البلد دي مش بلدنا

البلد دي مش بلدنا
مصر بتودع يا ذوق

البلد دي للغريب
والحراميه اللي فوق

البلد دي للي لابس ألف وش
للي بيبيع الضمير

واللي بيطبل لسيدُه
واللي كل حياتُه غِش

للي بتهز بضمير
واللي بتألف كتير

واللي ما بيعرفشي حاجه
ف أي حاجه يكون وزير

البلد دي
للي دايس فوق رؤس كُل الغلابه
واللي ساكن جوه قصر

اللي فاكر انها تكية أبوه
اللى بيقول تحيا مصر

تحيا مصر
بس ليهم

مش لسكان الحواري والعشش
والوطن جنه ف عنيهم

واحنا ناكُل عيش ومِش

كل يوم في المدرسه
كنا بنحيا العلم

كُنا بنقول تحياااااا مصر
واحنا مش فاهمين ؟؟؟؟ غنم

واما كبرنا بعلمنا
والظُلم بهدل أُمنا

قررننا نطُلب حقنا
فا عملنا ثوره تشلنا

كان العقاب فقر وشتات
ولبسونا ف بعضنا

سابونا نغلي بمكرهم
وخادونا ذوق على حجرهُم

بلعنا الطُعم بسهوله
وقولنا حامينا دا رجوله

وهوا ف نفسه بيقرر
يمكن أمنا الغوله
..
رضا عثمــــــان

البلد دي للي لابس ألف وش
للي بيبيع الضمير

مش بلادنا يارضا ،، مش دي مصر اللي اتولدنا فيها ..

لا حنلبس وشوش ولا حنبيع الضمير

أحييك علي قصيدتك التي وصفت الجرح بدقة

لي شرف المرور الاول

خالص التقدير

رغم انى شايف عكس ده .
فالبلد رجعت بعد اختطافها وسرقتها .
رجعت لاولادها الاوفياء والمخلصين والذين يحبونها .
رجعت الى حضن الوطن بعد سرقتهخا علانية .
مصر رجعت ومن يظن عكس ذلك فهو واهم .
مودتى وتحيتى ...

» (بلدنا) شعر حسن سعد حسن
» بلدنا يا بلدنا
» حمار بلدنا
» عُلِّيق بلدنا عِلِقْ
» عمدة بلدنا