رباعيات الندل

موضوع: رباعيات الندل الأربعاء مارس 26, 2014 3:13 pm

والسبع مالي ف مكانه
جِه ندل وكان تَابِعنِي
ولولايا ابداً ما كانو
في السوق وكلاب تِبِعْنِي

وِايَاك في يوم تِطَاطِي
للندل تبقى خُسَارَه
دا الندل فِ الأصل وَاطِي
وخيانته دي مش جَسَارَه

طول عمره والندل راكب
وِ هو شَر الْوَلَايَا
عَلِيُته فُوق الْمَرَاكِب
وِ مَا يعلا أبداً لُولَايَا

والندل لِجمِايلِي نَاسِي
وانا كُنت عامل لُه قِيمَه
من طيبتي عَمَلْتُه نَاسِي
وِمَا يِسْوَى غِير القديمة

الندل طول عمره واطي
وهوايته يعمل مَقَالِب
وعمره للخير مَا عَاطِي
يِغْدُر وِ عَ العِشْرَه قَالِب

النخل يعلا بجَرِيدُه
والندل خاين فِ ضِلُه
مع إن دمي ف وريده
خسران ولا شيء فَاضِلُه

الندل يِنْكِر لي خيري
رَدْ العتاب اِجْتِنَابُه
تِظْهَرْ حَقِقْتُه لِغِيرِي
تِوْجَعْلُه بَطْنُه وْجِنَابُه

الندل لَو جَرْ شَكَلَك
إوْعَاك تِوَلَع وِ تِغْضَب
وِاذَا مَسْ بًصبَاعه شَكْلَك
لابُد تِقْطَع وِتِضْرَب
...................... الأديب رفعت السنوسي

أخي الكريم الشاعر / رفعت السنوسي
مربعات من فن الواو
متمكنة
إستمتعت بها
في انتظار جديدك أخي

أخي الاديب رفعت السنوسي

طول عمره والندل راكب
وِ هو شَر الْوَلَايَا
عَلِيُته فُوق الْمَرَاكِب
وِ مَا يعلا أبداً لُولَايَا

فعلا ايها المبدع ما يعلا ابدا لولايا

مربعات رائعة من فن الواو أستمتعت بها فعلا

المربعات للتثبت أعجابا وتقديرا

خالص الود

فن ساحر وجميل
استمتعت به جدا

» الصاحب الندل
» عذاب الندل مِتأجـِّـل ..!( للطبيب الشاعر/ د.محمد رزق)
» رباعيات
» رباعيات
» رباعيات فى حب مصر