حلم الملك

موضوع: حلم الملك الجمعة أبريل 18, 2014 11:20 am

حلم الملك
إن العجاف أكلت سمان
وان السنابل فيها كان
أخضر ويابس
قال الملك
الحلم قول
والرؤيه رؤية الرسول
هاتوللي اللي يفسره
ضحك الجميــــــــــــع____ مستغربين
_قول الملك
مش هو عارف إنهم
أجهل نعاج بين القطيع
على كام غراب
على حد عاب
ورد الربيع
وافق يموت
فوق الرصيف____ إسمه { الشهيد }
لو مات جعان أو صوت ميدان____ إسمه { الشهيد }
ورد الربيع متباع رضيــــــــع
علشان أمين عنده الجواب
حل السؤال _ من ربنا
طلع الرسول مسجون عشان
شهوه بتجري ف دمنا
___زوجة العزيز
والذنب دا مش ذنبنا
عشقاه وجرحت قلبنا
سجنت حبيب
علشان بيرفض حضنها
فكراه بيهرب من
عقاب الحد____ أو طلقة رصاص
ظلمت وطالبت بالقصاص
والحكم كان ظلم القضاء نفس الزمان
إعدام برئ بحبال سجون
كان في معاه غلامين ودول
طلعوا عشان عزفوا الكمان على دم سال
سمعوا السؤال
قالوا الجواب ديمآ سجين
قال الملك _ مين هو فين ؟
طلع الأمين اللي رفض
إنو يخون شرف العزيز
قال الملك انت الأمين
عندك أكيد تفسير مفيد
إزاي عجاف أكلت سمان !
قال الجعان وقت الغضب ياكل سمين
ازرع لبكره وردة تطرحلك سنين
تروي العطش
تطعم جعان______ ___ وبإيد أمين
سلمني مفتاح الخزين
زوجة العزيز قالت أمين
إنت مثال نعمه الشرف
قال الملك أنا معترف
إنك رسول من ربنا
أخرج بحل لكربنا
خرج الأمين يحمي العرين
بالعدل فانتشر الأمان
سمن عجاف___ من جيب سمان
قال الكيان محتاج أمين
بالظلم تنهشنا السنين
بالعدل ينتشر الأمان__
__ طلقة رصاص ____
تهدم وطن تحرق كيان
حلم الملك

بقلم ضياء الادريسي

موضوع: رد: حلم الملك الأحد مايو 11, 2014 10:06 am

اخى الشاعر
ضياء الادريسى
نص به اسقاط جميل على الوضع الحالى .
وخاتمه جميله بالفعل .
مودتى وتحيتى ...

» كش الملك
» فى مدح الملك المظفر
» الملك حسين
» الملك والشاعر
» وفاة بنت الملك فاروق