى
ارجع يا ولدى ارجع
كان بينادى باعلى صوت
ارجع ارجع ارجع
كان بيطلع ف الروح
وخلاص وطن حيموت
يا وطن عامل فيها فالح
مش كل ال تشوفه بدقن
يبقى خلاص صالح

يا وطن مش عارف حقوقك
محتاج شعب يكون ايد
واحده علشان تسوقك
شعبك مش راجع
متتعبش نفسك وتنادى
موت مستريح وانسى
انه كان ليك شعب
وعيش وحيد ف الحياه
اصل يا وطن محدش حاسس
بيك او سامع صرخه الاه

كل الاعداء فرحوا فيك
وشعبك كان ف الفرحه منهم
العدو معروف بيجرح فيك
وياما انت خت حزرك منهم
لكن شعبك فين بدور عليهم
هما شعبك يا وطن فينهم

قال الوطن
انا مش حاسس بالامان
الثوره مش راجعه غير بس
لما نجيب حقوقنا
نكون صحينا من غفلتنا
وخلاص فوقنا
نشوف حقوقنا ونبتدى
نطالب بيها كلنا
يبقى خلاص فوقنا
ومفيش حد نايم عندنا

قال الشعب
احنا رجعنا يا وطن
ومش لقناك قاعد
عرفنا غلطنا وجينا نساعد
لكن يا وطن كل منقرب منك
نحس بحاجه لينا كانها بتباعد
بتبعدنا عنك لمسافات
مش بنعرف ننتصرف يا وطن
وبنغلط كتير غلطه او اتنين او تلات

قال الوطن
بتغلط بس لانه بينضحك عليك
شعب نايم مستنيه ايه
غير الضرب فيك
بس مش الضرب من الاعداء
بتضرب نفسك
اول مره اشوف شعب
يعذب نفسه بالشكل ده
السكه ال اخترتها طريقها صعب
وكانت النتيجه كده
لازم يا شعب تفوق وتحمينى
مش حنادى كتير عليك
وجيه وقت انك تورينى
انك شعب قد المسئوليه
ال انا حملت اياها
تقدر تاخد قرار بنفسك
متبقاش انت ال عماها
كل الكلام قولتهولك
وانت حر ف افعالك
لتبتدى تصنع طريق
لترضى بالضرب والاهانه
والشتيمه تبقالك
وترضه برضه يكون ده
حالك يكون ده حالك
الشاعر
محمد على

أخى محمد كلامك معقول جدا لكن اسمح لى مصر كل يوم بحال محدش عارف يكون أيه الوضع بكره
الشعب ممكن يكون نايم و لكنه بيهب فجأة و يحدث اشياء غير متوقعه
ربنا يلهمنا للصح دائما

تفاءل خيرا أخي محمد ما دام في مصر شرفاء يقولون لا
تحياتي لك

شكرا ع مرورك الاخت
بنت النيل وانا اتمنى
بان تكون مصر بحال افضل
تحياتى لكى استاذتى
______________
اعلم انى عاصــــــــى
وكثيرا ما ارتكب الذنوب
لكن لدينى مش ناسى
والله ع العبد يتـــــــــوب

اخى واستاذى وحبيبى
الاستاذى عادل سند
قال التاريخ عكس ذلك
صحيح شعب قادر ع المهالك
لكن بنتهرب من الواقع كتير
وهو ده يا وطن حالك
تحياتى لك اخى
______________
اعلم انى عاصــــــــى
وكثيرا ما ارتكب الذنوب
لكن لدينى مش ناسى
والله ع العبد يتـــــــــوب

اخى خلف انا متفائل
استاذى لكن الاحداث
والواقع غير ال بشوفه
تحياتى لك استاذى
______________
اعلم انى عاصــــــــى
وكثيرا ما ارتكب الذنوب
لكن لدينى مش ناسى
والله ع العبد يتـــــــــوب