واحد صحيح

واحد صحيح

عايز اقولك ان لسة القلب عايش
مش جريح
واني هنا زي ما انا
واقف كما الجبل
اللي ما يتهز من
ايتها ريح
وان رجلي جذر ضارب من سنين في الارض
عيني ف السما
مش طريح دبيح
انا مش هاسامحك يوم
لاني وبساطة
شخص عادي
مش مسيح
كل فرصة بدهالك كنت بدعي
تبقى اخر مرة فيها تغلطي
وبتغلطي
والقاكي لما تغلطي
صوتك بيضعف يتملي
حب ودفا
زي القفا
ارجع واشيل الطين
على كتافي
واشرب في حب بيتملي
شيح وخل
خل وشيح
فمتساليش
فمتساليش عن وشك كانلك مبتسم
رغم الجراح
عيني اللي حبت طلتك
جي اليوم تشوفك تلتفت
عنك تشيح
و بتساليني مين انا
مستغربة
معلش
معلش حقك تسالي
تستغربي
فعلا انا مبقتش انا
طب هي جمله واحد بس
يمكن تفهمي
عدي السنين
اللي فـ حياتك كلها
واطرحي لحظة لقانا
يطلع الناتج انا
واحد صحيح

نص جميل أيها المبدع ...

دمت بكل خير و محبة و مرحبا بك في بيتك و منتداك


معلش حقك تسالي
تستغربي
فعلا انا مبقتش انا
طب هي جمله واحد بس
يمكن تفهمي
عدي السنين
اللي فـ حياتك كلها
واطرحي لحظة لقانا
يطلع الناتج انا
واحد صحيح

شكراا استاذ عاطف اتمني ان اكون عند حسن ظنك دائما