الصاحب الندل

الصاحب الندل ماله صاحب
تصاحبه يعمل عليك صاحب


القول معاه ضايع
وسرك كمان شايع والكل له صاحب


وساعة الجد يخّونك
واللى يخّون صاحبه خاين مايتصاحب


أحسن لك تبعد وتنساه
ده لوربنا عطاه حا يبعد عنك ولا يصاحب


ويدورعلى ندل زيه ويصاحب
ومن صاحب لصاحبه دور ع اللى يتصاحب


وفى يتمنى لك الخير
وساعة الجد يحميك وتلاقيه صاحب


لايتكلم عليك ولايسمح لحد يتكلم
يعنى موجود أومش موجود لك صاحب


يشيل الجميل وصاحب صاحبه
مايتنساش وطول العمر لك صاحب


والصاحب الندل زى اللئيمة
لوأكرمتها تديك بالقديمة ولا تصاحب


أحد الصحابة قال أصعب ما فى الحياة
إنك تعرف اللئيم وتضطر له تصاحب


توب علينا يارب إنت الصاحب

اخى الشاعر الدكتور

مراد سليمان

صدقنى وما اكثر الاندال فى تلك الايام .

ونصك يحتوى بين كلماته على نوعيات من الصحاب

ولكنك دققت بقوه على الصاحب الندل .

مودتى وتحيتى ...

بسم الله الرحمن الرحيم


أستاذى العزيز عادل سند

تحية طيبة وبعد

أولا كل عام وأنت طيب

ثانيا وبمنتهى الأمانة لقد أوحشنى نقدك
وحضور الندوات وأرجو المعذرة

مع أطيب التمنيات
وإلى لقاء قريب بإذن الله

د.مراد